ກຸ່ມບໍລິສັດNikeແລະIntelຂອງອາເມລິກາຈະເປີດກ້ວາງການລົງທຶນຜະລິດຢູ່ຫວຽດນາມ
ເອກອັກຄະລັດຖະທູດ ຫວຽດນາມ ປະຈຳ ອາເມລິກາ ຫງວຽນກວກເກື່ອງ ເຮັດວຽກຢູ່ກຸ່ມບໍລິສັດ Intel
(ພາບ: baodautu.vn)
(vovworld) – ກຸ່ມບໍລິສັດ Nike ແລະ Intel ຂອງ ອາເມລິກາຈະເປີດກ້ວາງການລົງທຶນຜະລິດຢູ່ ຫວຽດນາມ - ນີ້ແມ່ນຄຳຢັ້ງຢືນຂອງການນຳ 2 ວິສາຫະກິດອັນດັບໜຶ່ງຂອງ ອາເມລິກາ ແລະ ໂລກໃນການພົບປະໄລຍະມໍ່ໆມານີ້ກັບເອກອັກຄະລັດຖະທູດ ຫວຽດນາມ ປະຈຳ ອາເມລິກາ ຫງວຽນກວກເກື່ອງ, ເນື່ອງໃນໂອກາດທ່ານເອກອັກຄະລັດຖະທູດ ໄປຢ້ຽມຢາມ ແລະ ເຮັດວຽກຢູ່ລັດ Oregon.
ຜູ້ຕາງໜ້າຂອງ Nike ແລະ Intel ລ້ວນແຕ່ຢັ້ງຢືນພວມເຄື່ອນໄຫວຢ່າງມີປະສິດທິຜົນຢູ່ ຫວຽດນາມ, ຍາມໃດກໍ່ໄດ້ຮັບການໜູນຊ່ວຍຢ່າງທັນການຂອງລັດຖະບານ ແລະ ບັນດາທ້ອງຖີ່ນ ແລະ ໃຫ້ຮູ້ວ່າ: ມີແຜນການເປີດກ້ວາງການລົງທຶນຜະລິດໃນໄລຍະຈະມາເຖິງ. ກຸ່ມບໍລິສັດ 2 ແຫ່ງລ້ວນແຕ່ຕີລາຄາສູງບັນດາມາດຕະການທັນການຂອງລັດຖະບານ ຫວຽດນາມ ເພື່ອແນໃສ່ຊ່ວຍບັນດາວິສາຫະກິດຟື້ນຟູ ແລະ ເຄື່ອນໄຫວເປັນປົກກະຕິພາຍຫຼັງສະພາບການສັບສົນ, ທຳລາຍຂອງບັນດາບຸກຄົນບໍ່ດີຢູ່ທ້ອງຖີ່ນຈຳນວນໜຶ່ງ ໃນໄລຍະຜ່ານມາ. Nike ຫວັງວ່າສັນຍາຄູ່ຮ່ວມມືເສດຖະກິດຂ້າມປາຊີຟິກ (TPP) ຈະເປີດກາລະໂອກາດໃຫຍ່ເພື່ອໃຫ້ກຸ່ມບໍລິສັດນີ້ເພີ່ມທະວີການລົງທຶນຢູ່ ຫວຽດນາມ.