ແນະນຳແຜນຮ່າງປ່ຽນໃຫມ່ແຜນການພັດທະນາເສດຖະກິດສັງຄົມໃນທຸກຂັ້ນ
ພາບປະກອບ: internet
|
(vovworld) - ຕອນເຊົ້າວັນທີ 6/8 ຢູ່ ຮ່າໂນ້ຍ, ສະຖາບັນຄົ້ນຄ້ວາບໍລິຫານເສດຖະກິດສູນກາງ, ກະຊວງແຜນການ ແລະ ການລົງທຶນ ໄດ້ຈັດຕັ້ງກອງປະຊຸມສຳມະນາແນະນຳແຜນຮ່າງປ່ຽນໃຫມ່ແຜນການພັດທະນາເສດຖະກິດ - ສັງຄົມ ໃນທຸກຂັ້ນ ເພື່ອປຶກສາຫາລື, ຮັບເອົາຄຳເຫັນເພື່ອສ້າງແຜນຮ່າງໃຫ້ສຳເລັດຍື່ນສະເຫນີຕໍ່ລັດຖະບານ. ແຜນຮ່າງນີ້ຖ້າຫາກໄດ້ຮັບການອະນຸມັດຈະຍົກສູງປະສິດທິຜົນຂອງເຄື່ອງມືວາງແຜນການພັດທະນາເສດຖະກິດ ສັງຄົມ. ເພື່ອປ່ຽນໃຫມ່ວຽກງານວາງແຜນການພັດທະນາເສດຖະກິດ ສັງຄົມໃນໄລຍະຈະມາເຖິງ, ບັນດາຜູ້ແທນໄດ້ຍົກອອກບາງມາດຕະການຄື: ເອົາໃຈໃສ່ເຖິງການບໍລິການຂອງລັດກວ່າອີກ, ພິເສດ ແມ່ນຫນູນຊ່ວຍການຜະລິດ, ສາທາລະນະສຸກ, ການສຶກສາ ແລະ ສິ່ງແວດລ້ອມ; ກຳນົດຢ່າງຈະແຈ້ງການໃຫ້ບຸລິມະສິດລະຫວ່າງບັນດາຄາດໝາຍຕາມລຳດັບ; ເພີ່ມທະວີການຮ່ວມສຳພັນລະຫວ່າງແຜນການ ແລະ ງົບປະມານ; ພ້ອມທັງກຳນົດບັນດາມາດຕະການຢ່າງຈະແຈ້ງເພື່ອດຶງດູດແຫລ່ງກຳລັງຈາກພາຍນອກ. ບັນດາຜູ້ຊ່ຽວຊານດ້ານເສດຖະກິດຖືວ່າ: ໃນພາຍພາກຫນ້າ ຕ້ອງກຳນົດບົດບາດ, ພາລະຫນ້າທີ່ຂອງລັດຢ່າງລະອຽດໃນພື້ນຖານເສດຖະກິດການຕະຫລາດ, ນຳບັນດາເນື້ອໃນທີ່ໄດ້ໝັ້ນໝາຍໃນການເຊື່ອມໂຍງເຂົ້າແຜນການພັດທະນາເສດຖະກິດສັງຄົມ.