(vovworld) - ບັກນິງແມ່ນແຂວງໜຶ່ງທີ່ມີລະດັບຫັນເປັນອຸດສາຫະກຳ ແລະ ທັນສະໄໝຢ່າງວ່ອງໄວ, ໃນຊຸມປີມໍ່ໆມານີ້, ຈຳນວນຄົນງານໃນຂົງເຂດກະສີກຳໄດ້ມີທ່າອ່ຽງຫຼຸດລົງຢ່າງແຮງ. ສິ່ງດັ່ງກ່າວໄດ້ພາໃຫ້ຂະແໜງກະສີກຳແຂວງ ຕ້ອງເຮັດແນວໃດເພື່ອໃຫ້ການຜະລິດບັນລຸປະສິດທິຜົນສູງໃນສະພາບທີ່ຈຳນວນຜູ້ອອກແຮງງານນັບມື້ນັບຫຼຸດລົງ. ເລື່ອງຍູ້ແຮງການທ້ອນໂຮມທີ່ດິນເປັນທົ່ງນາຂະໜາດໃຫຍ່, ນຳກົນຈັກເຂົ້າໃນການຜະລິດກະສີກຳ ແມ່ນໜຶ່ງໃນບັນດາມາດຕະການສຳຄັນ ທີ່ໄດ້ປະກອບສ່ວນນຳມາເຊິ່ງພະລັງຊີວິດໃໝ່ໃຫ້ແກ່ການຜະລິດ.
(ພາບປະກອບ)
ບ້ານໂມ້ດ້າວ ແມ່ນໜຶ່ງໃນບັນດາທ້ອງຖີ່ນທຳອິດທີ່ປະຕິບັດສຳເລັດວຽກງານທ້ອນໂຮມທີ່ດິນເປັນທົ່ງນາຂະໜາດໃຫຍ່ຢູ່ເມືອງ ເກວ໋ຫວໍ, ແຂວງ ບັກນິງ. ເນື້ອທີ່ດິນປູກເຂົ້າຂອງບ້ານ ແມ່ນບັນດາທົ່ງນາຂະໜາດໃຫຍ່ນັບພັນຕາແມັດ, ຢູ່ອ້ອມແມ່ນເສັ້ນທາງເບຕົງທີ່ກວ້າງຂວາງ, ສະອາດ. ຈາກຜົນງານທີ່ບັນລຸໄດ້ໃນວຽກງານທ້ອນໂຮມທີ່ດິນເປັນທົ່ງນາຂະໜາດໃຫຍ່, ພະແນກກະສີກຳ ແລະ ພັດທະນາຊົນນະບົດແຂວງໄດ້ໜູນຊ່ວຍໃຫ້ສະຫະກອນການບໍລິການກະສີກຳໂມ່ດ້າວ ນຳເອົາລົດໄຖເດີນຕາມ, ລົດດຳນາ, ລົດກ່ຽວເຂົ້ານັບສິບຄັນເຂົ້າໃນການຜະລິດ, ນຳມາເຊິ່ງພະລັງຊີວິດໃໝ່ໃຫ້ແກ່ບັນດາທົ່ງນາ. ທ່ານ ຫງວຽນດຶກນາມ, ສະມາຊິກ ສະຫະກອນບໍລິການກະສີກຳໂມ້ດ້າວ, ຖືວ່າ, ນີ້ແມ່ນບັນດາບາດກ້າວທຳອິດບົນເສັ້ນທາງເຮັດໃຫ້ຄວາມໄຝ່ຝັນຂອງຊາວກະສີກອນປະກົດຜົນເປັນຈິງ, ນັ້ນແມ່ນນຳໃຊ້ກົນຈັກເຂົ້າໃນການຜະລິດກະສີກຳ.
“ພະແນກກະສີກຳ ແລະ ຄະນະກຳມະການປະຊາຊົນແຂວງ ໄດ້ໜູນຊ່ວຍກົນຈັກຢ່າງຄົບຊຸດ, ສ່ວນລັດໜູນຊ່ວຍທຶນເກືອບ 400 ລ້ານດົ່ງ. ຜ່ານ1 ປີ ແຫ່ງການປະຕິບັດສາມາດບັນລຸໄດ້ຜົນງານໄດ້ຫຼາຍພໍສົມຄວນ. ຕົວຢ່າງເມື່ອນຳໃຊ້ລົດດຳນາ, ສະມັດຕະພາບສະເລ່ຍແມ່ນສູງກວ່າການດຳນາແບບຫັດຖະກຳແຕ່ 5-10%. “.
(ພາບປະກອບ) ນັບແຕ່ປີ 2005 ມາຮອດປະຈຸບັນ, ທົ່ວແຂວງບັກນິງ ໄດ້ປະຕິບັດ ນະໂຍບາຍ ທ້ອນໂຮມທີ່ດິນເປັນທົ່ງນາຂະໜາດໃຫຍ່ສຳເລັດ, ນີ້ກໍ່ແມ່ນເວລາທີ່ຊາວກະສີກອນແຂວງບັກນິງ ຕ້ອງຄິດເຖິງເລື່ອງນຳເອົາຄວາມກ້າວໜ້າດ້ານວິທະຍາສາດ ແລະ ກົນຈັກເຂົ້າໃນການຜະລິດໃຫ້ມີປະສິດທິຜົນ. ທ່ານຟານດິ່ງຕ໋ວນ, ຜູ້ອຳນວຍການສູນສົ່ງເສີມກະສີກຳ, ສົ່ງເສີມການປະມົງແຂວງ ບັກນິງ, ໃຫ້ຮູ້ວ່າ, ປະຈຸບັນທົ່ວແຂວງມີລົດໄຖນາ 4900 ຄັນ, ລົດປັ່ນເຂົ້າ 3000 ຄັນ ແລະ ລົດກ່ຽວເຂົ້າ 60 ຄັນ. ລົດຄັນໜຶ່ງສາມາດແທນໃຫ້ຜູ້ອອກແຮງງານ 40 ຄົນໄດ້, ຜ່ານນັ້ນໄດ້ຊ່ວຍຍົກສູງສະມັດຕະພາບ, ຄຸນນະພາບຜະລິດຕະພັນກະເສດ ແລະ ເພີ່ມປະສິດທິຜົນດ້ານເສດຖະກິດ.
“ບັນດາຄວາມກ້າວໜ້າດ້ານວິທະຍາສາດເຕັກນິກ ແລະ ເຄື່ອງກົນຈັກ ໄດ້ປະກອບສ່ວນຍົກສູງສະມັດຕະພາບການອອກແຮງງານຂຶ້ນ, ຫຼຸດຜ່ອນກຳລັງແຮງງານໃຫ້ຊາວກະສີກອນ.“
(ພາບປະກອບ) ເພື່ອສືບຕໍ່ປະຕິບັດການນຳໃຊ້ກົນຈັກເຂົ້າໃນການຜະລິດກະສີກຳ, ໄລຍະຈະມາເຖິງ, ແຂວງບັກນິງ ສືບຕໍ່ສົ່ງເສີມການຜະລິດດ້ວຍຂອບຂະໜາດໃຫຍ່ ເພື່ອເພີ່ມມູນຄ່າຜະລິດກະສີກຳ, ພ້ອມທັງປົດປ່ອຍກຳລັງແຮງງານໃນທົ່ງນາ, ຫັນກຳລັງແຮງງານສ່ວນຫຼາຍຢູ່ເຂດຊົນນະບົດໄປສູ່ບັນດາຂະແໜງອາຊີບ, ຂົງເຂດຜະລິດອື່ນ. ທ່ານ ຫວໍມິງຫຽນ, ຮອງຫົວໜ້າພະແນກກະສີກຳ ແລະ ພັດທະນາຊົນນະບົດແຂວງບັກນິງ,ໃຫ້ຮູ້ວ່າ:
“ການນຳໃຊ້ກົນຈັກເຂົ້າເຂົ້າໃນການຜະລິດກະສີກຳສ່ວນຫຼາຍແມ່ນໃນການໄຖນາ, ຫົດນ້ຳ, ປັ່ນເຂົ້າ, ສ່ວນວຽກງານອື່ນອື່ນຍັງບໍ່ທັນໃຊ້ກົນຈັກ, ຫຼືນຳໃຊ້ກົນຈັກບໍ່ຫຼາຍ. ຕົວຢ່າງຄືການເກັບກ່ຽວ, ການຮັກສາຜະລິດຕະພັນກະເສດພາຍຫຼັງການເກັບກ່ຽວ. ຕໍ່ໜ້າຄວາມຮຽກຮ້ອງຕ້ອງການຂອງພຶດຕິກຳຕົວຈິງ, ພະແນກກະສີກຳ ແລະ ພັດທະນາຊົນນະບົດໄດ້ສ້າງແຜນຮ່າງເພີ່ມທະວີການນຳໃຊ້ຄວາມກ້າວໜ້າດ້ານວິທະຍາສາດ, ເຕັກນິກ ແລະ ນຳໃຊ້ກົນຈັກເຂົ້າໃນການປູກຝັງໄລຍະ 2011-2015“.
ຕໍ່ໜ້າການເຫັນເປັນຕົວເມືອງ ແລະ ອຸດສາຫະກຳຢ່າງວ່ອງໄວ, ເລະ ເນື້ອທີ່ດິນກະສິກຳ ກໍ່ຄືຜູ້ອອກແຮງງານໃນຂົງເຂດກະສີກຳຫຼຸກລົງນັ້ນ, ເລື່ອງຍູ້ແຮງການນຳໃຊ້ກົນຈັກເຂົ້າໃນການຜະລິດກະສີກຳຂອງແຂວງບັກນິງ ແມ່ນເໝາະສົມກັບຈຸດໝາຍຫັນຂະແໜງກະສີກຳເປັນອຸດສາຫະກຳ ແລະ ທັນສະໄໝ. ນີ້ກໍ່ແມ່ນໜຶ່ງໃນບັນດາມາດຖານກໍ່ສ້າງຊົນນະບົດໃໝ່, ນຳມາເຊິ່ງລາຍຮັບສູງໃຫ້ແກ່ຊາວກະສີກອນບັກນິງ.