(vovworld)- ໂດຍບໍ່ຫົວຊາຕໍ່ບັ້ນບຸກໂຈມຕີທາງອາກາດຂອງກຳລັງປະສົມ ອາເມລິກາ - ເອີລົບ - ອາຣັບ ທີ່ແກ່ຍາວໃນຫລາຍເດືອນຜ່ານມາ . ໃນຊຸມມື້ມໍ່ໆມານີ້, ອົງການລັດອິດສະລາມ IS ໄດ້ຢືດຄອງ ບັນດານະຄອນໃຫຍ່, ນະຄອນຍຸດທະສາດ ຢູ່ ອີຣັກ ແລະ ຊີຣີ ຢ່າງລຽນຕິດ. ສະພາວະການນີ້ ພວມວາງອອກສິ່ງທ້າທາຍໃຫ້ແກ່ ອາເມລິກາ ແລະ ຝ່າຍຕາເວັນຕົກ ໃນການພິຈາລະນາ, ປ່ຽນແປງຍຸດທະສາດຕ້ານຄືນກຳລັງນີ້.
ພຽງໃນເວລາ 5 ມື້ເທົ່ານັ້ນ, ກຳລັງລັດອິດສະລາມ IS ໄດ້ຢືດຄອງ ນະຄອນສຳຄັນ 2 ແຫ່ງຂອງ ອີຣັກ ແລະ ຊີຣີ ຢ່າງລຽນຕິດ, ນັ້ນແມ່ນ ນະຄອນ Ramadi ແລະ Palmyra. ຢູ່ ອີຣັກ ດ້ວຍການຢືດຄອງນະຄອນ Ramadi ເມືອງເອກຂອງແຂວງ Anbar ຊື່ງແມ່ນນະຄອນໃຫຍ່ສຸດຂອງ ອີຣັກ, ຍິ່ງກວ່າເວລາໃດໝົດ IS ພວມບຸກເຂົ້າມໍ່ກັບນະຄອນຫລວງ ແບກແດດ ຂອງອີຣັກ. ສ່ວນຢູ່ ຊີຣີ, ບໍ່ພຽງແຕ່ຢືດຄອງຕົວເມືອງເກົ່າ Palmyra ທີ່ມີອາຍຸ 2000 ປີເທົ່ານັ້ນ, IS ຍັງຢືດຄອງຜືນແຜ່ນດິນທັງໝົດຂອງຊີຣີ ກວ່າເຄິ່ງຫນຶ່ງອີກດ້ວຍ, ໃນນັ້ນ ສ່ວນຫລາຍແມ່ນບັນດາເຂດມີບໍ່ນ້ຳມັນ ຫລາຍແຫ່ງ. ການປະລາໄຊຢ່າງລຽນຕິດນັ້ນ ໄດ້ສົ່ງຜົນສະທ້ອນບໍ່ດີເຖິງຄວາມມານະພະຍາຍາມຂອງກຳລັງປະສົມຕ້ານ IS ໂດຍ ອາເມລິກາ ນຳຫນ້າໃນສະພາບການຍຸດທະສາດດ້ານການທະຫານຂອງກຳລັງປະສົມນີ້ ພວມຖືກຕຳນິຕິຕຽນຢ່າງແຮງ .
ການປະລາໄຊຂອງກຳລັງປະສົມ
ພາຍຫລັງຖືກປະລາໄຊຢ່າງລຽນຕິດ, ຜູ້ຊ່ຽວຊານການທະຫານ ແລະ ສະມາຊິກສະພາແຫ່ງຊາດ ອາເມລິກາ ຫລາຍທ່ານ ໄດ້ຕຳນິຕິຕຽນຍຸດທະສາດຕ້ານ IS ຂອງປະທານາທິບໍດີ ອາເມລິກາ B. Obama. ນັກໄຈ້ແຍກການທະຫານຫລາຍທ່ານຖືວ່າ ອາເມລິກາ, ເອີລົບ ແລະ ອາຣັບ ພວມເປີດບັ້ນຮົບຕ້ານ IS ແຕ່ບໍ່ມີການຊີ້ນຳທີ່ຈຳເປັນ. ເປັນທີ່ຈະແຈ້ງແລ້ວວ່າ ບໍ່ເຫັນສັນຍານສະແດງໃຫ້ເຫັນວ່າ IS ພວມອ່ອນເພຍລົງ. ເປັນຫນ້າສົນໃຈ ກ່ອນທີ່ IS ຢືດຄອງບັນດານະຄອນຍຸດທະສາດຢູ່ ອີຣັກ ແລະ ຊີຣີ, ອຳນາດການປົກຄອງ ວໍຊິງຕັນ, ລອນດອນ ແລະ ບັນດາປະເທດ ອາຣັບ ສືບຕໍ່ມີບົດລາຍງານປະເອີບໃຈກ່ຽວກັບສະພາບການດັບສູນ IS ວ່າ : IS ພວມຖືກຍູ້ໃຫ້ຖອຍໄປ, ນັບມື້ນັບຊຸດໂຊມ ຍ້ອນຂາດແຫລ່ງການເງິນ ແລະ ອາວຸດຢ່າງແຮງ. ຄວາມຈິງໄດ້ພິສູດໃຫ້ເຫັນສິ່ງກົງກັນຂ້າມ. ບໍ່ພຽງແຕ່ຢູ່ ອີຣັກ ແລະ ຊີຣີ ເທົ່ານັ້ນ, IS ຍັງເພີ່ມການບຸກໂຈມຕີໃສ່ສະຖານທີ່ອື່ນຄື: ອາຣັບບີ ຊາອຸດິດ, ເຢແມນ.
ເຖິງວ່າປະຕິເສດຄຳກ່າວຫາ IS ພວມໄດ້ຮັບໄຊຊະນະ, ວໍຊິງຕັນ ກໍ່ຕ້ອງອອກສຽງຍອມຮັບວ່າ, ທະຫານປະສົມຕ້ານ IS ພວມປະເຊີນໜ້າກັບ “ບາດກ້າວຖອຍຫຼັງຂອງຍຸດທະສາ“. ປະທາທິບໍດີ B.Obama ໄດ້ຢືນຢັນວ່າ, ອາເມລິກາຈະ “ບໍ່ປະລາໄຊ“ ໃນການສູ້ຮົບຕ້ານຄືນອົງການນີ້ ແລະຮອດເວລາແລ້ວທີ່ຈະຕ້ອງປັບປຸງຍຸດທະສາດຕ້ານ IS. ອະດີດລັດຖະມົນຕີກະຊວງປ້ອງກັນປະເທດອາເມລິກາ ທ່ານ Robert Gates ກໍ່ຢືນຢັນວ່າ, ການສະໜອງລະບົບລູກສອນໄຟຕ້ານລົດຕັງລຸ້ນໃໝ່ໃຫ້ແກ່ກອງທັບອີຣັກ ພຽງແຕ່ແມ່ນປະຕິກິລິຍາຊົ່ວຄາວເທົ່ານັ້ນ. ບັນດາບັນຫາທີ່ກ່ຽວຂ້ອງເຖິງດ້ານການເມືອງ ແລະ ການທະຫານໄລຍະຍາວລ້ວນແຕ່ບໍ່ທັນໄດ້ຮັບການແກ້ໄຂເທື່ອ. ແຕ່ຍຸດທະສາດຕ້ານ IS ຕ້ອງມີການປ່ຽນແປງຄືແນວໃດ? ມາຮອດປະຈຸບັນອາເມລິກາ ແລະ ທະຫານປະສົມບໍ່ທັນມີຄຳຕອບຢ່າງມີປະສິດທິຜົນໄດ້ເທື່ອ.
IS ປະຫານຕົວປະກັນຢ່າງໂຫດຮ້າຍສາມານ IS ເຄີຍຮັບມື ແລະ ນັບມືນັບເປີດກວ້າງເຂດຢືດຄອງ
ມາຮອດປະຈຸບັນ, ມີຫຼາຍຄົນໄດ້ຕັ້ງຄຳຖາມວ່າ, ເປັນຫຍັງ IS ນັບມື້ນັບເປີດກວ້າງເຂດຢືກຄອງຕື່ມອີກ. ບໍ່ພຽງແຕ່ຄືແນວນັ້ນ. IS ນັບມື້ນັບໂຫດຮ້າຍສາມານ, ດ້ວຍການປະຫານຕົວປະກັນຢ່າງປ່າເຖື່ອນເຊັ່ນ, ຕັດຄໍ, ເຜົາທັງເປັນ. ຕາມຜູ້ຊ່ຽວຊານຈຳນວນໜຶ່ງ, IS ເຄີຍຮັບມືກັບການບຸກໂຈມຕີທາງອາກາດຂອງທະຫານປະສົມແລ້ວ. ປະຈຸບັນ, IS ມີທ່າໄດ້ປຽບຈຳນວນໜຶ່ງເມື່ອທຽບໃສ່ກຳລັງທະຫານບົກຂອງປະເທດຕ່າງໆນັ້ນແມ່ນມີບົດຮຽນໃນການສູ້ຮັບ ແລະ ການກໍ່ສ້າງກຳລັງ. ກ່ອນປີ 2007, IS ມີກຳລັງໜ້ອຍ, ການກໍ່ສ້າງຕົ້ນຕໍແມ່ນຜະລິດອຸປະກອນລະເບີດ ເພື່ອບຸກໂຈມຕີກຳລັງລັດຖະບານ, ແຕ່ໃນ 3 ປີມານີ້, ບັນດາບົດຮຽນຂອງກຳລັງ IS ມີລັກສະນະອັນຕະລາຍກວ່າ. ກ່ອນນີ້, IS ໄດ້ດຳເນີນສົງຄາມແບບທຳມະດາ, ດ້ວຍທະຫານຫຼາຍຄົນ ແລະ ກຳລັງອາວຸດປະເພດໜັກ, ດັ່ງນັ້ນຖືກທຳລາຍງ່າຍ. ແຕ່ປະຈຸບັນ, IS ພວມຫັນໄປສູ່ການເຄື່ອນໄຫວແບບກອງຫຼອນ, ດ້ວຍທະຫານຈຳນວນໜ້ອຍ, ນຳໃຊ້ອາວຸດເບົາ, ນຸ່ງໂສ້ງເສື້ອແບບສາມັນຊົນ, ເຄື່ອນໄຫວໃນຍາມກາງຄືນ, … ຍ້ອນເຫດນັ້ນ, ISນັບມື້ນັບພັດທະນາ. ເລື່ອງ IS ສາມາດເຄື່ອນໄຫວເປັນປົກກະຕິ, ໃນໄລຍະຍາວໂດຍບໍ່ຫົວຊາຕໍ່ການບຸກໂຈມຕີທາງອາກາດຂອງອາເມລິກາ ແລະ ພັນທະມິດ ໃນໄລຍະຜ່ານມາ, ນັ້ນແມ່ນຍ້ອນມີບ້ວງເງິນກ້ອນໃຫຍ່ທີ່ໄດ້ຮັບຈາກບໍ່ນຳ້ມັນຕ່າງໆຢູ່ພາກຕາເວັນອອກຂອງຊີຣີ, ເຊິ່ງພວກມັນຢືດໄດ້ເມື່ອທ້າຍປີ 2012. ຄຽງຂ້າງນັ້ນ, ການເງິນຂອງ IS ຍັງໄດ້ຮັບຈາກການຄ້າເຖື່ອນວັດຖຸບູຮານເຊິ່ງພວກມັນປຸ້ນໄດ້ເມື່ອຢືດຄອງເຂດເຫຼົ່ານັ້ນ.
ຄວນມີຍຸດທະສາດຮອບດ້ານ
ຕໍ່ໜ້າບັນດາການຜັນແປໃນປະຈຸບັນ, ເລື່ອງກຳນົດຍຸດທະສາດຮອບດ້ານຍາວນານຕ້ານ IS ແມ່ນຮີບດ່ວຍທີ່ສຸດ. ກ່ອນນີ້, ມີຫຼາຍຄຳເຫັນຖືວ່າ: ຖ້າຫາກ ອາເມລິກາ ແລະ ທະຫານປະສົມມີແຕ່ບຸກໂຈມຕີທາງອາກາດ ເທົ່ານັ້ນແມ່ນບໍ່ສາມາດດັບສູນ IS ໄດ້, ຫາກພຽງແຕ່ກໍ່ຄວາມເສຍຫາຍດ້ານພື້ນຖານໂຄງລ່າງ ແລະ ບັງຄັບໃຫ້ກຳລັງ IS ຕ້ອງຫຼົບລີ້ໃຫ້ເລິກກ່ວາເທົ່ານັ້ນ. ປັດໄຈເພື່ອເອົາໄຊຊະນະ IS ພຽງແຕ່ອີງໃສ່ກຳລັງທະຫານບົດເທົ່ານັ້ນ. ເຖິງຢ່າງໃດກໍ່ຕາມ, ປະຈຸບັນ, ທັງ ອາເມລິກາ ແລະ ນາໂຕ ລ້ວນແຕ່ປະຕິເສດສົ່ງທະຫານເຂົ້າຮ່ວມການສູ້ຮົບ ຫາກພຽງແຕ່ສຸມໃສ່ຝຶກອົບຮົມໃຫ້ພົນທະຫານຈາກບັນດາປະເທດໃນພາກພື້ນເທົ່ານັ້ນ. ປະຈຸບັນ, ວິທີສຳພັດຂອງ ວໍຊີງຕັນ ໃນບັ້ນຮົບກັບ IS ແມ່ນສົມທົບລະຫວ່າງການຝຶກຊ້ອມ, ສ້າງກອງທັບ ອີຣັກ ຄືນໃໝ່ ແລະ ຖິ້ມລະເບີດໃສ່ບັນດາເປົ້າໝາຍຂອງ IS ຫາກບໍ່ຕ້ອງນຳໃຊ້ກຳລັງທະຫານບົກ. ແຕ່ວ່າລະດັບຍອດຢ້ຽມຂອງບັນດາກຳລັງປະກອບອາວຸດນີ້ພວມແມ່ນບັນຫາຕ້ອງພິຈາລະນາ. ເລື່ອງເຮັດໃຫ້ Ramadi ຕົກເຂົ້າສູ່ກຳມືຂອງກຳລັງ IS ໄດ້ສະແດງໃຫ້ເຫັນຈຸດອ່ອນຂອງກອງທັບ ອີຣັກ ແລະ ສຳຄັນທີ່ສຸດແມ່ນກຳລັງນຳພາທີ່ອ່ອນດ້ອຍຂອງລັດຖະບານ.
ມີຫຼາຍຄຳເຫັນຖືວ່າ: ຮອດເວລາແລ້ວທີ່ ອາເມລິກາ ຕ້ອງຍົກອອກບັນດາຍຸດທະສາດໃໝ່ແລ້ວ. ໃນສະພາບການຕົວຈິງ, IS ຍັງແຂງແຮງຢູ່ພາຍຫຼັງຖືກ ອາເມລິກາ ແລະ ທະຫານປະສົມບຸກໂຈມຕີທາງອາກາດກ່ວາ 4.000 ຄັ້ງ ໃນເດືອນ 9 ຢູ່ ອີຣັກ ແລະ ຊີຣີ. ຕ້ອງການມີການບຸກໂຈມຕີທາງອາກາດຕື່ມອີກຫຼືບໍ່? ຫຼືວ່າຕ້ອງມີການບຸກໂຈມຕີທາງບົກຫຼືບໍ? ຄຳຕອບຈະຍົກອອກມາທີ່ກອງປະຊຸມຂອງສະຫະພັນຕ້ານ IS ເຊິ່ງຈະໄດ້ຈັດຕັ້ງໃນວັນທີ 2/6 ຢູ່ ປາຣີ, ປະເທດຝຣັ່ງ.