(vovworld) – ໃນວິວັດແຫ່ງການກໍ່ສ້າງຊົນນະບົດໃໝ່, ແຂວງຈ່າວິງ ໄດ້ເລືອກເຟັ້ນຕາແສງ ໝີລອງນາມ (My Long Nam), ເມືອງ ເກົ່າງາງ ເປັນຕາແສງປະຕິບັດທົດລອງ, ຫຼັງຈາກນັ້ນກໍ່ຜັນຂະຫຍາຍຮູບແບບກໍ່ສ້າງຊົນນະບົດໃໝ່ເຖິງ 17 ຕາແສງອື່ນໆໃນແຂວງ. ມາຮອດປະຈຸບັນ, ພ້ອມກັບຕາແສງ ໝີລອງນາມ ເຊິ່ງແມ່ນຕາແສງບັນລຸໄດ້ 19 ມາດຖານກໍ່ສ້າງຊົນນະບົດໃໝ່ໂດຍພື້ນຖານນັ້ນ, 17 ຕາແສງນີ້ກໍ່ປະຕິບັດສຳເລັດບັນດາມາດຖານກໍ່ສ້າງຊົນນະບົດໃໝ່ເກືອບທັງໝົດ, ປະກອບສ່ວນປ່ຽນໃໝ່ໂສມໜ້າເຂດຊົນນະບົດຈ່າວິງ.
ສ້າງວຽກເຮັດງານທຳໃຫ້ຄົນງານຢູ່ຈ່າວິງ
(ພາບ: ອິນເຕີແນດ)
ການກໍ່ສ້າງ ແລະ ປັບປຸງລະບົບຄົມມະນາຄົມຊົນນະບົດ ແມ່ນຜົນງານທີ່ພົ້ນເດັ່ນ ພາຍຫຼັງ 2 ປີແຫ່ງການປະຕິບັດໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່ຢູ່ຕາແສງ ໝີລອງນາມ. ບັນດາເຂດຊຸມຊົນ ແລະ ໝູ່ບ້ານຕ່າງໆໃນຕາແສງນີ້ໄດ້ຮັບການເຊື່ອມຕໍ່ກັນດ້ວຍທາງຄົມມະນາຄົມ. ຍ້ອນເຫດນັ້ນ, ການແລກປ່ຽນສິນຄ້າ, ດຳເນີນທຸລະກິດ, ການຄ້າຈຶ່ງມີຄວາມສະດວກສະບາຍກວ່າ ແລະ ຊີວິດຂອງປະຊາຊົນຢູ່ ໝີລອງນາມ ຈຶ່ງໄດ້ຮັບການປັບປຸງໃຫ້ດີຂຶ້ນ. ເອື້ອຍ ກຽນທິເທຍຣີ, ຢູ່ບ້ານ 5, ຕາແສງ ໝີລອງນາມ ໃຫ້ຮູ້ວ່າ:
“ຂ້າພະເຈົ້າເຮັດອາຊີບຄ້າຂາຍກ່ອນນີ້ກວ່າ 10 ປີແລ້ວ, ກ່ອນນີ້, ທາງຄົມມະນາຄົມປະສົບກັບຄວາມຫຍຸ້ງຍາກຫຼາຍ, ແຕ່ປະຈຸບັນເມື່ອມີທາງຄົມມະນາຄົມແລ້ວ, ການຂົນສົ່ງສິນຄ້າກໍ່ສະດວກສະບາຍ ແລະ ການຊື້ຂາຍສິນຄ້າກໍ່ໄວກວ່າ”.
ປະຊາຊົນຮ່ວມແຮງຮ່ວມໃຈກໍ່ສ້າງທາງ
(ພາບ: ອິນເຕີແນດ)
ຄະນະຊີ້ນຳການກໍ່ສ້າງຊົນນະບົດໃໝ່ຢູ່ຈ່າວິງ ໃຫ້ຮູ້ວ່າ, ທາງແຂວງໄດ້ລົງທຶນກວ່າ 1.400 ຕື້ດົ່ງຈາກແຫຼ່ງທຶນຕ່າງໆເພື່ອກໍ່ສ້າງບັນດາກິດຈະກຳຄົມມະນາຄົມຊົນນະບົດ. ແຕ່ປະຊາຊົນໄດ້ປະກອບທຶນປະມານ 40 ຕື້ດົ່ງໃຫ້ແກ່ຈຸດໝາຍນີ້. ສະເພາະຢູ່ຕາແສງ ໝີລອງນາມ ປະຊາຊົນໄດ້ສະຫງວນທີ່ດິນກວ່າ 1.6 ແຮກຕາ ເພື່ອກໍ່ສ້າງກຳຈະກຳຊົນລະປະທານ, ທາງຄົມມະນາຄົມໃນບ້ານ… ດ້ວຍມູນຄ່າກວ່າ 1.8 ຕື້ດົ່ງ. ຄູບາ ແທກຊາແທງ, ອະທິການວັດ Prom ຢູ່ຕາແສງ ເຈົາດ່ຽນ ແມ່ນຜູ້ທີ່ມີຄວາມຕັ້ງໜ້າໃນການປະຕິບັດໂຄງການກໍ່ສ້າງຊົນນະບົດໃໝ່ຢູ່ເມືອງ ເກົ່າແກ່. ນັບແຕ່ປີ 2012, ໄດ້ຂົນຂວາຍບັນດາຜູ້ໃຈບຸນ ພ້ອມກັບປະຊາຊົນໃນຕາແສງກໍ່ສ້າງຂົວໄດ້ 3 ແຫ່ງ. ເມື່ອເວົ້າເຖິງຂົວແຫ່ງທີ່ຫາກໍ່ເປີດສະຫຼອງ ແລະ ນຳເຂົ້າໃຊ້ການນັ້ນ, ຄູບາໃຫ້ຮູ້ວ່າ:
“ຄ່າກໍ່ສ້າງຂົວແຫ່ງນີ້ແມ່ນປະມານ 416 ລ້ານດົ່ງ. ຊາວນະຄອນ ໂຮ່ຈີມິນສະໜັບສະໜູນ 250 ລ້ານດົ່ງ, ສ່ວນຍັງເຫຼືອໂດຍປະຊາຊົນທ້ອງຖີ່ນປະກອບ. ເວລາກໍ່ສ້າງຂົວແມ່ນ 78 ວັນ. ຖ້າຄິດໄລ່ຄ່າແຮງງານຂອງປະຊາຊົນອີກ, ຂົວແຫ່ງນີ້ມີມູນຄ່າປະມານ 416 ລ້ານດົ່ງ“.
ຂົວໄດ້ຮັບການກໍ່ສ້າງຂຶ້ນໂດຍມີການປະກອບສ່ວນຂອງປະຊາຊົນຈ່າວິງ
(ພາບ: ອິນເຕີແນດ)
ໂດຍແມ່ນແຂວງທີ່ເຮັດວຽກງານກະສີກຳເປັນຕົ້ນ, ດັ່ງນັ້ນໃນວິວັດແຫ່ງການກໍ່ສ້າງຊົນນະບົດໃໝ່, ຈ່າວິງ ໄດ້ເອົາໃຈໃສ່ເປັນພິເສດເຖິງບັນຫາລະບົບຊົນລະປະທານຢູ່ເຂດທົ່ງນາ, ໂຄງປະກອບການຜະລິດກະສີກຳ, ບັນດາມາດຕະການຍົກສູງຄຸນນະພາບຜະລິດຕະພັນໃຫ້ມີກຳລັງແກ່ງແຍ້ງໃນຕະຫຼາດຢ່າງພຽງພໍ ແລະ ການຈຳໜ່າຍຜະລິດຕະພັນໃຫ້ແກ່ຊາວກະສີກອນ. ອ້າຍ ແທກເຊືອງ, ສະມາຊິກ ສະຫະກອນປູກຜັກສະອາດຢູ່ຕາແສງ ຮ່ວາເລີ້ຍ, ເມືອງເຈົາແທ່ງ, ໃຫ້ຮູ້ວ່າ: ເມື່ອເຂົ້າຮ່ວມສະຫະກອນ, ບັນດາສະມາຊິກບໍ່ຕ້ອງເປັນຫ່ວງຕໍ່ສົ້ນອອກ ແລະ ສົ້ນເຂົ້າຂອງຜະລິດຕະພັນອີກ, ໜ້າທີ່ຂອງສະມາຊິກ ແມ່ນບົວລະບັດຜັກໃຫ້ຖືກກັບເຕັກນິກ, ດັ່ງນັ້ນຄຸນນະພາບຜັກຈຶ່ງໄດ້ຮັບການຍົກສູງຂຶ້ນ ແລະ ລາຄາກໍ່ສູງກວ່າ. ອ້າຍແທກເຊືອງ, ກ່າວວ່າ:
“ຂ້າພະເຈົ້າໄດ້ເຂົ້າຮ່ວມຊຸດອົບຮົບຫຼາຍຊຸດ ກໍ່ຄືເຂົ້າຮ່ວມກອງປະຊຸມສຳມະນາຕ່າງໆ, ດັ່ງນັ້ນຂ້າພະເຈົ້າຈຶ່ງກຳໄດ້ເຕັກນິກຜະລິດໃໝ່, ໃຫ້ສະມັດຕະພາບສູງກວ່າ ແລະ ຄຸນນະພາບດີ, ອັນໄດ້ຮັບປະກັນລາຄາ ແລະ ຍົກສູງຊີວິດການເປັນຢູ່ໃຫ້ນັບມື້ນັບດີຂຶ້ນ“.
ປະຊາຊົນຈ່າວິງປູກຜັກສະອາດ
(ພາບ: ອິນເຕີແນດ)
ດ້ວຍທິດທາງ ແລະ ວິທີເຮັດຄືດັ່ງກ່າວ, ໂຄງການກໍ່ສ້າງຊົນນະບົດໃໝ່ຢູ່ຈ່າວິງ ໄດ້ບັນລຸໝາກຜົນຢ່າງຈົບງາມ. ທ່ານ ບູ່ຍແທງເລິມ, ຫົວໜ້າສາຂາພັດທະນາຊົນນະບົດແຂວງຈ່າວິງ, ໃຫ້ຮູ້ວ່າ:
“ຈ່າວິງ ມີ 85 ຕາແສງ, ສູ້ຊົນຮອດປີ 2015 ທົ່ວແຂວງຈະມີ 20% ຈຳນວນຕາແສງປະຕິບັດສຳເລັດໂຄງການກໍ່ສ້າງຊົນນະບົດໃໝ່ຕາມການຊີ້ນຳຂອງສູນກາງ. ມີສອງຕາແສງ: ແມ່ນຕາແສງລອງດຶກ, ນະຄອນຈ່າວິງ ບັນລຸໄດ້ 15/19 ມາດຖານ, ຕາແສງ ຟູ໋ເກິນ, ເມືອງຕຽນເກິ່ນ ບັນລຸໄດ້ 16/19 ມາດຖານ. ຮອດທ້າຍປີ, 2 ຕາແສງນີ້ພະຍາຍາມບັນລຸໃຫ້ໄດ້ 19/19 ມາດຖານ“.
ກໍ່ສ້າງລະບົບຊົນລະປະທານຮັບໃຊ້ໃຫ້ແກ່ວຽກງານກະສີກຳ
(ພາບ: ອິນເຕີແນດ)
ຄວາມຈິງແຫ່ງການກໍ່ສ້າງຊົນນະບົດໃໝ່ຢູ່ບັນດາຕາແສງປະຕິບັດທົດລອງຂອງຈ່າວິງ ໄດ້ພິສູດໃຫ້ເຫັນລັກສະນະຖືກຕ້ອງ, ເໝາະສົມກັບຈິດໃຈຂອງປະຊາຊົນ ໃນແຜນນະໂຍບາຍກໍ່ສ້າງຊົນນະບົດໃໝ່ ແລະ ສິ່ງສຳຄັນກວ່ານັ້ນແມ່ນ ໃນວິວັດແຫ່ງການຜັນຂະຫຍາຍ, ຄະນະພັກ, ອຳນາດການປົກຄອງທຸກຂັ້ນ ແລະ ບັນດາອົງການຈັດຕັ້ງມະຫາຊົນ ໄດ້ມີບັນດາມາດຕະການທີ່ມີໄຫວພິບ, ເໝາະສົມກັບສະພາບຕົວຈິງຂອງທ້ອງຖີ່ນ. ດ້ານອື່ນ, ທ້ອງຖີ່ນໄດ້ຮູ້ລະດົມທຸກແຫຼ່ງກຳລັງ ຮ່ວມແຮງຮ່ວມໃຈກໍ່ສ້າງບ້ານເກີດເມືອງນອນ. ສຳລັບຈ່າວິງ, ຈຳນວນເງິນ 40 ຕື້ດົ່ງ ໂດຍປະຊາຊົນປະກອບນັ້ນ, ໄດ້ເປັນການພິສູດຢ່າງມີຊີວິດຊີວາ ກ່ຽວກັບການເສີມຂະຫຍາຍກຳລັງພາຍໃນຂອງປະຊາຊົນ ເພື່ອປະຕິບັດສຳເລັດຈຸດໝາຍກໍ່ສ້າງຊົນນະບົດໃໝ່.