(vovworld)- ໂດຍຜ່ານໄລຍະທາງກວ່າ 1000 ກິໂລແມັດ, ຈາກແຂວງ ອັດຕະປືທາງພາກໃຕ້ຂອງລາວໄປເຖິງນະຄອນຫລວງຮ່າໂນ້ຍຄັ້ງນີ້, ສິ່ງສຳຄັນທີ່ສຸດສຳລັບຜົວເມຍ ລຸງເພັດສະຫວັນ ສີຊານົນ ນັ້ນແມ່ນຢາກໄດ້ເຂົ້າຢ້ຽມສຸສານປະທານໂຮ່ຈິມີນ. ນັ້ນແມ່ນຄວາມມຸ່ງຫວັງຂອງລຸງມາແຕ່ດົນນານແລ້ວ, ເມື່ອລຸງເພັດສະຫວັນໄດ້ແບ່ງປັນກັບນັກຂ່າວວິທະຍຸກະຈາຍສຽງຫວຽດນາມ.
.jpg)
ຜົວເມຍ ລຸງເພັດສະຫວັນ ສີຊານົນ
|
ສະຖານທີ່ຢ້ຽມຢາມທຳອິດໃນລາຍການທ່ອງທ່ຽວ ນະຄອນຫລວງ ຮ່າໂນ້ຍ ຄັ້ງນີ້ ຂອງຄອບຄົວ ລຸງເພັດສະຫວັນ ນັ້ນແມ່ນ ສຸສານປະທານໂຮ່ຈິມີນ. ຂີ່ລົດໂອໂຕຈາກໂຮມແຮມທີ່ຄອບຄົວລຸງເພັດສະຫວັນພັກຢູ່ຖະຫນົນຮ່າງແບ່ໄປເຖິງ ສຸສານປະທານໂຮ່ຈິມີນ ແມ່ນເສຍເວລາພຽງ 15 ນາທີ. ເຖິງວ່າ ເວລານັ້ນ ຝົນຕົກແຮງ ແລະ ອາກາດຍັງຫນາວກໍຕາມ ແຕ່ຜົວເມຍລຸງ ບໍ່ຫວາດຫວັ່ນ, ຕັດສິນໃຈເຂົ້າຢ້ຽມສຸສານປະທານໂຮ່ຈິມີນ.
ກ່ອນທີ່ມາຢ້ຽມຢາມຮ່າໂນ້ຍ, ຜົວເມຍລຸງ ຢ້ານວ່າບໍ່ມີເວລາພຽງພໍເພື່ອເຂົ້າຢ້ຽມສຸສານປະທານໂຮ່ຈິມີນ, ເພາະວ່າ ຄອບຄົວລຸງຢ້ຽມຢາມ ນະຄອນຫລວງຮ່າໂນ້ຍ ພຽງ 3 ມື້ເທົ່ານັ້ນ. ລຸງກໍຮູ້ຈັກວ່າ ຢາກເຂົ້າຢ້ຽມສຸສານປະທານໂຮ່ຈິມີນ ອາດຈະຕອ້ງເສຍເວລາໝົດຕອນເຊົ້າ ເພາະວ່າ ແຂກຄົນພາກັນເຂົ້າຢ້ຽມສຸສານປະທານໂຮ່ຈິມີນ ເປັນຈຳນວນຫລວງຫລາຍ, ແຕ່ເມື່ອຄິດວ່າ ໃກ້ຈະເຫັນປະຈັກຕາປະທານໂຮ່ຈິມີນ, ລຸງດີໃຈຫລາຍ ແລະ ຄິດວ່າຈະເສຍເວລາເທົ່າໃດກໍ່ໄດ້.
ເຂົ້າຢ້ຽມສຸສານປະທານໂຮ່ຈິມີນ, ບໍ່ພຽງແຕ່ຊາວຫວຽດນາມ ເທົ່ານັ້ນ ຫາກຊາວຕ່າງປະເທດຫລາຍຄົນ ແລະ ຄອບຄົວລຸງເພັດສະຫວັນກໍເຊັ່ນກັນ ລ້ວນແຕ່ ຮູ້ສຶກຕື້ນຕັນໃຈ ເມື່ອໄດ້ເຫັນປະຈັກຕາປະທານໂຮ່ຈິມີນຜູ້ນຳທີ່ປີຊາສາມາດຂອງຫວຽດນາມ. ເຖິງວ່າໄດ້ເຫັນປະທານໂຮ່ຈິມີນພຽງບໍ່ໃກ້ກໍຕາມ, ແຕ່ຜົວເມຍລຸງ ເພັດສະຫວັນ ບໍ່ຢາກອຳລາລຸງໂຮ່ ຢາກຢືນເບິ່ງພົນດົນໆ. ສີຫນ້າຂອງທັງສອງຜົວເມຍລຸງແມ່ນສະແດງຄວາມເຄົາລົບນັບຖືລຸງໂຮ່, ຄວາມຕື້ນຕັນໃຈທີ່ສຸດ. ເມື່ອອອກຈາກສຸສານ, ລຸງເພັດສະຫວັນ ແບ່ງປັນກັບນັກຂ່າວວິທະຍຸກະຈາຍສຽງຫວຽດນາມ ດ້ວຍຄວາມຕື້ນຕັນໃຈວ່າ:
ສຽງລຸງເພັດສະຫວັນ
ເພື່ອວາງແຜນການໄປຢ້ຽມຢາມນະຄອນຫລວງ ຮ່າໂນ້ຍ, ລຸງເພັດສະຫວັນຕ້ອງກະກຽມໃນເວລາ 5 ປີ. ເມື່ອຍ່າງອອກມາເດີນຫນ້າສຸສານ ຜົວເມຍ ຄືວ່າບໍ່ຢາກກັບເມືອ, ບໍ່ຢາກອຳລາດແຫ່ງນີ້. ລຸງໃຫ້ຮູ້້ວ່າ: ມາຮອດຈຸດເວລານີ້ ຄວາມມຸ່ງຫວັງຂອງຄອບຄົວລຸງແມ່ນສຳເລັດແລ້ວ. ກ່ອນນີ້ ລຸງເພັດສະຫວັນ ເປັນຫົວໜ້າຮັບຜິດຊອບອະນຸສອນສະຖານ ໄກສອນ ພົມວິຫານຢູ່ ແຂວງອັດຕະປື ສະນັ້ນ ລຸງເຂົ້າໃຈສ່ວນໃດຫນ່ຶງ ກ່ຽວກັບການພົວພັນລະຫວ່າງປະທານໂຮ່ຈິມີນ ແລະ ປະທານໄກສອນ ພົມວິຫານ.
ສຽງລຸງເພັດສະຫວັນ
ເຖິງວ່າ ເວລາໄດ້ເຫັນປະທານໂຮ່ຈິມິນບໍ່ດົນກໍຕາມ ແຕ່ນັ້ນແມ່ນສິ່ງເປັນກຽດ, ຕອບສະຫນອງຄວາມມຸ່ງຫວັງຂອງຕົນ. ຜ່ານການຢ້ຽມຢາມຄັ້ງນີ້ ຄວາມໄວ້ເນື້ອເຊື່ອໃຈ ກໍຄືອາລົມຈິດຂອງລຸງເພັດສະຫວັນທີ່ມີຕໍ່ປະຊາຊົນຫວຽດນາມ ຍິ່ງເພີ່ມຂຶ້ນ.
ສຽງລຸງເພັດສະຫວັນ