(ໄຂງານບຸນຫວຽດນາມຢູ່ຍີ່ປຸ່ນ)
(vovworld) - ວັນທີ 19/9, ງານບຸນຫວຽດນາມ (ຫວຽດນາມ-festa-Kanagawa) ໄດ້ໄຂຂຶ້ນຢູ່ສຳນັກງານນະຄອນ Yokohama, ແຂວງ Kanagawa. ງານບຸນໂດຍສະຖານທູດຫວຽດນາມ ສົມທົບກັບແຂວງ Kanagawa ຈັດຕັ້ງ, ເພື່ອແນໃສ່ເພີ່ມທະວິການພົວພັນແລກປ່ຽນດ້ານວັດທະນະທຳລະຫວ່າງປະຊາຊົນສອງປະເທດ. ໃນບົດປາໄສຊົມເຊີຍງານບຸນ, ຜູ້ວ່າການແຂວງ Kanagawa, ທ່ານ Kuroiwa Yuji ຢືນຢັນວ່າ, ຫວຽດນາມ-festa-Kanagawa, ແມ່ນງານບຸນຫວຽດນາມ ທີ່ມີຂະໜາດໃຫຍ່ກວ່າໝູ່ນັບແຕ່ກ່ອນມານີ້ຢູ່ຍີ່ປຸ່ນ, ຈະປະກອບສ່ວນເພີ່ມທະວີຄວາມສະໜິດຕິດພັນລະຫວ່າງປະຊາຊົນ Kanagawa ກັບປະຊາຄົມຊາວຫວຽດນາມ ທີ່ພວມດຳລົງຊີວິດ ແລະ ຮຳ່ຮຽນຢູ່ທີ່ນີ້. ທ່ານເຊື່ອໝັ້ນວ່າ, ງານບຸນຈະຊຸກຍູ້ການຮ່ວມມືລະຫວ່າງ Kanagawa ກັບທ້ອງຖີ່ນຕ່າງໆຂອງຫວຽດນາມ, ກໍ່ຄືປະກອບສ່ວນເຂົ້າໃນການພັດທະນາຂອງການພົວພັນຫວຽດນາມ - ຍີ່ປຸ່ນ.
ສ່ວນທ່ານ ເອກອັກຄະລັດຖະທູດຫວຽດນາມ ປະຈຳຍີ່ປຸ່ນ ຫງວຽນກວົກເກື່ອງ ກໍ່ເນັ້ນໜັກວ່າ, ງານບຸນຫວຽດນາມ ຢູ່ Kanagawa ແມ່ນໂອກາດເພື່ອໃຫ້ຊາວຫວຽດນາມ ຮູ້ ແລະ ໃກ້ຊິດກັບນະຄອນ ແລະ ຊາວ Kanagawa ກວ່າ, ກໍ່ຄືເພື່ອໃຫ້ຊາວ Kanagawa ໄດ້ເຂົ້າຮ່ວມ, ແລກປ່ຽນວັດທະນະທຳກັບຊາວຫວຽດນາມ.