ທ່ານ ເຈິ່ນກວັກແຄ໊ງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ (ພາບ: baochinhphu.vn)

ຕີລາຄາກ່ຽວກັບໝາກຜົນຂອງການສົ່ງອອກໃນ 8 ເດືອນຕົ້ນປີ 2022, ກະຊວງອຸດສາຫະກຳ ການຄ້າຖືວ່າ ວົງການການສົ່ງອອກມີການຟື້ນຟູຢ່າງແຮງ, ໃນນັ້ນ, ບັນດາຕະຫຼາດໃຫຍ່ຄື ອາເມລິກາ, EU, ຍີ່ປຸ່ນ… ລ້ວນແຕ່ບັນລຸລະດັບເຕີມໂຕ 2 ຕົວເລກ, ຊ່ວຍໃຫ້ສິນຄ້າ ຫວຽດນາມ ຍົກສູງໄດ້ທີ່ຕັ້ງ ແລະ ຄວາມສາມາດໃນການຕອບສະໜອງໃນບັນດາລະບົບມູນຄ່າ.

ຄວາມເປັນເຈົ້າການຂອງວິສາຫະກິດ

ອາດເວົ້າໄດ້ວ່າ, ບັນດາວິສາຫະກິດ ຫວຽດນາມ ໄດ້ຍາດແຍ່ງບັນດາກາລະໂອກາດຈາກຕະຫຼາດ ເປັນຢ່າງດີທີ່ສຸດ ເມື່ອຄວບຄຸມໄດ້ພະຍາດໂຄວິດ - 19 ໃນເບື້ອງຕົ້ນ ເຊິ່ງເຮັດໃຫ້ຄວາມຕ້ອງການກ່ຽວກັບຜະລິດຕະພັນຈຳເປັນໃນທົ່ວໂລກນັບມື້ນັບເພີ່ມຂຶ້ນສູງ. ເລື່ອງ ຫວຽດນາມ ສືບຕໍ່ສົ່ງອອກເກີນດູນໃນ 8 ເດືອນຂອງປີ 2022 ແມ່ນໝາກຜົນທີ່ຕັ້ງໜ້າຂອງການເຄື່ອນໄຫວການຄ້າຕ່າງປະເທດ ຫວຽດນາມ ເມື່ອທຽບໃສ່ກັບຫຼາຍປະເທດໃນໂລກ. ໃນຂົງເຂດຕ່ຳແຜ່ນຕັດຫຍິບ ມີການສົ່ງອອກເກີນດູນກ່ວາ 12 ຕື້ USD. ໃນສະພາບການບາງປະເທດຍັງນຳໃຊ້ບັນດາມາດຕະການຕ້ານພະຍາດໂຄວິດ - 19 ຢ່າງເຂັ້ມງວດ ເຊິ່ງກໍ່ຜົນສະທ້ອນຕໍ່ລະບົບສະໜອງວັດສະດຸ ແລະ ການຊົມໃຊ້ຜະລິດຕະພັນ, ທ່ານ ຫວູດຶກຢາງ, ປະທານສະຫະພັນຕ່ຳແຜ່ນຕັດຫຍິບ ຫວຽດນາມ ໃຫ້ຮູ້ວ່າ:

        ເດືອນທ້າຍປີນີ້, ຕໍ່ໜ້າບັນດາສິ່ງທ້າທາຍຂອງຕະຫຼາດ, ຄ່າໃຊ້ຈ່າຍສົ້ນເຂົ້າເພີ່ມຂຶ້ນ ດັ່ງນັ້ນບັນດາວິສາຫະກິດ ຂອງຂະແໜງຕຳແຜ່ນຕັດຫຍິບ ຫວຽດນາມ ໄດ້ຍົກອອກເປົ້າໝາຍ ປີນີ້ ແມ່ນຕ້ອງຮັກສາສະຖຽນລະພາບ ແລະ ພັດທະນາຂອງວິສາຫະກິດ ເພື່ອຮັກສາຜູ້ອອກແຮງງານ ແລະ ຮັກສາໄດ້ຕະຫຼາດ, ຮັກສາໄດ້ລູກຄ້າ. ນີ້ແມ່ນເປົ້າໝາຍທີໜຶ່ງ. ທີສອງແມ່ນວິສາຫະກິດກໍ່ຕ້ອງຈຳກັດການເພີ່ມຄ່າໃຊ້ຈ່າຍທີ່ມີຜົນກະທົບຕໍ່ປະສິດທິຜົນຂອງວິສາຫະກິດຢ່າງສຸດຂີດ. ສິ່ງສຳຄັນທີ່ສຸດແມ່ນ ເປົ້າໝາຍທີ 3 ແມ່ນເຮັດແນວໃດໃຫ້ຍັງຮັກສາໄດ້ຜົນກຳໄລສ່ວນໜຶ່ງ ເພື່ອຈ່າຍເງິນເດືອນ, ເງິນບຳເນັດໃຫ້ແກ່ຜູ້ອອກແຮງງານ. ເຮັດໄດ້ຄືດັ່ງກ່າວ, ພວກເຮົາຈຶ່ງມີທ່າເພື່ອປະຕິບັດເປົ້າໝາຍ 2023 ທີ່ວາງອອກສຳລັບຂະແໜງຕ່ຳແຜ່ນຕັດຫຍິບ ຫວຽດນາມ.

        ສຳລັບຂະແໜງເກີບໜັງ ເຊິ່ງແມ່ນຂະແໜງສົ່ງອອກຫຼັກແຫຼ່ງອີກຂະແໜງໜຶ່ງຂອງ ຫວຽດນາມ, ທ່ານນາງ ຟ້າມທິແທັງຊວັນ, ຮອງປະທານທັງເປັນເລຂາທິການໃຫຍ່ສະຫະພັນ ເກີດໜັງກະເປົາ ຫວຽດນາມ ໃຫ້ຮູ້ວ່າ ມາຮອດຈຸດເວລານີ້, ທ່າໄດ້ປຽບຂອງບັນດາສົນທິສັນຍາການຄ້າ ເສີລົບ (FTA) ຂະແໜງເກີບໜັງໄດ້ນຳໃຊ້ເປັນຢ່າງດີ. ນີ້ແມ່ນເງື່ອນໄຂສະດວກເພື່ອໃຫ້ໃນຊຸມເດືອນທ້າຍປີ, ບັນດາວິສາຫະກິດໃນຂະແໜງຈະຜ່ານຜ່າຄວາມຫຍຸ້ງຍາກ, ຮັກສາຄວາມໄວໃນການສົ່ງອອກ.

        ພວກຂ້າພະເຈົ້າ ພະຍາຍາມບັນລຸໄດ້ແຜນການສົ່ງອອກປະມານ 23 – 25 ຕື້ USD, ເຖິງຢ່າງໃດກໍ່ຕາມ, ເພື່ອແກ້ງແຍ່ງໃນໄລຍະຈະມາເຖິງ, ຕ້ອງຍົກສູງມູນຄ່າຂອງສິນຄ້າ. ພວກເຮົາຕ້ອງມີບັນດາແຫຼ່ງວັດຖຸທີ່ມີຄຸນຄ່າສູງ ທີ່ມາຈາກບັນດາປະເທດ. ດ້ວຍທ່າແຮງຂອງສັນຍາ FTA ພວກເຮົາມີຄວາມຫວັງຢາກຍາດແຍ່ງກາລະໂອກາດນຳເຂົ້າຈາກບັນດາຕະຫຼາດນີ້ໃຫ້ເປັນຢ່າງດີ, ພິເສດແມ່ນຕະຫຼາດ EU ທີ່ມີແຫຼ່ງວັດສະດຸ ທີ່ມີມູນຄ່າສູງ ເພື່ອໃຫ້ພວກເຮົາສາມາດຜະລິດສິນຄ້າປະເພດເກີບນີ້ຢູ່ລະດັບສູງກ່ວາ ກໍ່ຄືອາດຈະນຳເຂົ້າໄດ້ບັນດາອຸປະກອນເຕັກໂນໂລຢີໃໝ່.

ໜູນຊ່ວຍຂໍ້ມູນຂ່າວສານ, ເພີ່ມທະວີສົ່ງເສີມການສົ່ງອອກ

ໃນສະພາບການການຄ້າທົ່ວໂລກ ຮຽກຮ້ອງຕ້ອງການເຊື່ອມຕໍ່, ສົມທົບກັນຢ່າງແໜ້ນແຟ້ນ, ມີປະສິດທິຜົນລະຫວ່າງບັນດາລະບົບການຄ້າ ຫວຽດນາມ ຢູ່ຕ່າງປະເທດ ກັບບັນດາກະຊວງ, ຂະແໜງການ, ທ້ອງຖິ່ນ, ສະຫະພັນຂະແໜງວິຊາຊີບ, ວິສາຫະກິດ, ທ່ານຮອງລັດຖະມົນຕີ ກະຊວງອຸດສາຫະກຳການຄ້າ ເຈິ່ນກວັກແຄ໊ງ ໃຫ້ຮູ້ວ່າ, ກະຊວງຈະສຸມໃສ່ໜູນຊ່ວຍບັນດາວິສາຫະກິດ ກ່ຽວກັບຂໍ້ມູນຂ່າວສານດ້ານການຕະຫຼາດ, ສົ່ງເສີມການສົ່ງອອກ, ຍາດແຍ່ງທ່າດີຂອງຄຳໝັ້ນສັນຍາໃນບັນດາສັນຍາການຄ້າເສລີ ທີ່ໄດ້ຮັບການລົງນາມແລ້ວ. ທ່ານໃຫ້ຮູ້ວ່າ:

        ສິນຄ້າປະເພດທີ່ມີວົງເງິນການຄ້າໃຫຍ່ຄື ຜະລິດຕະພັນກະເສດ, ຕ່ຳແຜ່ນຕັດຫຍິບ, ເກີບໜັງລ້ວນແຕ່ແມ່ນສິນຄ້າປະເພດສົ່ງອອກຫຼັກແຫຼ່ງຂອງ ຫວຽດນາມ. ປັດຈຸບັນ, ສິນຄ້າປະເພດເຫຼົ່ານີ້ລ້ວນແຕ່ອີງໃສ່ຄວາມຕ້ອງການຂອງຕະຫຼາດ, ຕໍ່ໜ້າສະພາບການຄວາມຕ້ອງການພວມລົງສຳລັບບາງຕະຫຼາດນັ້ນ, ໜ້າທີ່ຂອງພວກເຮົາແມ່ນມານະພະຍາຍາມຂຸດຄົ້ນບັນດາຕະຫຼາດຢ່າງຄົບຖ້ວນ ພ້ອມທັງ ແກ້ໄຂບັນດາຈຸດອຸດຕັນໃນລະບົບສະໜອງຂອງບັນດາວິສາຫະກິດ. ຖ້າເຮັດໃຫ້ທຸກສິ່ງທຸກຢ່າງດັ່ງກ່າວ, ປາດຖະໜາວ່າ ພວກເຮົາຈະຍັງຮັກສາອັດຕາເຕີບໂຕການສົ່ງອອກໃນຊຸມເດືອນທ້າຍປີ.

ກະຊວງອຸດສາຫະກຳ ການຄ້າ ຈະສືບຕໍ່ຫັນການປະຕິບັດລະບຽບການບໍລິຫານໃຫ້ແກ່ວິສາຫະກິດເປັນສະດວກ. ພ້ອມທັງ, ກະຊວງກໍ່ໜູນຊ່ວຍບັນດາວິສາຫະກິດ ໃນການຊອກຫາແຫຼ່ງສະໜອງວັດສະດຸທົດແທນ ດ້ວຍລາຄາທີ່ເໝາະສົມ ເພື່ອຮັບປະກັນມີວັດສະດຸຮັບໃຊ້ການຜະລິດ ແລະ ການບໍລິໂພກອີກດ້ວຍ.

        ຖ້າຮັກສາຄວາມໄວຄືໃນ 8 ເດືອນຜ່ານມາ, ຂະໜາດວົງເງິນການສົ່ງອອກນຳເຂົ້າໃນທົ່ວປີ 2022 ຂອງ ຫວຽດນາມ ອາດຈະບັນລຸກ່ວາ 740 ຕື້ USD, ປະກອບສ່ວນເຂົ້າໃນການປັບປຸງດູນການຊຳລະ, ເພີ່ມການສະສົມເງິນຕາຕ່າງປະເທດຂຶ້ນ, ສ້າງຄວາມສະດວກໃຫ້ແກ່ການປະຕິບັດສຳເລັດເປົ້າໝາຍພັດທະນາເສດຖະກິດທັງປີ.