(vovworld) - ວັນທີ 25/02, ກົມສືບສວນພິເສດໄທ (DSI) ໄດ້ຍົກເລີກຄຳສັ່ງປິດລ້ອມບັນຊີທະນາຄານຂອງສະມາຊິກ 38 ຄົນໃນຂະບວນການຕ້ານລັດຖະບານຄະນະກຳມະການປະຕິຮູບປະຊາທິປະໄຕປະຊາຊົນ (PDRC) ແລະ 3 ບັນຊີອື່ນໆທີ່ກ່ຽວຂ້ອງ. ແຕ່ວ່າ, ຜູ້ອຳນວຍການ DSI ທ່ານ ທາຣີດ ເພງດີດ ໃຫ້ຮູ້ວ່າ, ສູນຮັກສາສັນຕິພາບ ແລະ ຄວາມເປັນລະບຽບຮຽບຮ້ອຍ (CMPO) ຂອງລັດຖະບານຊົ່ວຄາວ ຈະສືບຕໍ່ຕິດຕາມ ບັນຊີເຫຼົ່ານັ້ນ ຍ້ອນ 38 ຄົນດັ່ງກ່າວແມ່ນບັນດາເປົ້າໝາຍພວມຖືກຊອກຈັບ. ຕາມທ່ານ ທາຣີດ ເພງດີດ ແລ້ວ, ເລື່ອງຍົກເລີກຄຳສັ່ງປິດລ້ອມບັນຊີດັ່ງກ່າວຖືກຍົກອອກມາພາຍຫຼັງສານພົນລະເຮືອນໄທ ອອກຄຳຕັດສິນຫ້າມ CMPO ມີການກະທຳໃຊ້ຄວາມຮຸນແຮງຕ້ານຜູ້ແຫ່ຂະບວນປະທ້ວງ. ທ່ານກໍ່ໃຫ້ຮູ້ເຕີ່ມອີກວ່າ CMPO ຈະຂໍອຸທອນຕໍ່ຄຳຕັດສິນຂອງສານ ເພື່ອຕ່ືມສິດອຳນາດຮັບມືກັບບັນດາການແຫ່ຂະບວນປະທ້ວງ.
ຕາມອົງການສາທາລະນະສຸກຮີບດ່ວນແລ້ວ, ນັບແຕ່ເມື່ອເກີດຂະບວນການແຫ່ງຂະບວນປະທ້ວງເມື່ອເດືອນ 11/2013 ມາຮອດປະຈຸບັນ ໄດ້ມີ 16 ຄົນເສຍຊີວິດ ແລະ 695 ຄົນຖືກບາດຈັບໃນການປະທະກັນທີ່ໃຊ້ຄວາມຮຸນແຮງ.