ນັ່ງພັກຜ່ອນໜ້ອຍໜຶ່ງພາຍຫຼັງຕັດຫຍ້າໃຊ້ເປັນຫົວອາຫານໃຫ້ປາ, ລຸ່ງ ກາວຟ໋ານ, ຢູ່ບ້ານ ຟຸ໋ເຊີນ, ຕາແສງ ຮ່ວາເຄືອງ, ເມືອງຮ່ວາວາງ, ນະຄອນດ່ານັ້ງ, ໃຫ້ຮູ້ວ່າ: ປີນີ້ລະດູການຜະລິດໄດ້ຮັບຜົນດີ, ຊີວິດການເປັນຢູ່ຂອງພໍ່ແມ່ປະຊາຊົນກໍ່ດີຂຶ້ນ, ມີຂອງກິນ ແລະ ມີສ່ວນແຮ່ໄວ້. ໃນໄລຍະ 5 ປີກອນ, ລຸ່ງຟ໋ານ ໄດ້ກູ້ຢືມທຶນບຸລິມະສິດ, ຂຸດສ້າງລ້ຽງປາ. ປີທຳອິດປະສົບກັບຄວາມຫຍຸ້ງຍາກ, ມາຮອດປະຈຸບັນ, ສະປາຂອງຄອບຄົວລຸງສາມາດສ້າງລາຍຮັບໄດ້ 100 ລ້ານດົ່ງ/ປີ. ທ່ານ ກາວຟ໋ານ ໃຫ້ຮູ້ວ່າ, ຍ້ອນທຳມະຫາກິນໄດ້ດີ, ປີນີ້ຄອບຄົວຂອງລຸ່ງ ໄດ້ຕ້ອນຮັບບຸນເຕັດຢ່າງຄົບຖ້ວນ ແລະ ມີຄວາມອົບອຸ່ນ.
“ຊີວິດການເປັນຢູ່ຂອງຄອບຄົວໄດ້ດີຂຶ້ນຫຼາຍແລ້ວ. ໃນໂອກາດບຸນເຕັດ ຄອບຄົວ, ລູກຫຼານກໍມີຄວາມເບີດບານມ່ວນຊື່ນກວ່າ, ຊື້ເຄື່ອງຂອງເພື່ອກະກຽມໃຫ້ບຸນເຕັດ ກໍມີຫຼາຍອັນກວ່າປີກ່ອນໆ, ຍ້ອນການທຳມາຫາກິນໄດ້ຮັບຜົນດີ. ຊີວິດການເປັນຢູ່ຂອງພໍແມ່ປະຊາຊົນກໍດີຂຶ້ນພໍສົມຄວນ, ເສັ້ນທາງໃນບ້ານໄດ້ຮັບການກໍ່ສ້າງໃໝ່.”
ຕາມທ່ານ ຫງວຽນເຕີນຟ໋າດ, ປະທານຄະນະກຳມະການປະຊາຊົນຕາແສງ ຮ່ວາເຍີນ, ເມືອງຮ່ວາວາງ, ນະຄອນດ່ານັ້ງ, ຜົນສຳເລັດໃຫຍ່ຫຼວງທີ່ສຸດໃນການກໍ່ສ້າງຊົນນະບົດໃໝ່ຢູ່ຕາແສງຮ່ວາເຍີນ ເວົ້າສະເພາະ, ກໍ່ສ້າງເມືອງຮ່ວາວາງ ເວົ້າລວມ, ແມ່ນຄວາມເຫັນດີເຫັນພ້ອມຂອງປະຊາຊົນ. ພໍແມ່ປະຊາຊົນໄດ້ປະກອບເຫື່ອແຮງ, ເງິນທຶນ, ຍ້ອນຜູ້ໃດກໍເຂົ້າໃຈວ່າໂຄງການກໍ່ສ້າງຊົນນະບົດໃໝ່ແມ່ນເຮັດເພື່ອປະຊາຊົນ, ປະຊາຊົນໄດ້ຮັບຜົນປະໂຫຍດໂດຍກົງ. ກໍ່ສ້າງທາງໄປມາຢ່າງສະດວກ, ການຊື້ຂາຍຜະລິດຕະພັນກະເສດກໍສະດວກ; ກໍ່ສ້າງຄອງເໝືອງຈະເປັນເຈົ້າການໃນການຫົດນຳ້; ກໍ່ສ້າງໂຮງຮຽນກໍແມ່ນເພື່ອໃຫ້ລູກຫຼານໄດ້ຮໍ່າຮຽນເປັນຢ່າງດີກວ່າ. ໃນໄລຍະ 4 ປີິແຫ່ງການກໍ່ສ້າງຊົນນະບົດໃໝ່, ຕາແສງຮ່ວາເຍີນ ລະດົມທຶນຈາກແຫຼ່ງເງິນຕ່າງນໄດ້ກວ່າ 250 ຕື້ດົງ ເພື່ອລົງທຶນກໍ່ສ້າງພື້ນຖານໂຄງລ່າງ. ມີຫຼາຍຮູບແບບເສດຖະກິດຄອບຄົວຢູ່ບັນດາບ້ານ ໄດ້ປະກອບສ່ວນຊ່ວຍໃຫ້ພໍແມ່ປະຊາຊົນຍົກສູງລາຍຮັບ, ຮັບປະກັນຊີວິດເປັນປົກກະຕິ. ທ່ານ ຫງວຽນເຕີນຟ໋າດ ຢືນຢັນວ່າ.
“ໂສມໜ້າເຂດຊົນນະບົດໄດ້ຮັບການປ່ຽນແປງຢ່າງເຫັນໄດ້ຊັດ. ລາຍຮັບຂອງປະຊາຊົນຈາກບັນດາຮູບແບບເສດຖະກິດໄດ້ຮັບການຍົກສູງຂຶ້ນ, ອັດຕາຄອບຄົວທຸກຍາກໄດ້ຫຼຸດລົງໄວຜ່ານແຕ່ລະປີ. ໃນໂອກາດຕ້ອນຮັບບຸນເຕັດປີວອກ ບົນຈິດໃຈມີຄວາມເບີດບ່ານມ່ວນຊື່ນຂອງທ້ອງຖິ່ນ ຍ້ອນໄດ້ສຳເລັດໂຄງການກໍ່ສ້າງຊົນນະບົດໃໝ່, ດ້ວຍເງື່ອນໄຂເສດຖະກິດໄດ້ຮັບການຍົກສູງຂຶ້ນ.”
ນັບແຕ່ປີ 2011 ມາຮອດປະຈຸບັນ, ເມືອງ ຮ່ວາວາງ ສາມາດລະດົມທຶນຈາກບັນດາແຫຼ່ງທຶນໄດ້ກວ່າ 2.400 ຕື້ດົງ ເພື່ອສຸມໃສ່ລົງທຶນກໍ່ສ້າງພື້ນຖານໂຄງລ່າງຊົນນະບົດໃໝ່. ນັບພັນຄອບຄົວໄດ້ປະກອບເງິນທຶນ, ແຮງງານ, ມອບດິນ ເພື່ອເປີດກວ້າງເສັ້ນທາງ, ກໍ່ສ້າງສຸກສາລາ, ເປີດກວ້າງໂຮງຮຽນ… ບັນດາແຜນການດັດແປງສວນ, ສ້າງທົ່ງນາຂະໜາດໃຫຍ່, ລ້ຽງປານຳ້ຈືດ… ໄດ້ຮັບການຜັນຂະຫຍາຍໄປທົ່ວເຂດ. ຫຼາຍຕາແສງຍັງຈັດຕັ້ງບັນດາຮູບແບບຜະລິດລວມໝູ່, ໜ່ວຍສະຫະກອນ, ຊ່ວຍໃຫ້ປະຊາຊົນພັດທະນາການຜະລິດ, ພັດທະນາເສດຖະກິດ, ຍົກສູງຊີວິດການເປັນຢູ່. ທ່ານ ດັ້ງຟຸ໋ແຮ່ງ, ຮອງປະທານຄະນະກຳມະການປະຊາຊົນເມືອງ ຮ່ວາວາງ, ນະຄອນດ່ານັ້ງ ໃຫ້ຮູ້ວ່າ, ທ້ອງຖິ່ນບໍ່ມີຄອບຄົວທຸກຍາກ, ຊີວິດການເປັນຢູ່ຂອງປະຊາຊົນກໍ່ດີຂຶ້ນກວ່າເກົ່າແລ້ວ.
“ຍ້ອນໂຄງການກໍ່ສ້າງຊົນນະບົດໃໝ່ ສະນັ້ນຊີວິດການເປັນຢູ່ຂອງປະຊາຊົນທ້ອງຖິ່ນ ຮ່ວາວາງ ໄດ້ຮັບການຍົກສູງຂຶ້ນພໍສົມຄວນ. ລາຍຮັບຂອງປະຊາຊົນໄດ້ເພີ່ມຂຶ້ນທົບ 2 ເທົ່າ ເມື່ອທຽບໃສ່ປີ 2010. ຈາກບັນດາຮູບແບບ, ແບບຢ່າງໃນວິວັດການກໍ່ສ້າງຊົນນະບົດໃໝ່ ລາຍຮັບຂອງປະຊາຊົນໄດ້ເພີ່ມຂຶ້ນ”
ດ້ວຍຄວາມເຫັນດີເຫັນພ້ອມຂອງປະຊາຊົນ ໄດ້ສ້າງໂສມໜ້າໃໝ່ໃຫ້ເຂດບ້ານນາແຫ່ງນີ້ ເພື່ອໃຫ້ປະຊາຊົນຕ້ອນຮັບບຸນເຕັດຢ່າງຄົບຖ້ວນ ແລະ ທີຄວາມອົບອຸ່ນ. ປີນີ້, ນອກຈາກໜ້າທີ່ຮັກສາບັນດາມາດຖານຊົນນະບົດໃໝ່, ເມືອງຮ່ວາວາງ ສືບຕໍ່ຜັນຂະຫຍາຍບັນດາໝວດມາດຕະການແກ້ໄຂຢ່າງຄົບຊຸດ ຕາມທິດບຸກທະລຸ, ລະດົມທຸກແຫຼ່ງກຳລັງເພື່ອຊຸກຍູ້ເສດຖະກິດ, ສັງຄົມໃຫ້ພັດທະນາ, ຍົກສູງຊີວິດການເປັນຢູ່ໃຫ້ປະຊາຊົນ.