ກ່າວຄຳເຫັນທີ່ການເຮັດວຽກ, ທ່ານ ມາຍຕ໊ຽນຢຸງ ລັດຖະມົນຕີ, ຫົວໜ້າຫ້ອງວ່າການລັດຖະບານ, ຫົວໜ້າໜ່ວຍປະຕິບັດງານໃຫ້ຮູ້ວ່າ: ໂລກລະບາດ Covid – 19 ພວມຜັນແປຢ່າງສັບສົນທີ່ສຸດໃນທົ່ວໂລກ ແລະ ຢູ່ ຫວຽດນາມ. ໃນໄລຍະທີ່ຜ່ານມາ, ລັດຖະບານ, ນາຍົກລັດຖະມົນຕີໄດ້ຊີ້ນຳບັນດາວິທີການຮັບມື, ປ້ອງກັນ, ສະກັດກັ້ນໂລກລະບາດຢ່າງຂ້ຽວຂາດ, ລະອຽດ ແລະ ຄົບຊຸດ. ພ້ອມກັນນັ້ນ, ຕໍ່ໜ້າສະພາບການ ໂລກລະບາດ Covid – 19 ກະທົບໃສ່ທຸກ ດ້ານ ນັບແຕ່ ເສດຖະກິດ, ສັງຄົມ, ການປ້ອງກັນຊາດ - ປ້ອງກັນຄວາມສະຫງົບ ແລະ ຊີວິດການເປັນຢູ່ຂອງປະຊາຊົນ. ທ່ານນາຍົກລັດຖະມົນຕີກໍ່ຊີ້ນຳຜັນຂະຫຍາຍບັນດາໜ້າທີ່, ວິທີການຕ່າງໆເພື່ອແນໃສ່ແກ້ໄຂຄວາມຫຍຸ້ງຍາກໃຫ້ແກ່ການຜະລິດ, ດຳເນີນທຸລະກິດ, ຮັບປະກັນຊີວິດສັງຄົມ ແລະ ຊີວິດການເປັນຢູ່ຂອງປະຊາຊົນ, ຮັກສາຄວາມໄວຂອງການເຕີບໂຕ.