ຜູ້ວ່າການທະນາຄານອັງກິດ Mark J Carney (ຊ້າຍ) ລັດຖະມົນຕີວ່າການກະຊວງການເງິນ ອາເມລິກາ Jacob J Lew
(ພາບ: AFP/TTXVN)
|
(vovworld) – ຕອນບ່າຍວັນທີ 28/5, ກອງປະຊຸມລັດຖະມົນຕີການເງິນ ແລະ ຜູ້ວ່າການທະນາຄານສູນກາງກຸ່ມບັນດາປະເທດອຸດສາຫະກຳພັດທະນາ (ຈີ 7) ມີບັນດາວາລະປະຊຸມທາງການຢູ່ນະຄອນ Dresden, ປະເທດ ເຢຍລະມັນ, ໜຶ່ງໃນບັນດາເນື້ອໃນສຳຄັນນັ້ນແມ່ນບັນຫາໜີ້ສິນຂອງ ເກັຼກ.
ທີ່ການແລກປ່ຽນຄວາມເຫັນ, ທ່ານລັດຖະມົນຕີວ່າການກະຊວງການເງິນ ອາເມລິກາ Jack Lew ກະຕຸກຊຸກຍູ້ບັນດາຝ່າຍກ່ຽວຂ້ອງເປັນເອກະສັນທິດທາງແກ້ໄຂວິກິດການໜີ້ສິນຂອງປະເທດ ເອີລົບ ໃຕ້ນີ້, ເພື່ອແນໃສ່ປະກອບສ່ວນເຂົ້າໃນສະຖຽນລະພາບລວມຂອງເສດຖະກິດໂລກ. ຜູ້ອຳນວຍການໃຫຍ່ກອງທຶນເງິນຕາສາກົນ (IMF) ທ່ານນາງ Christine Lagarde ຕີລາຄາເຈົ້າໜີ້ສາກົນທັງ 3 ເຊິ່ງລວມມີ: IMF, ຄະນະກຳມະການ ເອີລົບ (EC), ທະນາຄານສູນກາງ ເອີລົບ (ECB) ແລະ ເກັຼກ ໄດ້ຫຍັບມໍ່ໃກ້ກັບມາດຕະການສຸດທ້າຍໃນການແກ້ໄຂວິກິດການໜີ້ສິນຂອງປະເທດນີ້, ແຕ່ຖືວ່າ ເກັຼກ ຄວນສະແດງຄວາມຕັດສິນໃຈປະຕິຮູບຂອງຕົນຢ່າງແຮງກ່ວາອີກ. ການນຳ ECB ແລະ EC ສືບຕໍ່ຮັກສາເງື່ອນໄຂ ເກັຼກ ຕ້ອງປະຕິບັດບັນດາການປະຕິຮູບຢ່າງເດັດຂາດ ຖ້າຫາກຢາກໄດ້ຮັບບັນດາບ້ວງເງິນໜູນຊ່ວຍເພີ່ມເຕີມ, ເຊິ່ງມາຮອດປະຈຸບັນ ລັດຖະບານຝ່າຍຊ້າຍຂອງທ່ານນາຍົກລັດຖະມົນຕີ Alexis Tsipras ຍັງຄົງປະຕິເສດຢ່າງແຮງ.