17ປະເທດເຂົ້າຮ່ວມການຝືກຊ້ອມຮ່ວມເພື່ອປ້ອງກັນ,ຕ້ານໄພທຳມະຊາດຢູ່ທະເລຕາເວັນອອກ
ທະຫານເຮືອຫວຽດນາມເຂົ້າຮ່ວມການຝືກຊ້ອມ
ພາບ:TTXVN
|
(vovworld)- ການຝືກຊ້ອມຮ່ວມແກ່ຍາວໃນເວລາ 6 ມື້ ຢູ່ ທະເລຕາເວັນອອກ, ເລີ່ມຕົ້ນແຕ່ວັນທີ 29/3 ໂດຍມີການເຂົ້າຮ່ວມຂອງປະຊາຊົນ, ກຳລັງທະຫານເຮືອເກືອບ 4.900 ຄົນທີ່ມາຈາກ 10 ປະເທດສະມາຊິກ ອາຊຽນ ແລະ 7 ປະເທດຄູ່ເຈລະຈາ, ຄູ່ຮ່ວມມືນັ້ນແມ່ນ: ຈີນ, ອິນເດຍ, ຍີ່ປຸ່ນ, ນີວເຊີແລນ, ລັດເຊຍ, ສາທາລະນະລັດເກົາຫລີ ແລະ ອາເມລິກາ. ອົດສະຕາລີ ເຂົ້າຮ່ວມການຝືກຊ້ອມໃນຖານະເປັນປະເທດສັງເກດການ. ຄຽງຂ້າງນັ້ນ, ສປຊ, ອີຢູ, ໂຮນລັງ, ແອດສະປາຍ ແລະ ຄະນະເລຂາອາຊຽນ ກໍໄດ້ເຂົ້າຮ່ວມ ໃນຖານະເປັນນັກສັງເກດການ. ກ່າວຄຳເຫັນເປີດສາກການຝືກຊ້ອມຢູ່ເກາະ Batam ໃກ້ກັບສິງກະໂປ, ທ່ານ Djoko Suyanto, ລັດຖະມົນຕີປະສານງານບັນຫາການເມືອງ,ກົດໝາຍ ແລະ ປ້ອງກັນຄວາມສະຫງົບ ອິນໂດເນເຊຍ ໃຫ້ຮູ້ວ່າ: ການຝືກຊ້ອມຮ່ວມນີ້ ເພື່ອປະກອບສ່ວນປັບປຸງວຽກງານຈັດຕັ້ງເຄື່ອນໄຫວກູ້ໄພກູ້ຊີບສາກົນ ໃນກໍລະນີເກີດໄພທຳມະຊາດ. ການຝືກຊ້ອມແມ່ນສ່ວນຫນຶ່ງໃນຂໍ້ຕົກລົງ ອາຊຽນ ກ່ຽວກັບການຮັບມືດ່ວນ ແລະ ກວດກາໄພທຳມະຊາດ.