(vovworld) – ເພື່ອກະກຽມຕ້ອນຮັບບຸນປີໃໝ່ປະຈຳຊາດ ປີມະເມຍ 2014, ແຂວງ ນິງບິ່ງ ໄດ້ຕົກລົງຫັກຈຳນວນເງິນກ່ວາ 20 ຕື້ດົ່ງຈາກງົບປະມານຂອງແຂວງເພື່ອໜູນຊ່ວຍໃຫ້ບັນດາເປົ້າໝາຍນະໂຍບາຍ, ບັນດາຜູ້ມີຄຸນງາມຄວາມດີຕໍ່ການປະຕິວັດ, ຜູ້ອາຍຸສູງ, ເປົ້າໝາຍໄດ້ຮັບການອຸປະກະລະສັງຄົມ, ຄອບຄົວໃກ້ຈະຕົກເຂົ້າສູ່ມາດຖານຄອບຄົວທຸກຍາກ ແລະ ຄອບຄົວທຸກຍາກ, ນັກຮົບທີ່ພວມປະຕິບັດງານຢູ່ເຂດຊາຍແດນ, ໝູ່ເກາະ ດ້ວຍລະດັບເງິນແຕ່ 200.000 ດົ່ງ ເຖິງ 1,3 ລ້ານດົ່ງ... ພ້ອມກັນນັ້ນ, ທາງແຂວງກໍ່ໄດ້ໄປຢ້ຽມຢາມ, ມອບຂອງຂວັນໃຫ້ໂຮງຮຽນສຶກສາ ອົບຮົບເລກ 2, ສູນອຸປະກະລະສັງຄົມແຂວງ ນິງບິ່ງ ແລະ ຮາກຖານທີ່ພວມເບິ່ງແຍງດູແລທະຫານເຈັບປວຍ, ທະຫານເສຍອົງຄະ 7 ແຫ່ງໃນບໍລິເວນແຂວງ ນິງບິ່ງ, ບັກຢາງ, ບັກນິງ, ຮ່ານາມ.
ແຂວງ ລາວກາຍ ກໍ່ຕົກລົງສະຫງວນຈຳນວນເງິນເກືອບ 15 ຕື້ດົ່ງເພື່ອໜູນຊ່ວຍຄອບຄົວນະໂຍບາຍ, ຜູ້ມີຄຸນງາມຄວາມດີໃນບໍລິເວນແຂວງເນື່ອງໃນບຸນເຕັດປີມະເມຍ.