(vovworld)- ໃນ ກວ່າ 60 ປີ ທີ່ເຮັດອາຊີບເປັນນັກຟ້ອນ, ນັກສິລະປິນປະຊາຊົນ ຈູທູຍກີງ
ຍັງຄົງເມົາມົວກັບການຄົ້ນຄ້ວາ, ສອນສິລະປະຟ້ອນໃຫ້ແກ່ລຸ້ນຫນຸ່ມ ກໍຄືອຸທິດສ່ວນສ້າງຄວາມງາມໃຫ້ບັນດາວາດຟ້ອນພື້ນເມືອງຂອງຮ່າໂນ້ຍ. ດ້ວຍບັນດາຜົນງານທີ່ຍາດມາໄດ້ໃນໄລຍະເຮັດອາຊີບເປັນນັກຟ້ອນຂອງຕົນ, ນັກສິລະປິນປະຊາຊົນ ຈູທູຍກີງ
ໄດ້ຮັບນາມມະຍົດເປັນພົນລະເມືອງດີເດັ່ນຂອງນະຄອນຫລວງ ໃນປີ 2015.
ນັກສິລະປິນປະຊາຊົນ ຈູທູຍກີງ
ພາບ:TTXVN
|
ໂດຍໄດ້ສະຫນິດຕິດພັນກັບນະຄອນຫລວງ ຮ່າໂນ້ຍມາເປັນເວລາກວ່າ 70 ປີ ແລະອຸທິດສ່ວນເຂົ້າໃນຫລາຍກິດຈະກຳກໍຄືບັນດາວາດຟ້ອນກ່ຽວກັບບ້ານເກີດເມືອງນອນ, ແຕ່ເມື່ອໄດ້ຮັບນາມະຍົດເປັນພົນລະເມືອງທີ່ດີເດັ່ນຂອງນະຄອນຫລວງ ຮ່າໂນ້ຍ, ນັກສິລະປິນ ຈູທູຍກີງ ຍັງຮູ້ສຶກປະຫລາດໃຈທີ່ສຸດ. ສຳລັບ ນັກສິລະປິນປະຊາຊົນ ຈູທູຍກີງ ແລ້ວ, ໂດຍແມ່ນລູກຫລານຄົນຫນຶ່ງຂອງ ຮ່າໂນ້ຍ, ການອຸທິດສ່ວນໃຫ້ນະຄອນຫລວງ ຮ່າໂນ້ຍ ແມ່ນສິ່ງທີ່ແນ່ນອນຢູ່ແລ້ວ. ນັກສິລະປິນປະຊາຊົນ ຈູທູຍກີງ ແບ່ງປັນວ່າ:
“ໂດຍໄດ້ກຳເນີດ ແລະ ເຕີບໃຫຍ່ຢູ່ນະຄອນຫລວງ ຮ່າໂນ້ຍ, ຂ້າພະເຈົ້າໃນນາມເປັນລູກຫລານຂອງຮ່າໂນ້ຍ. ສະນັ້ນ ບໍ່ວ່າໃນວຽກງານໃດຫລືສິ່ງໃດ ຮ່າໂນ້ຍ ຕ້ອງການ, ຂ້າພະເຈົ້າລ້ວນແຕ່ຕັ້ງໃຈ ແລະ ປະຕິບັດຢ່າງສຸດຈິດສຸດໃຈ.”
ເມື່ອທຽບໃສ່ອາຊີບອື່ນ ອາຊີບເປັນນັກຟ້ອນແມ່ນຫຍຸ້ງຍາກລຳບາກສຳລັບນັກສິລະປິນ ມີອາຍຸສູງ. ນັກສິລະປິນປະຊາຊົນ ຈູທູຍກີງໄດ້ຮັບການຕີລາຄາວ່າ ແມ່ນນັກສິລະປິນດຳເນີນອາຊີບຍາວນານກວ່າໝູ່. ປະຈຸບັນ ເຖິງວ່າ ມີອາຍຸກວ່າ 70 ປີແລ້ວກໍຕາມ ແຕ່ ນັກສິລະປິນປະຊາຊົນ ຈູທູຍກີງ ຍາມໃດກໍຮັກອາຊີບ, ເມົາມົວກັບການຟ້ອນ ແລະ ອຸທິດສ່ວນຢ່າງສຸດຈິດສຸດໃຈໂດຍບໍ່ຮູ້ອິດຮູ້ເມື່ອຍ. ໃນຕະຫລອດຊຸມເປັນນັກສະແດງຟ້ອນ, ເມື່ອມີອາຍຸສູງແລ້ວ ນັກສິລະປິນປະຊາຊົນ ຈູທູຍກີງ ຍັງຮັບຫນ້າທີ່ເປັນຜູ້ກຳກັບການສະແດງ ແລະ ມາຮອດປະຈຸບັນ ນັກສິລະປິນປະຊາຊົນ ຈູທູຍກີງ ເປັນປະທານສະມາຄົມນັກສິລະປິນຟ້ອນ ຫວຽດນາມ. ຍ້ອນມີພອນສະຫວັນ ແລະ ຄວາມເກັ່ງກ້າສາມາດຂອງຕົນ, ນັກສິລະປິນປະຊາຊົນ ຈູທູຍກີງ ຈື່ງຖືກເຊີນໄປສະແດງຢູ່ຫລາຍປະເທດໃນໂລກ. ເມື່ອເວົ້າເຖິງນັກສິລະປິນ ຈູທູຍກີງ, ນັກສິລະປິນ ເລງອກແກງ ໃຫ້ຮູ້ວ່າ:
“ຂ້າພະເຈົ້າຮູ້ຈັກເຖິງນັກສິລະປິນ ຈູທູຍກີງ ເມື່ອຄາວຍັງນ້ອຍ ແລະ ເລີ່ມປະກອບອາຊີບຟ້ອນໃນປີ 1954. ນັກສິລະປິນປະຊາຊົນ ຈູທູຍກີງ ແມ່ນຊາວ ຮ່າໂນ້ຍລາວ, ໄດ້ອຸທິດສ່ວນໃຫ້ຂະແຫນງຟ້ອນ ນັບແຕ່ຕອນຍັງເປັນນັກສະແດງ ແລ້ວກາຍເປັນຜູ້ກຳກັບການສະແດງ, ການນຳ ໂຮງລະຄອນ, ຜູ້ຄຸ້ມຄອງໂຮງລະຄອນ, ປະທານສະມາຄົມນັກສິລະປິນຟ້ອນ. ນັກສິລະປິນປະຊາຊົນ ຈູທູຍກີງ ຍາດໄດ້ຜົນງານໃຫຍ່ຫລາຍຢ່າງໃນການເຄື່ອນໄຫວ ແລະ ພັດທະນາອາຊີບຟ້ອນ. ເລື່ອງນັກສິລະປິນປະຊາຊົນ ຈູທູຍກີງ ໄດ້ຮັບການຮັບຮອງວ່າເປັນພົນລະເມືອງດີເດັ່ນຂອງນະຄອນຫລວງ ບໍ່ພຽງແຕ່ແມ່ນຄວາມເປັນກຽດຂອງນັກສິລະປິນປະຊາຊົນ ຈູທູຍກີງ ເທົ່ານັ້ນ ຫາກ ຍັງແມ່ນຂອງຂະແຫນງຟ້ອນອີກດ້ວຍ.”
ນັກສິລະປິນປະຊາຊົນ ຈູທູຍກີງ ໃນຄາວຍັງຫນຸ່ມ
ພາບ:vov
|
ປີ 1954, ນັກສິລະປິນປະຊາຊົນ ຈູທູຍກີງ ໄດ້ຮັບເຂົ້າເຮັດວຽກຢູ່ ກອງສິລະປະສູນກາງ. ນັບແຕ່ໄລຍະນັ້ນເປັນຕົ້ນມາ, ຊີວິດຂອງນັກສິລະປິນປະຊາຊົນ ຈູທູຍກີງ ກໍຕິດພັນກັບການໄປສະແດງຢູ່ຫລາຍແຫ່ງ. ນັກສິລະປິນດີເດັ່ນ ເລແທງງາ ເວົ້າວ່າ:
“ໃນຄາວຍັງນ້ອຍ, ນັກສິລະປິນປະຊາຊົນ ຈູທູຍກີງ ສະແດງບົດຟ້ອນຫລາຍບົດດີທີ່ສຸດ, ມີເຕັກນິກໃນການຟ້ອນງາມ ແລະ ມີຄວາມເຊື່ອໝັ້ນ ແລະ ໄດ້ສ້າງຄວາມປະທັບໃຈໃຫ້ແກ່ຜູ້ຊົມ. ໃນໄລຍະຕໍ່ຕ້ານຕ້ານຈັກກະພັດ ອາເມລິກາ, ນັກສິລະປິນປະຊາຊົນ ຈູທູຍກີງ ເຄີຍໄດ້ໄປສະແດງຢູ່ບັນດາສະຫນາມຮົບຕ່າງໆ.”
ນັກສິລະປິນປະຊາຊົນ ຈູທູຍກີງ ກໍແມ່ນນັກສິລະປິນຜູ້ທຳອິດ ທີ່ນຳເອົາຄວາມງາມຂອງ ນະຄອນຫລວງ ຮ່າໂນ້ຍເຂົ້າບັນດາບົດຟ້ອນຄື: ດອກໄມ້ ຈ່າງອານ, ຄວາມງາມໃນລະດູບານໃຫມ່, ຄວາມງາມຂອງບ້ານເກີດເມືອງນອນບັນດາບົດຟ້ອນນີ້ລ້ວນແຕ່ສ້າງຄວາມປະທັບໃຈຕໍ່ຜູ້ຊົມເປັນຈຳນວນຫລວງຫລາຍ. ເຮັດໄດ້ສິ່ງດັ່ງກ່າວ ກໍຍ້ອນວ່າ ໃນຕະຫລອດຊີວິດຂອງຕົນ, ຍາມໃດ ນັກສິລະປິນປະຊາຊົນ ຈູທູຍກີງ ກໍຕິດພັນກັບນະຄອນຫລວງ ຮ່າໂນ້ຍ.
ປະຈຸບັນ ເມື່ອມີອາຍຸສູງແລ້ວ ຟ້ອນບໍ່ງາມຄືຄາວຍັງຫນຸ່ມອີກ, ແຕ່ໃນຖານະເປັນປະທານສະມາຄົມນັກສິລະປິນຟ້ອນ ຫວຽດນາມ, ນັກສິລະປິນປະຊາຊົນ ຈູທູຍກີງ ໄດ້ຮຽງບ່າຮຽງໄຫລ່ກັບບັນດານັກສິລະປິນຟ້ອນ ຮ່າໂນ້ຍ ລົງບັນດາຕາແສງ ເພື່ອຮຽບຮຽງ, ຟື້ນຟູບັນດາວາດຟ້ອນເດີມ ທັງລອງ. ສຳລັບ ນັກສິລະປິນປະຊາຊົນ ຈູທູຍກີງ ແລ້ວ, ຄວາມປິຕິຊົມຊື່ນຂອງທ່ານນາງ ໄດ້ພ້ອມກັບນັກສິລະປິນລຸ້ນຫລັງນຳເອົາບັນດາວາດຟ້ອນທີ່ເປັນເອກະລັກສະເພາະຂອງ ຮ່າໂນ້ຍຮັບໃຊ້ຜູ້ຊົມນະຄອນຫລວງ.