(vovworld) – ກ່າວຄຳເຫັນທີ່ພິທີໄຂເວທີປາໄສຮ່ວມມືພັດທະນາເສດຖະກິດເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ - ຊອກຈັງ 2014 ໃນຕອນຄ່ຳວັນທີ 5/11, ຢູ່ແຂວງ ຊອກຈັງ, ທ່ານຮອງນາຍົກລັດຖະມົນຕີ ຫວຽດນາມ ຫວູວັນນີງ ຢືນຢັນວ່າ: ດ້ວຍຫົວຂໍ້ວ່າ “ສ້າງໂຄງປະກອບກະສິກຳຄືນໃໝ່ - ກໍ່ສ້າງຊົນນະບົດໃໝ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ”, ເວທີປາໄສປີນີ້ແມ່ນການກະທຳແທດຈິງພ້ອມກັບທົ່ວປະເທດປະຕິບັດແຜນນະໂຍບາຍ, ນະໂຍບາຍຂອງພັກ, ລັດກ່ຽວກັບກະສິກຳ, ຊາວກະສິກອນ ແລະ ຊົນນະບົດຫຼາຍກ່ວາອີກ.
ເວທີປາໄສຈະແມ່ນກາລະໂອກາດເພື່ອໃຫ້ບັນດາແຂວງ, ນະຄອນໃນເຂດພ້ອມກັນຊອກຫາບັນດາມາດຕະການ, ສ້າງກຳລັງໜູນຢ່າງແຮງກ່ວາອີກໃຫ້ແກ່ການພັດທະນາກໍ່ຄືປັບປຸງຄຸນນະພາບການດຳລົງຊີວິດຂອງປະຊາຊົນ, ພ້ອມທັງສຸມໃສ່ປັບປຸງ, ແກ້ໄຂບັນດາຄວາມຫຍຸ້ງຍາກ, ສ້າງເງື່ອນໄຂທີ່ດີໃຫ້ແກ່ບັນດານັກລົງທຶນພາຍໃນ ແລະ ຕ່າງປະເທດໄດ້, ພວມ ແລະ ຈະທຳມາຫາກິນ, ດຳເນີນທຸລະກິດຢູ່ເຂດນີ້. ທ່ານຮອງນາຍົກລັດຖະມົນຕີ ຫວູວັນນີງ ກ່າວວ່າ:
“ຂ້າພະເຈົ້າສະເໜີໃຫ້ບັນດາກະຊວງ, ຂະແໜງການສູນກາງ, ບັນດາທ້ອງຖີ່ນໃນເຂດເອົາໃຈໃສ່ເຖິງຈຸດໝາຍສຳຄັນທີ່ສຸດເຊິ່ງເວທີປາໄສມຸ່ງໄປເຖິງແມ່ນສົມທົບກັນຢ່າງແໜ້ນແຟ້ນລະຫວ່າງການພັດທະນາເສດຖະກິດກັບການຮັບປະກັນຊີວິດສັງຄົມ, ເບິ່ງແຍງດູແລຊີວິດທາງດ້ານວັດຖຸ ແລະ ຈິດໃຈຂອງປະຊາຊົນ, ພິເສດແມ່ນສຳລັບຄົນທຸກຍາກ, ຊາວຊົນເຜົ່າສ່ວນໜ້ອຍ, ພໍ່ແມ່ປະຊາຊົນຢູ່ເຂດຊົນນະບົດ, ເຂດຫ່າງໄກສອກຫຼີກ. ຄຽງຄູ່ກັນນັ້ນ, ການເຄື່ອນໄຫວຂອງເວທີປາໄສຄວນຕິດພັນກັບສະພາບການຕົວຈິງ, ແກ້ໄຂບັນດາຈຸດເຄັ່ງຮ້ອນ, ບັນດາບັນຫາວາງອອກໃນວິວັດການພັດທະນາເສດຖະກິດ - ສັງຄົມຂອງເຂດ, ຮັບຮອງເອົາເລື່ອງຫັນບັນດາຂໍ້ສະເໜີຂອງບັນດາທ້ອງຖີ່ນ, ບັນດານັກວິທະຍາສາດ, ບັນດານັກລົງທຶນ, ພິເສດແມ່ນການລົງທຶນເຂົ້າໃນຂົງເຂດກະສິກຳ, ຊົນນະບົດ, ບັນດາຂົງເຂດມີລັກສະນະແຜ່ຂະຫຍາຍສູງເພື່ອແນໃສ່ນຳເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ກາຍເປັນເຂດເສດຖະກິດຂະຫຍັນຂັນເຄື່ອນ, ພັດທະນາໄວ ແລະ ຍືນຍົງ.”
ທີ່ເວທີປາໄສຄັ້ງນີ້, ມີ 67 ໂຄງການໄດ້ຈົດທະບຽນ ແລະ ເຊັນສັນຍາລົງທຶນເຂົ້າເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ດ້ວຍຈຳນວນເງິນ 22.000 ຕື້ດົ່ງ.