ກໍ່ສ້າງເຂດຊາຍແດນມິດຕະພາບຫວຽດນາມ-ລາວ
ທ່ານ ພັນດວງຈິດ ວົງສາ - ປະທານຄະນະກຳມະການສູນກາງແນວລາວສ້າງຊາດ
(vovworld) – ຕອນເຊົ້າວັນທີ 3/11, ຢູ່ແຂວງ ຄຳມ່ວນ, ປະເທດລາວ, ຄະນະກຳມະການສູນກາງ ແນວໂຮມປະເທດຊາດ ຫວຽດນາມ ແລະ ຄະນະກຳມະການສູນກາງແນວລາວສ້າງຊາດ ໄດ້ຈັດຕັ້ງກອງປະຊຸມກໍ່ສ້າງເສັ້ນຊາຍແດນມິດຕະພາບລະຫວ່າງ 2 ປະເທດ. ກອງປະຊຸມຮັບຮູ້ວ່າ: ພ້ອມກັບການຮ່ວມມືຮອບດ້ານແທດຈິງ ແລະ ມີປະສິດທິຜົນລະຫວ່າງ 2 ປະເທດໃນຫຼາຍຂົງເຂດ, ໃນໄລຍະຜ່ານມາ, ການຮ່ວມມືລະຫວ່າງແນວໂຮມປະເທດຊາດ ຫວຽດນາມ ແລະ ແນວລາວສ້າງຊາດ ແມ່ນອຸດົມສົມບູນທີ່ສຸດ, ຫຼາຍຮູບຫຼາຍແບບປະກອບສ່ວນອັນໃຫຍ່ຫຼວງເຂົ້າໃນການປັບປຸງ ແລະ ພັດທະນາການພົວພັນມິດຕະພາບລະຫວ່າງ 2 ປະເທດ. ບັນດາແຜນນະໂຍບາຍຂອງຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ແນວລາວສ້າງຊາດ ໄດ້ຮັບການໂຄສະນາເຜີຍແຜ່ຢ່າງເລິກເຊິ່ງ, ກ້ວາງຂວາງຜ່ານບັນດາພະຫະນະສື່ມວນຊົນເຖິງປະຊາຊົນທຸກຊັ້ນວັນນະ, ຊ່ວຍປະຊາຊົນເຂົ້າໃຈກ່ວາອີກເຖິງການພົວພັນພິເສດ ຫວຽດນາມ - ລາວ ເພື່ອພ້ອມກັນປົກປັກຮັກສາເຂດຊາຍແດນໃຫ້ໝັ້ນຄົງເຂັ້ມແຂງ. ກອງປະຊຸມກໍ່ປຶກສາຫາລືທິດທາງ ໜ້າທີ່ສ້າງເສັ້ນຊາຍແດນສັນຕິພາບ, ມິດຕະພາບລະຫວ່າງ 2 ປະເທດໄລຍະ 2014 – 2016.