ບັນດາພື້ນຖານເສດຖະກິດໃຫຍ່ໃນໂລກ ລ້ວນແຕ່ມີການພັດທະນາຢ່າງຊັກຊ້າ (ພາບ:  Le Monde)

ນີ້ແມ່ນການຄາດຄະສະບັບຫຼ້າສຸດ ໂດຍອົງການຮ່ວມມື ແລະ ພັດທະນາເສດຖະກິດ (OECD) ປະກາດໃນວັນທີ 8 ມິຖຸນາ. ອົງການນີ້ ກໍ່ຄາດຄະເນວ່າການເຕີບໂຕທີ່ຂາດຄວາມຍືນຍົງອາດຈະແກ່ຍາວຮອດປີ 2023.

ໃນບົດລາຍງານ, ອົງການ OECD ໄດ້ດັດປັບລະດັບການເຕີບໂຕ ຂອງບັນດາພື້ນຖານເສດຖະກິດໃຫຍ່ໃນໂລກ ເກືອບທັງໝົດລົງ ໃນປີ 2022 ຍ້ອນຜົນກະທົບຢ່າງຫຍໍ້ທໍ້ຈາກການປະທະກັນຢູ່ ຢູແກຼນ.

OECD ຄາດວ່າ ເຂດນຳໃຊ້ສະກຸນເງິນ ເອີໂຣ (Eurozone) ມີການເຕີບໂຕພຽງແຕ່ 2,6% ໃນປີ 2022, ຕ່ຳກ່ວາເມື່ອທຽບໃສ່ກັບລະດັບຄາດຄະເນ 4,3% ທີ່ໄດ້ຍົກອອກມາໃນທ້າຍປີ 2021. ສອງພື້ນຖານເສດຖະກິດໃຫຍ່ທີ່ສຸດຂອງ Eurozone ແມ່ນ ເຢຍລະມັນ ແລະ ຝລັ່ງ ຄາດວ່າມີການເຕີບໂຕຢູ່ລະດັບ 1,9% (ຫຼຸດລົງ 2,2%) ແລະ 2,4% (ຫຼຸດລົງ 1,8%) ຕາມລຳດັບ. ບັນດາພື້ນຖານເສດຖະກິດໂລກຄື ອາເມລິກາ ກໍ່ຫຼຸດລົງແຕ່ 3,7% ເຫຼືອພຽງ 2,5%, ຈີນຫຼຸດລົງແຕ່ 5,1% ເຫຼືອພຽງ 4,4%, ອັງກິດຫຼຸດລົງແຕ່ 4,7% ເຫຼືອພຽງ 3,6%. ເສດຖະກິດ ລັດເຊຍໄດ້ຮັບການຄາດຄະເນວ່າ ຈະຕົກເຂົ້າສູ່ສະພາບຊຸດໂຊມ, ຫຼຸດລົງ 10% ຍ້ອນຜົນກະທົບຈາກບັນດາຄຳສັ່ງລົງໂທດດ້ານເສດຖະກິດຈາກຝ່າຍຕາເວັນຕົກ.