(vovworld)- ໂດຍປະຕິບັດແຜນນະໂຍບາຍຂອງກະຊວງວັດທະນະທຳ ກິລາ ແລະ ທ່ອງທ່ຽວຫວຽດນາມ, ນັບແຕ່ເດືອນ 9/2016 ເປັນຕົ້ນໄປ, ບັນດາກອງສິລະປະກອນທີ່ເປັນມູນເຊື້ອຄື: ຂັບແຈ່ວ, ຂັບກ໋າຍເລືອງ, ຕຸກກະຕານ້ຳ ໄດ້ຜັດປ່ຽນກັນມາສະແດງ ຢູ່ໂຮງລະຄອນໃຫຍ່ ຮ່າໂນ້ຍ ເພື່ອຮັບໃຊ້ຜູ້ຊົມໃນທົ່ວປະເທດ. ສຳລັບໂຮງລະຄອນຂັບຕ່ວງຫວຽດນາມ, ເຫດການນີ້ໄດ້ນຳມາເຊິ່ງຄວາມຮູ້ສຶກຫລາຍຢ່າງໃຫ້ແກ່ບັນດານັກສິລະປິນ, ນັກສະແດງ, ນັກເສບດົນຕີ. ສິລະປະຂັບຕ່ວງມີເງື່ອນໄຂໄດ້ໃກ້ຊິດຕິດແທດກັບສາທາລະນະຊົນຫວຽດນາມກວ່າ.
ໂຮງລະຄອນໃຫຍ່ຮ່າໂນ້ຍ
ພາບ: internet
|
ໂດຍປະກົດຕົວ ແລະ ພັດທະນາຢ່າງແຮງໃນສັດຕະວັດທີ 16, ສິລະປະຂັບຕ່ວງແມ່ນປະເພດສິລະປະເວທີສະແດງ classic ແລະ ເປັນເອກະລັກສະເພາະຢູ່ຫວຽດນາມ. ຖ້າຫາກບັນດາປະເພດສິລະປະຂັບແຈ່ວ, ຂັບກວານຫໍ້ຢູ່ ພາກເຫນືອ ແມ່ນບັນດາປະເພດສິລະປະພື້ນເມືອງ, ສາລາບ້ານ, ຂັບຕ່ວງ ແມ່ນສິລະປະ classic, ພະລາດຊະວັງ. ທຳນອງເພງຂອງສິລະປະຂັບຕ່ວງ ແມ່ນວັນນະຄະດີ classic ໂດຍສົມທົບລະຫວ່າງວັນນະຄະດີຂຽນດ້ວຍພາສາຈີນ ກັບພາສາຫວຽດ ບູຮານ. ສະນັ້ນ ໃນປະຫວັດສາດ, ສິລະປະຂັບຕ່ວງໄດ້ຮັບການສະແດງໃນພະລາດຊະວັງ,ໃນທຳນຽບໃຫ້ຜູ້ນລັດສັກດີນາ ແລະ ອາດຍາເຈົ້ານາຍຮັບຊົມ. ມາຮອດໄລຍະ ທີ່ຫວຽດນາມ ຍາດເອົາເອກະລາດຈາກການປະຕິວັດເດືອນ 8 ປີ 1945, ສິລະປະຂັບຕ່ວງ ຈຶ່ງໄດ້ນຳເອົາ ສະແດງຢູ່ນອກພະລາດຊະວັງ ແລະ ນຳມາໃຫ້ສາທາລະນະຊົນ ຄວາມປະທັບໃຈຄືດັ່ງບັນດາປະເພດສິລະປະອື່ນ.
ສຳລັບບັນດານັກສິລະປິນຂອງໂຮງລະຄອນຂັບຕ່ວງຫວຽດນາມແລ້ວ, ເຖິງວ່າໄດ້ສະແດງສອງຄັ້ງໃນສັບປະດາຫນຶ່ງຢູ່ ໂຮງລະຄອນ ຮົ່ງຮ່າ, ຮ່າໂນ້ຍກໍຕາມ, ແຕ່ຄັ້ງນີ້ ມາສະແດງຢູ່ໂຮງລະຄອນໃຫຍ່ຮ່າໂນ້ຍ, ບັນຍາກາດການຝຶກແອບ, ຄວາມຮູ້ສຶກໃນການສະແດງມີຄວາມຟົດຟື້ນມ່ວນຊື່ນທີ່ສຸດ. ນັກສິລະປິນ ຫນຸ່ມ ຫງວຽນທິໂລກຮ່ວຽນ, ຜູ້ມີຄວາມເກັ່ງກ້າສາມາດຂອງໂຮງລະຄອນຂັບຕ່ວງໄດ້ເວົ້າດ້ວຍຄວາມໃນໃຈວ່າ: ມາສະແດງລາຍການສິລະປະຂັບຕ່ວງຄັ້ງນີ້ຂ້າພະເຈົ້າມີຄວາມຮູ້ສຶກຕ່າງກັບຄັ້ງກ່ອນຫລາຍ ນີ້ແມ່ນເວທີສະແດງຊື່ງນັກສິລະປິນຫລາຍຄົນມີຄວາມໄຝ່ຝັນຢາກໄດ້ມາສະແດງຢູ່ທີ່ນີ້.
“ກໍເຊັ່ນດຽວກັນກັບການຂັບແຈ່ວ, ຂັບກ໋າຍເລືອງ, ສຳລັບນັກສິລະປິນ ບໍ່ວ່າໃນເວທີສະແດງໃດກໍສາມາດສະແດງໄດ້ ແຕ່ໂຮງລະຄອນໃຫຍ່ຮ່າໂນ້ຍ ແມ່ນເວທີສະແດງອັນກວ້າງໃຫຍ່ ແລະ ມີຊື່ສຽງຂອງຫວຽດນາມ. ເມື່ອໄປສະແດງຢູ່ຕ່າງປະເທດ ຖ້າເວົ້າເຖິງໂຮງລະຄອນໃຫຍ່ ເຂົາເຈົ້າກໍຮູ້ຈັກເຖິງຫວຽດນາມ. ນັ້ນແມ່ນຄວາມເປັນກຽດ ແລະ ຄວາມຜາສຸກຂອງນັກສິລະປິນພວກຂ້າພະເຈົ້າ.”
ລາຍການສະແດງຂັບຕ່ວງ
ພາບປະກອບ:internet
|
ທ່ານ ຟ້າມງອກຕວນ, ຜູ້ອຳນວຍການໂຮງລະຄອນຂັບຕ່ວງ ໄດ້ແບ່ງປັນວ່າ ຖ້າຫາກສະແດງສິລະປະຢູ່ໂຮງລະຄອນໃຫຍ່ ຈະເປັນການສ້າງເງື່ອນໄຂໃຫ້ນັກສິລະປິນມີຄວາມຮັບຜິດຊອບຕໍ່ການສະແດງຕົວລະຄອນຂອງຕົນກວ່າ.”
“ພວກຂ້າພະເຈົ້າສະແດງຢູ່ໂຮງລະຄອນຂັບຕ່ວງຫວຽດນາມຫລາຍຄັ້ງແລ້ວ ແຕ່ປະຕິບັດຕາມລາຍການຂອງໂຮງລະຄອນໂທລະພາບ. ເລື່ອງເຂົ້າມາສະແດງຢູ່ໂຮງລະຄອນໃຫຍ່ຄັ້ງນີ້ມີຄວາມແຕກຕ່າງ. ໂຮງລະຄອນໃຫຍ່ຮ່າໂນ້ຍແມ່ນໂຮງລະຄອນທີ່ມີຊື່ສຽງ, ສະຖາປັດຕະຍະກຳສວຍງາມ. ຜູ້ຊົມມານີ້ ບໍ່ພຽງແຕ່ໄດ້ຊົມສິລະປະເທົ່ານັ້ນ ຫາກຍັງໄດ້ເຫັນປະຈັກຕາສະຖາປັດຕະຍະກຳທີ່ສວຍງາມຂອງໂຮງລະຄອນໃຫຍ່ຮ່າໂນ້ຍ ອີກດ້ວຍ. ນັ້ນແມ່ນເງື່ອນໄຂເພື່ອໃຫ້ສິລະປະເສີມຂະຫຍາຍໄດ້ປະສິດທິຜົນ ແລະ ພ້ອມທັງກໍເປັນການດຶງດູດຜູ້ຊົມນັບມື້ນັບຫລາຍກວ່າ.”
ລາຍການສະແດງສິລະປະຂັບຕ່ວງຄັ້ງນີ້ໄດ້ນຳມາໃຫ້ສາທາລະນະຊົນບົດລະຄອນ “ ຫອຍກັບກີ້, ຫອຍແຄງ, ຫອຍແມງຜູ່”. ມາຮອດປະຈຸບັນ, ບົດລະຄອນນີ້ຍັງຄົງມີຄຸນຄ່າດັ້ງເດີມກ່ຽວກັບເນື້ອໃນ, ຫົວເລື່ອງແນວຄິດ ແລະ ຄຸນຄ່າດ້ານສິລະປະ. ບົດລະຄອນ ຫອຍກັບກີ້, ຫອຍແຄງ, ຫອຍແມງຜູ່ ກໍມີລັກສະນະບັນເທິງສູງ. ຜູ້ຊົມເມື່ອຊົມບົດລະຄອນແລ້ວກໍຮູ້ສຶກປະທັບໃຈ ແລະ ນິຍົມສິລະປະຂັບຕ່ວງກວ່າ.
“ໃນສະພາບການປະຈຸບັນ ເມື່ອພວກເຮົາພວມໃນວິວັດການປ່ຽນແປງໃຫມ່ ແລະ ເຊື່ອມໂຍງ, ສິ່ງດັ່ງກ່າວກໍເຮັດໃຫ້ຜູ້ຊົມເມື່ອມາຊົມບົດລະຄອນນີ້ຈະເຫັນໄດ້ຊີວິດປະຈຸບັນ. ບົດລະຄອນແມ່ນສານເພື່ອສ່ອງແສງໃຫ້ເຫັນຊີວິດໃນປະຈຸບັນ ແລະ ກໍນຳມາເຊິ່ງບົດຮຽນທີ່ມີລັກສະນະສັງຄົມໃຫ້ແກ່ປະຊາຊົນທຸກຄົນ.”
ສິລະປະຂັບຕ່ວງ ແມ່ນປະເພດສິລະປະຊື່ງຜູ້ນິຍົມບໍ່ຫລາຍເມື່ອທຽບໃສ່ປະເພດສິລະປະພື້ນເມືອງອື່ນ. ບໍ່ແມ່ນວ່າຜູ້ໃດຊົມສິລະປະຂັບຕ່ວງກໍເຂົ້າໃຈໄດ້ໝົດ, ແຕ່ຜູ້ໃດໄດ້ຮັບຊົມກໍລ້ວນແຕ່ຖືກດຶງດູດໃຈ. ບົດລະຄອນ“ຫອຍກັບກີ້, ຫອຍແຄງ, ຫອຍແມງຜູ່” ໂດຍໂຮງລະຄອນຂັບຕ່ວງຫວຽດນາມ ຈັດການສະແດງເມື່ອປີ 1959. ຜ່ານຫລາຍລຸ້ນຄົນ, ແຕ່ບົດລະຄອນທີ່ີມີຊື່ສຽງນີ້ ຍັງຄົງໄດ້ຮັບການຮັກສາໄວ້ ຄືເກົ່າ, ບໍ່ໄດ້ດັດແປງ ຫາກພຽງແຕ່ຍົກສູງສິລະປະການສະແດງຄື: ການປະດັບປະດາ, ດົນຕີ, ໄຟແສງສີ…
ເມື່ອບົດລະຄອນ “ຫອຍກັບກີ້, ຫອຍແຄງ, ຫອຍແມງຜູ່” ໄດ້ຮັບການສະແດງຢູ່ໂຮງລະຄອນໃຫຍ່, ນັ້ນກໍແມ່ນຈຸດເວລາສິລະປະຂັບຕ່ວງໄດ້ຮັບການຈັດຂຶ້ນເພື່ອສະແດງໃຫ້ເຫັນສິ່ງຍອດຍິ່ງຢູ່ເວທີສະແດງທີ່ກວ້າງໃຫຍ່ ແລະ ບັນດານັກສິລະປິນກໍມີໂອກາດໄດ້ສະແດງໃຫ້ເຫັນຄວາມສຸດຈິດສຸດໃຈ ແລະ ຄວາມສາມາດຂອງເຂົາເຈົ້າ. ແລະ ກໍເປັນການຢັ້ງຢືນພະລັງຊີວິດ, ຄຸນຄ່າແບບຍືນຍົງຂອງສິລະປະຂັບຕ່ວງ.