ໜູນຊ່ວຍຊາວ ກຳປູເຈຍ, ລາວ ເຊື້ອຊາດ ຫວຽດນາມ ປ້ອງກັນ, ສະກັດກັ້ນໂລກລະບາດໂຄວິດ-19
(VOVWORLD) - ວັນທີ 16 ເມສາ, ຢູ່ 4 ດ່ານຊາຍແດນ ນາມຢ່າງ (ແຂວງ ກວາງນາມ); ເບີອີ (ແຂວງ ກອນຕຸມ); ເລະແທງ (ແຂວງ ຢາລາຍ) ແລະ ບູປຣັງ (ແຂວງ ດັກນົງ), ກອງບັນຊາການທະຫານເຂດ 5 ໄດ້ສົມທົບກັບກອງບັນຊາການທະຫານບັນດາທ້ອງຖິ່ນ ມອບອຸປະກອນການແພດໜູນຊ່ວຍ 2 ປະເທດ ລາວ, ກຳປູເຈຍ ໃນການປ້ອງກັນ, ສະກັດກັ້ນໂລກລະບາດໂຄວິດ-19.
 ສະມາຄົມຊາວຂະແມ - ຫວຽດນາມ ໄດ້ມອບຂອງຂວັນ 100 ພຸດໃຫ້ພໍ່ແມ່ປະຊາຊົນຊາວ ກຳປູເຈຍ ເຊື້ອຊາດ ຫວຽດນາມ |
ພົນຈັດຕະວາ ເຈືອງທຽນໂຕ, ຮອງຫົວໜ້າການເມືອງກອງບັນຊາການທະຫານເຂດ 5 ໃຫ້ຮູ້ວ່າ:
“ພວກຂ້າພະເຈົ້າໄດ້ສົມທົບຢ່າງແໜ້ນແຟ້ນກັບຂັ້ນພັກ, ອຳນາດການປົກຄອງທ້ອງຖິ່ນຊຶ້ວັດຖຸອຸປະກອນການແພດ ເພື່ອຮັບໃຊ້ໃຫ້ແກ່ການປ້ອງກັນ, ສະກັດກັ້ນໂລກລະບາດ. ນອກນັ້ນ ຍັງມີສິ່ງທີ່ຈຳເປັນ ເພື່ອຮັບປະກັນໃຫ້ຊີວິດການເປັນຢູ່ຂອງປະຊາຊົນ ແລະ ພະນັກງານ, ນັກຮົບຂອງ 2 ປະເທດ. ພວກຂ້າພະເຈົ້າ ກຳນົດວ່າ ນີ້ແມ່ນວຽກງານທີ່ມີຄວາມໝາຍສຳຄັນທີ່ສຸດ ປະກອບສ່ວນເສີມສ້າງມູນເຊື້ອ, ການພົວພັນຮ່ວມມືມິດຕະພາບລະຫວ່າງ ຫວຽດນາມ - ກຳປູເຈຍ - ລາວ ແລະ ກອງທັບຂອງ 3 ປະເທດໃນສະພາບການປັດຈຸບັນ.”
ແລະກໍ່ໃນວັນທີ 16 ເມສາ, ຢູ່ແຂວງ Kandal, ສະມາຄົມຊາວຂະແມ - ຫວຽດນາມ ໄດ້ມອບຂອງຂວັນ 100 ພຸດໃຫ້ພໍ່ແມ່ປະຊາຊົນຊາວ ກຳປູເຈຍ ເຊື້ອຊາດ ຫວຽດນາມ ທີ່ປະສົບກັບຄວາມຫຍຸ້ງຍາກຍ້ອນໂລກລະບາດໂຄວິດ-19. ຂອງຂວັນດັ່ງກ່າວຈະປະກອບສ່ວນຮັບປະກັນຊີວິດການເປັນຢູ່, ສ້າງກຳລັງໜູນໃຫ້ປະຊາຊົນຜ່ານຜ່າຄວາມຫຍຸ້ງຍາກຍ້ອນຜົນສະທ້ອນຂອງໂລກລະບາດ ໂຄວິດ-19.