(vovworld) – ວັນທີ 28/01, ທິມຊາດນັກກິລາຍິງທະນູຫວຽດນາມ ໄດ້ກັບເມືອປະເທດ, ພາຍຫຼັງເຂົ້າຮ່ວມງານແຂ່ງຂັນກິລາຊິງຊະນະເລີດອາຊີຕາເວັນອອກສ່ຽງໃຕ້ປີ 2016, ເຊິ່ງໄດ້ຈັດຂຶ້ນຢູ່ມຽນມາ, ດ້ວຍຜົນງານຄວ້າໄດ້ 8 ຫຼຽນຄຳ. ໃນງານແຂ່ງຂັນ ປີນີ້, ທິມຊາດຍິງທະນູຫວຽດນາມ ລວມມີນັກກິລາ 16 ຄົນ ເຂົ້າຮ່ວມໃນບັນດາລາຍການຍິງທະນູສາຍດຽວ ແລະ 3 ສາຍ. ງານແຂ່ງຂັນຊິງຊະນະເລີດ ໄດ້ເຕົ້າໂຮມນັກກິລາຍິງທະນູ 60 ຄົນທີ່ມາຈາກລາວ, ສິງກະໂປ, ໄທ, ຫວຽດນາມ ແລະ ປະເທດເຈົ້າພາບມຽນມາ. ຕາມທ່ານ ບຸຍເຈື່ອງຢາງ, ຫົວໜ້າປະເພດກິລາຍິງທະນູ, ກົມໃຫຍ່ກິລາກາຍຍະກຳ ແລ້ວ, ເລື່ອງເຂົ້າຮ່ວມງານແຂ່ງຂັນດັ່ງກ່າວແມ່ນບາດກ້າວກະກຽມສຳຄັນສຳລັບບັນດານັກກິລາຍິງທະນູຕໍ່ໜ້າການເຂົ້າຮ່ວມບັນດາງານແຂ່ງຂັນສາກົນທີ່ສຳຄັນໃນປີ 2016, ຍ້ອນກິລາຍິງທະນູຫວຽດນາມ ພວມສືບຕໍ່ມານະພະຍາຍາມເພື່ອແຂ່ງຂັນຮອບຄັດເລືອກ Olympic 2016, ເພື່ອເຂົ້າຮ່ວມຢ່າງເປັນທາງການ.