20 ປະເທດຈະເຂົ້າຮ່ວມ ງານວາງສະແດງສາກົນຂະແໜງອຸດສາຫະກຳສຳຮອງ 2ຄັ້ງ
Ngoc Anh -
(VOVWORLD) - ວັນທີ 30 ພຶດສະພາ, ຢູ່ຮ່າໂນ້ຍ, ໄດ້ຈັດພິທີລົງນາມໃນຂໍ້ຕົກລົງວ່າດ້ວຍການຮ່ວມມືລະຫວ່າງອົງການຊຸກຍູ້ການຄ້າຕ່າງປະເທດຍີ່ປຸ່ນ (JETTRO), ກົມສົ່ງເສີມການຄ້າຫວຽດນາມ ແລະ ບໍລິສັດ Reed Tradex ຫວຽດນາມ. ຕາມນັ້ນແລ້ວ, 3 ຫົວໜ່ວຍດັ່ງກ່າວຈະສົມທົບກັນຈັດງານວາງສະແດງອຸດສາຫະກຳສຳຮອງຫວຽດນາມ-ຍີ່ປຸ່ນ 2019 (SIE 2019) ແລະ ງານວາງສະແດງສາກົນກ່ຽວກັບເຕັກໂນໂລຊີປະດິດເຄື່ອງອາໄຫຼ່ອຸດສາຫະກຳຢູ່ຫວຽດນາມ 2019 (VME 2019) ແຕ່ວັນທີ 14-16 ສິງຫາທີ່ຈະມາເຖິງຢູ່ຮ່າໂນ້ຍ.
ສະພາບພິທີລົງນາມ
|
ໃນຂອບເຂດ 2 ງານວາງສະແດງ, ຈະຈັດໃຫ້ມີເວທີປາໄສອຸດສາຫະກຳໜູນຊ່ວຍຫວຽດນາມ. ທ່ານ ຫງວຽນຟານກີມເງິນ, ຜູ້ອຳນວຍການໂຄງການບໍລິສັດ Reed Tradex ຫວຽດນາມ, ຫົວໜ່ວຍຈັດຕັ້ງງານວາງສະແດງໃຫ້ຮູ້ວ່າ:
ການຈັດເວທີປາໄສອຸດສາຫະກຳໜູນຊ່ວຍຫວຽດນາມ ຈະຍູ້ແຮງການມອບໂອນເຕັກໂນໂລຊີໃໝ່ ແລະ ເປີດກ້ວາງຕາໜ່າງດຳເນີນທຸລະກິດລະຫວ່າງບັນດາວິສາຫະກິດພາຍໃນ ແລະ ຕ່າງປະເທດ. ພິເສດແມ່ນລະຫວ່າງວິສາຫະກິດຍີ່ປຸ່ນ ແລະ ຫວຽດນາມ. ນີ້ກໍ່ແມ່ນໂອກາດເພື່ອໃຫ້ນັກລົງທຶນຕ່າງປະເທດ ສາມາດເຊື່ອມຕໍ່ກັບບັນດານັກສະໜອງ ແລະ ຕະຫຼາດຈຳໜ່າຍພາຍໃນປະເທດ, ໂດຍສະເພາະແມ່ນຄວາມຕ້ອງການນຳເຂົ້າສົ່ງອອກ ກໍ່ຄືທ່າອ່ຽງນຳໃຊ້ບັນດາເຄື່ອງອາໄຫຼ່ອຸດສາຫະກຳ.
ສະພາບການປະຊຸມຂ່າວ
|
Ngoc Anh