(vovworld) - ວັນທີ 06/05, ຂະບວນການອິດສະລາມ Hamas ພວມຄວບຄຸມເຂດກາຊາ ໄດ້ຖະແຫຼງ “ບໍ່ຮຽກຮ້ອງສົງຄາມຄັ້ງໃໝ່” ກັບອິດສະຣາແອນ, ແຕ່ຈະບໍ່ເຫັນດີຕໍ່ການແຊກຊຶມຂອງຝ່າຍອິດສະຣາແອນ ແລະ ບໍ່ເຫັນດີຕໍ່ເຂດດິນເປົ່າຫວ່າງ. ຫົວໂປຂອງ Hamas ຢູ່ເຂດ ກາຊາ Ismail Haniyeh ຖືວ່າ, ບັນດາການແຊກຊຶມຫວ່າງມໍ່ໆມານີ້ຂອງກຳລັງອິດສະຣາແອນ ຢູ່ເຂດຊາຍແດນ ເພື່ອແນໃສ່ຊອກຫາທາງໃຕ້ດິນແມ່ນເຫດຜົນທີ່ກໍ່ໃຫ້ເກີດສະພາບໃຊ້ຄວາມຮຸນແຮງຄັ້ງໃໝ່ລະຫວ່າງ 2 ຝ່າຍ. ຫົວໂປຜູ້ນີ້ໄດ້ກ່າວຫາກຳລັງອິດສະຣາແອນ ໄດ້ແຊກຊຶມເຂົ້າເຂດຜືນແຜ່ນດິນຂອງກາຊາ ເກືອບ 200 ມ, ພ້ອມທັງເນັ້ນໜັກວ່າ, ການກະທຳນີ້ແມ່ນການລະເມີດຂໍ້ຕົກລົງຢຸດຍິງ ໂດຍອີຍິບ ເປັນຄົນກາງໄກ່ເກ່ຍ ເຊິ່ງບັນລຸໄດ້ເມື່ອລະດູຮ້ອນປີ 2014 ຢ່າງເປີດແປນ.