ການ Livestream ຂາຍສິນຄ້າ (ພາບ: VOV)

ໂດຍມີຜູ້ຕິດຕາມກ່ວາ 300 ຄົນ, ແຕ່ລະຕອນທີ່ຂາຍສິນຄ້າໃນແອັບTiktok ຂອງເອື້ອຍ ເລະຖຸຍ ເຄີຍມີຜູ້ຊື້ນັບຮ້ອຍຄົນ. ໃນເມື່ອກ່ອນ, ເອື້ອຍຂາຍຢູ່ຕະຫຼາດທຳມະດາ, ແຕ່ປັດຈຸບັນໄດ້ສຸມໃສ່ການຂາຍສິນຄ້າຜ່ານ Livestream ແລະ ປະລີມານສິນຄ້າທີ່ຂາຍໄດ້ ແລະ ລາຍຮັບຈາກການຂາຍເຄື່ອງກໍ່ໄດ້ເພີ່ມຂຶ້ນຢ່າງຕໍ່ເນື່ອງ.

ເມື່ອເຮົາຂາຍສິນຄ້າໃນແອັບສື່ສັງຄົມອອນໄລ ແລະ Livestream ຢູ່ Tiktok, ເຫັນວ່າ ຈຳນວນໃບສັ່ງຊື້ສິນຄ້າເພີ່ມຂຶ້ນຫຼາຍ ແລະ ໄວ. ນອກຈາກນັ້ນ, ທາງ Tiktok ກໍ່ໜູນຊ່ວຍບັນດາລະຫັດຫຼຸດລາຄາດັ່ງນັ້ນ ເມື່ອລູກຄ້າຊື້ສິນຄ້າໃນ Livestream ກໍ່ໄດ້ຮັບໂປຼໂມຊັ່ນຫຼາຍຢ່າງ, ໄດ້ຮັບການໜູນຊ່ວຍໂດຍກົງ. ທຸກຄົນສາມາດຖາມທຸກສິ່ງທຸກຢ່າງທີ່ຂ້ອງໃຈກ່ຽວກັບສິນຄ້າ.

ໃຊ້ເວລາພຽງແຕ່ 2 – 3 ນາທີເຂົ້າໃນແອັບສື່ສັງຄົມອອນໄລຕ່າງໆໃນປັດຈຸບັນ, ຜູ້ນຳໃຊ້ອາດຈະເຂົ້າເຖິງບັນດາລາຍການ Livestream ດ້ວຍຫຼາຍຜະລິດຕະພັນທີ່ອຸດົມສົມບູນ, ນັບແຕ່ໂສ້ງເສື້ອຕະຫຼອດຮອດຜະລິດຕະພັນກະເສດ, ສິນຄ້າລະດັບປານກາງຮອດລະດັບສູງ. ຜູ້ແນະນຳ ແລະ ຂາຍສິນຄ້າອາດຈະແມ່ນຊາວກະສິກອນ, ພໍ່ຄ້າ, ແມ່ຄ້າ, ຜູ້ຕາງໜ້າວິສາຫະກິດ, ບາງເທື່ອກໍ່ແມ່ນຜູ້ທີ່ມີຊື່ສຽງ.

Livestream ຂາຍສິນຄ້າໄດ້ຮັບຖືວ່າແມ່ນທິດທາງຕ້ອງເປັນໄປ ເມື່ອພື້ນຖານໂຄງລ່າງເຕັກໂນໂລຢີ ຂໍ້ມູນຂ່າວສານ ແລະ ບັນດາພື້ນຖານໜູນຊ່ວຍຢູ່ ຫວຽດນາມ ພວມນັບມື້ນັບພັດທະນາ. ຂະບວນການຂົນສົ່ງຖືກ, ວ່ອງໄວ ແລະ ມີຄວາມໝັ້ນໃຈ. ຮູບແບບຂາຍສິນຄ້ານີ້ລົບລ້າງຂັ້ນຕອນສື່ກາງ, ນຳຜະລິດຕະພັນຈາກບ່ອນຜະລິດໄປເຖິງມືຜູ້ບໍລິໂພກເລີຍ. ເພາະສະນັ້ນ, ຜູ້ຜະລິດອາດຈະມີລາຍຮັບດີກ່ວາ, ສ່ວນຜູ້ບໍລິໂພກກໍ່ຊື້ສິນຄ້າຈາກບ່ອນຜະລິດດ້ວຍລາຄາທີ່ເໝາະສົມ. ເອື້ອຍ ຫງວຽນທິໝີ, ລູກຄ້າທີ່ເຄີຍຊື້ສິນຄ້າແບບທາງໄກ ໃຫ້ຮູ້ວ່າ:

ການສັ່ງຊື້ສິນຄ້າອອນໄລ ແລະ ໃນແອັບສື່ສັງຄົມອອນໄລ ມີລາຄາທີ່ເໝາະສົມກ່ວາ, ຄຸນນະພາບກໍ່ດີ, ເປັນຕົ້ນແມ່ນຊື້ສິນຄ້າຂອງບັນດາຫົວໜ່ວຍທີ່ມີອິດທິພົນຊື່ສຽງ. ສິ່ງນີ້ກໍ່ເໝາະສົມກັບຜູ້ທີ່ຄາວຽກຫຼາຍຄືຂ້າພະເຈົ້າ.

ການພັດທະນາຢ່າງແຮງຂອງຮູບແບບ Livestream ກໍ່ຄືບັນດາແອັບການຄ້າເອເລັກໂຕນິກພວມສ້າງກະແສປ່ຽນແປງຮູບແບບຂາຍສິນຄ້າຢູ່ ຫວຽດນາມ. ສິ່ງນີ້ກໍ່ໄດ້ສ້າງບັນດາສິ່ງທ້າທາຍຄືຕ້ອງການບຸກຄະລາກອນ marketing/sales ທີ່ມີທັກສະເພື່ອ Livestream ຂາຍເຄື່ອງ. ມີຫຼາຍແຂວງ, ນະຄອນກໍ່ກຳໄດ້ທ່າອ່ຽງໂດຍໄວ,ເປີດຊຸກບຳລຸງສ້າງທັກສະຂາຍສິນຄ້າທາງ Livestream ໃຫ້ແກ່ຊາວກະສິກອນ ເພື່ອສົ່ງເສີມການຂາຍບັນດາຜະລິດຕະພັນທ້ອງຖິ່ນ. ອ້າຍ ຫງວຽນມິງເຕິນ, ຄູສອນການບຳລຸງສ້າງທັກສະLivestream ຂາຍສິນຄ້າ ໃຫ້ຮູ້ວ່າ:

ປັດຈຸບັນ, ທ່າອ່ຽງ Livestream ຂາຍເຄື່ອງພວມກາຍເປັນທ່າອ່ຽງທີ່ພັດທະນາທີ່ສຸດ. ເຖິງວ່າຢູ່ບັນດາປະເທດ ທ່າອ່ຽງນີ້ໄດ້ພັດທະນາໃນຫຼາຍປີມານີ້ກໍຕາມ, ແຕ່ຢູ່ ຫວຽດນາມ ນັບແຕ່ເວລາມີ Tiktok shop, ການLivestream ຂາຍເຄື່ອງກໍ່ໄດ້ຮັບການເປີດກວ້າງ ແລະ ທຸກໆຄົນສາມາດ Livestream ຂາຍເຄື່ອງໃນແອັບນີ້. ດ້ວຍບັນດາຊົ່ວໂມງຮຽນ, ຂ້າພະເຈົ້າ ລ້ວນແຕ່ມີການປະຕິບັດໃນຕົວຈິງ ເພາະວ່າ ຖ້າມີແຕ່ຮຽນທິດສະດີ ບໍ່ມີການປະຕິບັດຕົວຈິງ ການ Livestream ຂາຍເຄື່ອງຈະບໍ່ມີປະສິດທິຜົນ.

ອ້າຍ ຫງວຽນມິງເຕິນ, ຄູສອນການບຳລຸງສ້າງທັກສະLivestream ຂາຍສິນຄ້າ (ພາບ: ຫງວຽນມິງເຕິນ)

ພ້ອມກັນການບຳລຸງສ້າງການຂາຍເຄື່ອງ Livestream ຢ່າງມີແບບມີແຜນ, ບັນດາແຂວງ, ນະຄອນ, ສະມາຄົມຂະແໜງສິນຄ້າ ກໍ່ໄດ້ເອົາໃຈໃສ່ເຖິງການເຊື່ອມຕໍ່ລະຫວ່າງຄົນຊື້ ແລະ ຄົນຂາຍ, ສ້າງລະບົບສະໜອງທີ່ປອດໄພ ແລະ ໝັ້ນຄົງ, ເພີ່ມທະວີລັກສະນະຂອງບັນດາຝ່າຍໃນວິວັດການແຈກຢາຍສິນຄ້າ. ຄວາມຮັບຜິດຊອບຢູ່ທີ່ນີ້ ບໍ່ພຽງແຕ່ຂອງຜູ້ສະໜອງໃນການຮັບປະກັນຄຸນນະພາບສິນຄ້າເທົ່ານັ້ນ ຫາກຍັງແມ່ນຄວາມຮັບຜິດຊອບຂອງຜູ້ຂາຍຍ່ອຍໃນການກຳນົດທິດ, ໜູນຊ່ວຍການຜະລິດ, ຄວາມຮັບຜິດຊອບຂອງຜູ້ບໍລິໂພກໃນການຕິດຕາມກວດກາ ແລະ ທັງຄວາມຮັບຜິດຊອບຂອງອົງການຄຸ້ມຄອງລັດ ໃນການສ້າງລະບົບສະໜອງທີ່ປອດໄພ, ໝັ້ນຄົງ.

ທີ່ການເຊັນໂຄງການຮ່ວມມືຄວບຄຸມຄຸນນະພາບສິນຄ້າລະຫວ່າງນະຄອນໂຮ່ຈີມິນ ແລະ ບັນດາແຂວງ, ນະຄອນ, ກຸ່ມບໍລິສັດຂາຍຍ່ອຍ, ບັນດາຕະຫຼາດການຄ້າເອເລັກໂຕນິກ, ບັນດາຕະຫຼາດ, ວິສາຫະກິດ, ທ່ານ ຫວໍວັນຮວານ, ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ໃຫ້ຮູ້ວ່າ

ດ້ວຍຄວາມປາດຖະໜາບໍ່ພຽງແຕ່ຢາກເຊື່ອມຕໍ່ໜູນຊ່ວຍການບໍລິໂພກສິນຄ້າເທົ່ານັ້ນ, ພວກຂ້າພະເຈົ້າຍັງເຊື່ອມຕໍ່ທາງໄກຕະຫຼອດ 24ຊົ່ວໂມງ, ເຊື່ອມຕໍ່ການສ້າງເຄື່ອງໝາຍ. ຜ່ານນັ້ນ, ກໍ່ສ້າງພື້ນຖານເທື່ອລະກ້າວມຸ່ງໄປເຖິງການສ້າງລະບົບສະໜອງແບບໝັ້ນຄົງ, ປອດໄພ ແລະ ປອດໃສ.

ໃນສະພາບການການຄ້າເອເລັກໂຕນິກ ແລະ ເຕັກໂນໂລຢີດີຈີຕອນ ຢູ່ ຫວຽດນາມ ນັບມື້ນັບພັດທະນາ, Livestream ພວມກາຍເປັນເຄື່ອງສືສຳຄັນຊ່ວຍບັນດາບໍລິສັດ ຫວຽດນາມ ເຂົ້າເຖິງລູກຄ້າແບບໂດຍກົງ ແລະ ມີປະສິດທິຜົນ. ການສ້າງແອັບ Livestreamແມ່ນເພື່ອອາດຈະຮັບປະກັນບັນດາການເຄື່ອນໄຫວຂອງຕົນໃນການພັດທະນາແບບຍືນຍົງແມ່ນວິທີການເພື່ອໃຫ້ບັນດາວິສາຫະກິດ, ນັກຜະລິດ, ຊາວກະສິກຳ… ນຳຜະລິດຕະພັນຂອງຕົນເຂົ້າເຖິງຜູ້ບໍລິໂພກເປັນຈຳນວນຫຼາຍ.