(vovworld) – ບ້ານໄທ່ກີ໋, ເທດສະບານແທ້ງອານ, ເມືອງວີ້ງແທ້ງ, ນະຄອນເກິ່ນເທີ, ແມ່ນເຂດທີ່ພົນລະເມືອງທັງໝົດຖືສາສະໜາຄິດ. ໄທ່ກີ່ ກໍ່ແມ່ນທ້ອງຖີ່ນ ເຊິ່ງນະຄອນເກິ່ນເທີ ເລືອກເປັນຮູບແບບກໍ່ສ້າງຊົນນະບົດໃໝ່. ໃນ 10 ປີຜ່ານມາ, ປີໃດໄທກີ໋ ກໍ່ເປັນບ້ານວັດທະນະທຳທີ່ດີເດັ່ນ ແລະ ນັບມື້ນັບຍົກສູງຄຸນນະພາບບັນດາມາດຖານກ່ຽວກັບການກໍ່ສ້າງຊີວິດວັດທະນະທຳທີ່ປອດໄສຕາມທິດນຳ “ຢູ່ໃນສິນກິນໃນທຳ“. ນີ້ແມ່ນໜຶ່ງໃນບັນດາຄວາມມານະພະຍາຍາມຂອງບ້ານໄທ່ກີ່ ເພື່ອປະຕິບັດສຳເລັດບັນດາມາດຖານກໍ່ສ້າງຊົນນະບົດໃໝ່.
ປະຊາຊົນເຂົ້າຮ່ວມການຜະລິດໃນເຂດທົ່ງນາຂະໜາດໃຫຍ່
(ພາບອິນເຕີແນດ)
ກ່ອນນີ້ສິບປີ, ຊີວິດຂອງປະຊາຊົນຢູ່ທີ່ນີ້ຍັງປະສົບກັບຄວາມຫຍຸ້ງຍາກ, ລຳບາກຫຼາຍ. 100% ຈຳນວນພົນລະເມືອງແມ່ນເຮັດວຽກງານກະສີກຳເປັນຕົ້ນ, ເຊິ່ງສ່ວນຫຼາຍແມ່ນປູກເຂົ້າ, ພືດ, ລ້ຽງໝູ ແລະ ເຮັດຈ້າງຕາມລະດູການ. ປະຊາຊົນບ້ານໄທ່ກີ່ ຍັງຈື່ຈຳບັນດາເຫດການສຳຄັນ, ທີ່ສົ່ງຜົນສະທ້ອນໂດຍກົງເຖິງຊີວິດຂອງປະຊາຊົນໃນເຂດຄື: ປີ 2004, ອຳນາດການປົກຄອງຂົນຂວາຍປະຊາຊົນຂຸດຄອງເໝືອງຕາມທົ່ງນາຂະໜາດໃຫຍ່ 400 ເຮັກຕາເພື່ອຫົດນຳ້, ສ້າງເງື່ອນໄຂໃຫ້ແກ່ການຜະລິດ, ເພີ່ມລະດູການ, ເພີ່ມສະມັດຕະພາບ, ໃນຊຸມປີ 2005 – 2006, ອຳນາດການປົກຄອງ ແລະ ປະຊາຊົນພ້ອມກັນກໍ່ສ້າງຂົວເບຕົງ 5 ແຫ່ງ, ສ້າງຄວາມສະດວກໃຫ້ລູກຫຼານໄປໂຮງຮຽນ. ປີ 2008, ຂຸດເໝືອງ ແລະ ບຸລະນະຄັນຄູ; ປີ 2009, ກໍ່ສ້າງທາງຄົມມະນາຄົມຊົນນະບົດ, ປູກຕົ້ນໄມ້ແຄມຄອງເໝືອງ... ອັນໄດ້ເຮັດໃຫ້ສະມັດຕະພາບການຜະລິດເຂົ້າເພີ່ມຂຶ້ນແຕ່ 6 ເຖິງ 7,5 ໂຕນ/ເຮັກຕາໃນລະດູໜາວຕໍ່ລະດູບານໃໝ່. ຫຼັງຈາກນັ້ນ, ທົ່ງນາ 400 ເຮັກຕາ ໄດ້ກາຍເປົນທົ່ງນາຂະໜາດໃຫຍ່ ແລະ ນຳໃຊ້ກົນຈັກເຂົ້າໃນການປູກຝັງ, ນຳໃຊ້ແນວພັນທີ່ດີ, ຮ່ວມສຳພັນເພື່ອຈຳໜ່ວຍຜະລິດຕະພັນ, ເພີ່ມສະມັດຕະພາບຂຶ້ນກວ່າ 8 ໂຕນ/ເຮັກຕາ. ອ້າຍ ຮ່ວາງວັນເຍີນ, ຫົວໜ້າຄະນະປະຊາຊົນບ້ານໄທ່ກີ່, ໃຫ້ຮູ້ວ່າ: ໃນຫຼາຍປີຜ່ານມາ, ປະຊາຊົນຢູ່ບ້ານໄທ່ກີ່ ລ້ວນແຕ່ໄດ້ຊົມໃຊ້ຜົນປະໂຫຍດຈາກແຜນນະໂຍບາຍຂົນຂວາຍການສ້າງທົ່ງນາຂະໜາດໃຫຍ່:
“ເຂົ້າຮ່ວມທົ່ງນາຂະໜາດໃຫຍ່ ແມ່ນຕ້ອງປະຕິບັດຕາມຂັ້ນຕອນຜະລິດແບບໃໝ່, ນຳໃຊ້ເຕັກນິກໃໝ່, ພິເສດແມ່ນການນຳໃຊ້ກົນຈັກ, ໃສ່ຝຸ່ນຢ່າງເໝາະສົມ. ໃນຫຼາຍປີຜ່ານມາ, ເມື່ອເຂົ້າຮ່ວມການຜະລິດເຂົ້າໃນເຂດທົ່ງນາຂະໜາດໃຫຍ່, ສະມັດຕະພາບເປັນປົກກະຕິ, ຜົນກຳໄລກໍ່ເພີ່ມຂຶ້ນສູງ, ດັ່ງນັ້ນປະຊາຊົນຈຶ່ງຕັ້ງໜ້າເຂົ້າຮ່ວມ “.
ການເກັບກ່ຽວເຂົ້າຢູ່ເຂດທົ່ງນາຂະໜາດໃຫຍ່
(ພາບອິນເຕີແນດ) ເມື່ອການຜະລິດໄດ້ຮັບປະສິດທິຜົນສູງ, ຊີວິດຂອງປະຊາຊົນບ້ານໄທ່ກີ໋ ກໍ່ຟົດຟື້ນຍິ່ງຂຶ້ນ, ເຂົາເຈົ້າໄດ້ໂຄສະນາເພື່ອໃຫ້ປະຊາຊົນດຳລົງຊີວິດເປັນຢ່າງດີ ແລະ ສຶກສາໃຫ້ລູກຫຼານກາຍເປັນພົນລະເມືອງທີ່ມີປະໂຫຍດ. ຍ້ອນເຫດນັ້ນ, ບ້ານຈື່ງມີຊື່ສຽງວ່າແມ່ນບ້ານມະຫາວິທະຍາໄລ, ດ້ວຍກວ່າ 80% ຈຳນວນຄອບຄົວມີລູກຮຽນມະຫາວິທະຍາໄລ, ວິທະຍາໄລ, ເໜືອມະຫາວິທະຍາໄລ, ໂຮງຮຽນສອນວິຊາຊີບຊັ້ນກາງ. ອັດຕານັກສຶກສາຮຽນຈົບມະຫາວິທະຍາໄລຢູ່ບ້ານແມ່ນກວມເອົາ 10%, ເຊິ່ງແມ່ນລະດັບສູງສຸດຢູ່ເມືອງ ແລະ ນະຄອນ, ແລະສູງກວ່າອັດຕາລວມຂອງທັງປະເທດ. ບ້ານໄທ່ກີ໋ ຮັ່ງມີຍິ່ງຂຶ້ນຢ່າງໝັ້ນຄົງ ແມ່ນຍ້ອນມີການປະກອບກຳລັງເຫື່ອແຮງຂອງລຸ່ນໜຸ່ມທີ່ມີຄວາມຮູ້ເຂົ້າໃນການພັດທະນາລວມຂອງບ້ານເກີດເມືອງນອນ ແລະ ຂອງທັງບ້ານ. ທ່ານ ຫງວຽນວັນເກົ່າ, ຢູ່ເຂດຊາວຄິດແທ໋ງຢາ ບ້ານໄທ່ກີ໋, ໃຫ້ຮູ້ວ່າ:
“ທາງສາສະໜາ ແລະ ອຳນາດການປົກຄອງຍາມໃດກໍ່ໜູນຊ່ວຍ, ລະດົມພວກນ້ອງຮຳ່ຮຽນ, ເພາະມີແຕ່ຮຳ່ຮຽນຈຶ່ງສາມາດລົບລ້າງຄວາມອຶດຫີວຫຼຸດຜ່ອນຄວາມທຸກຍາກໄດ້ຢ່າງວ່ອງໄວ. ພວກຂ້າພະເຈົ້າໄດ້ໃຫ້ຄຳໝັ້ນສັນຍາພະຍາຍາມກາຍເປັນບ້ານວັດທະນະທຳ, ເຮັດໃຫ້ຊີວິດຂອງປະຊາຊົນນັບມື້ນັບດີຂຶ້ນ“.
ນັກຮຽນບ້ານໄທ່ກີ໋ໄປຮຽນ
(ພາບອິນເຕີແນດ) ເມື່ອຊີວິດໄດ້ຮັບການປັບປຸງເທື່ອລະກ້າວ, ຄວາມຮູ້ຂອງປະຊາຊົນເພີ່ມຂຶ້ນ, ຍິ່ງເຮັດໃຫ້ປະຊາຊົນມີຄວາມເຊື່ອໝັ້ນຕໍ່ສາສະໜາ ແລະ ສາມັກຄີ, ຊ່ວຍເຫຼືອກັນ ເພື່ອພ້ອມກັນຫຼຸກພົ້ນອອກຈາກຄວາມທຸກຍາກ, ເຮັດໃຫ້ບ້ານຊາວຄິດນັບມື້ນັບມ່ວນ, ສວຍງາມ, ສະອາດ ແລະ ໝັ້ນຄົງກວ່າ. ປະຈຸບັນ, ເມື່ອມາຢ້ຽມຢາມບ້ານໄທ່ກີ໋, ສາມາດຂີ່ລົດຈັດກໄປມາບົນເສັ້ນທາງເບຕົງລະຫວ່າງບ້ານໄດ້ຢ່າງສະດວກສະບາຍ. 100% ຈຳນວນຄອບຄົວມີອຸປະກອນຟັງ, ເບິ່ງ, ມີອຸປະກອນໄປມາດ້ວຍລົດຈັກ, ລົດຖີບ. ທ່ານ ຫງວຽນວັນຕ໋ຽງ, ປະທານແນວໂຮມປະເທດຊາດເທດສະບານແທ້ງອານ, ໃຫ້ຮູ້ຕື່ມອີກວ່າ:
“ໃນເທດສະບານມີ 6 ເຂດຊຸມຊົນ ກໍ່ແມ່ນ 6 ບ້ານ ລ້ວນແຕ່ບັນລຸໄດ້ມາດຖານວັດທະນະທຳ, ແຕ່ພົ້ນເດັ່ນກວ່າໝູ່ແມ່ນບ້ານໄທ່ກີ໋, ຢູ່ທີ່ນີ້ປະຊາຊົນມີຄວາມສາມັກຄີນຳກັນທີ່ສຸດ“.
ດ້ວຍການລົງທຶນໃຫ້ແກ່ການສຶກສາ ພ້ອມກັບຄວາມຂະຫຍັນຂັນເຄື່ອນໃນການພັດທະນາເສດຖະກິດຕາມທິດນຳໃຊ້ຄວາມກ້າວໜ້າດ້ານວິທະຍາສາດເຕັກນິກເຂົ້າໃນການຜະລິດ, ຫັນປ່ຽນຜົນລະປູກ, ສັດລ້ຽງ. ມາຮອດປະຈຸບັນ, ບັນດາຄອບຄົວເກືອບທັງໝົດຢູ່ບ້ານໄທ່ກີ໋ ໄດ້ຫຼຸດພົ້ນອອກຈາກຄວາມທຸກຍາກ, ມີລະດັບຄອງຊີບພໍສົມຄວນ, ມີບາງຄົນຮັ່ງມີ, ບ້ານໄທ່ກີ໋ ໄດ້ຮັບການຕີລາຄາວ່າ ແມ່ນບ້ານທີ່ດີເດັ່ນໃນການກໍ່ສ້າງຊົນນະບົດໃໝ່ຢູ່ນະຄອນເກິ່ນເທີ ແລະ ເຂດທົ່ງພຽງແມ່ນຳ້ຂອງ.