ພາບປະກອບ
|
(vovworld) – ກອງປະຊຸມລັດຖະມົນຕີວ່າການກະຊວງພະລັງງານກຸ່ມ 7 ປະເທດອຸດສາຫະກຳພັດທະນາ (G7) ໄຂຂຶ້ນໃນວັນທີ 11/5 ຢູ່ນະຄອນ Hamburg, ປະເທດ ເຢຍລະມັນດ້ວຍຫົວຂໍ້ວ່າ “ຄວາມໝັ້ນຄົງດ້ານພະລັງງານແບບຍືນຍົງ”. ໃນ 2 ວັນຈັດກອງປະຊຸມ, ບັນດາລັດຖະມົນຕີວ່າການກະຊວງພະລັງງານ G7 ແລະ ຜູ້ຕາງໜ້າຂອງຄະນະກຳມະການ ເອີລົບ (EC) ສຸມໃສ່ປຶກສາຫາລືກ່ຽວກັບບັນດາວິທີເພື່ອແນໃສ່ຮັບປະກັນພະລັງງານແບບຍາວນານ, ໝັ້ນຄົງ. ກ່າວຄຳເຫັນໄຂກອງປະຊຸມ, ທ່ານຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງເສດຖະກິດ ແລະ ພະລັງງານ ເຢຍລະມັນ Sigmar Gabriel, ໃຫ້ຮູ້ວ່າ: ນອກຈາກການປຶກສາຫາລືບັນດາມາດຕະການຮັບປະກັນຄວາມໝັ້ນຄົງດ້ານພະລັງງານແບບຍືນຍົງຢ່າງຍາວນານ, ບັນດາລັດຖະມົນຕີ G7 ກໍ່ຈະປຶກສາຫາລືກ່ຽວກັບແຫຼ່ງເຊື້ອເພິງ ປະກອບສ່ວນເຂົ້າໃນຄວາມໝັ້ນຄົງດ້ານພະລັງງານແບບຍືນຍົງ. ທີ່ກອງປະຊຸມຄັ້ງນີ້, ບັນດາລັດຖະມົນຕີຈະສືບຕໍ່ປຶກສາຫາລືກ່ຽວກັບບັນຫາ ຄວາມໝັ້ນຄົງດ້ານພະລັງງານ ຢູ່ ເອີລົບ. ນອກຈາກນັ້ນ, ບັນດາລັດຖະມົນຕີກໍ່ປຶກສາຫາລືວິທີການເພື່ອແນໃສ່ຮັບປະກັນຄວາມໝັ້ນຄົງດ້ານພະລັງງານແບບຍືນຍົງຜ່ານການປ່ຽນໃໝ່ ແລະ ປັບປຸງເຕັກໂນໂລຢີ, ຍົກສູງກຳລັງຄວາມສາມາດແກ່ງແຍ້ງຂອງບັນດາປະເທດ G7.