ທ່ານ ເລເລືອງມິງ ເລຂາທິການໃຫຍ່ອາຊຽນ
(ພາບ: aseantourism)
(vovworld) – ໃນຕອນເຊົ້າ ວັນທີ 9/6, ຢູ່ຮ່າໂນ້ຍ, ກະຊວງການຕ່າງປະເທດຫວຽດນາມ ສົມທົບ ກັບກອງທຶນເຊື່ອມໂຍງ ອາຊຽນ-ຢີປຸ່ນ (JALF) ຈັດກອງປະຊຸມສຳມະນາ ແນະນຳ ກອງທຶນເຊື່ອມໂຍງ ອາຊຽນ-ຢີປຸ່ນ ຄັ້ງທີ 3. ກ່າວຄວາມເຫັນທີ່ກອງປະຊຸມສຳມະນາ, ທ່ານ ເລເລືອງມິງ ເລຂາທິການໃຫຍ່ອາຊຽນ ເນັ້ນໜັກວ່າ: ພາຍຫຼັງສ້າງຕັ້ງປະຊາຄົມອາຊຽນ ແລະ ພິເສດແມ່ນການປະຕິບັດ ບັນດາຂັ້ນຕອນເຊື່ອມໂຍງ ຂອງອາຊຽນ, ປັດຈຸບັນອາຊຽນ ໄດ້ກາຍເປັນໜຶ່ງໃນບັນດາຮູບແບບການຈັດຕັ້ງ ສຳເລັດຜົນທີ່ສຸດ ເພື່ອເຊື່ອມຕໍ່ບັນດາພື້ນຖານເສດຖະກິດສະມາຊິກ, ນຳມາເຊິ່ງການເຕີບໂຕໃຫຍ່ກວ່າ, ແລະຜົນປະໂຫຍດໃຫ້ແກ່ປະຊາຊົນອາຊຽນ ເພື່ອການພັດທະນາ ສະຖຽນລະພາບ ແລະ ສັນຕິພາບ ຂອງອາຊຽນ. ຕາມ ທ່ານ ເລເລືອງມິງ, ໃນຈຳນວນບັນດາຄູ່ຮ່ວມມື ອາຊຽນ, ຢີ່ປຸ່ນເປັນປະເທດຄູ່ຮ່ວມມືອັນຍາວນານ ແລະ ຍາມໃດກໍ່ສະໜັບສະໜູນອາຊຽນ ໃນການສ້າງປະຊາຄົມຢ່າງເຂັ້ມແຂງ. ທ່ານ ເລເລືອງມິງ ເລຂາທິການໃຫຍ່ອາຊຽນ ເນັ້ນໜັກວ່າ:
“ບັນດາໂຄງການທີ່ປະຕິບັດໄດ້ປະກອບສ່ວນຢ່າງໃຫຍ່ຫຼວງ ໃຫ້ແກ່ວິວັດທະນາການເຊື່ອມໂຍງຂອງອາຊຽນ, ເປັນຕົ້ນແມ່ນ ການເຊື່ອມໂຍງ ແລະ ກໍ່ສ້າງກຳລັງຄວາມສາມາດໃນຫຼາຍຂົງເຂດສຳຄັນຄື: ການຄຸ້ມຄອງໄພທຳມະຊາດ, ການຕ້ານກໍ່ການຮ້າຍ, ປັບປຸງໂຄງປະກອບ, ສາທາລະນະສຸກ, ການແລກປ່ຽນກ່ຽວກັບການສຶກສາ, ບຳລຸງສ້າງ, ການພົບປະແລກປ່ຽນຂອງຊາວໜຸ່ມ. ສາມາເວົ້າໄດ້ວ່າ: ຜ່ານ JAIF, ພວກເຮົາໄດ້ເຮັດບັນດາລະບອບ ໃນພາກພື້ນຢ່າງເຂັ້ມແຂງກ່ວາຄື ສູນປະສານງານໜູ່ນຊ່ວຍ, ກູ່ຊ່ວຍມະນຸດສະທຳຂອງອາຊຽນ ໄດ້ຮັບການສ້າງຕັ້ງ ໃນເດືອນ 11 ປີ 2011 ແລະ ກໍ່ຄືລະບົບຂໍ້ລິເລີ່ມກ່ຽວກັບວິທະຍາສາດເຕັກໂນໂລຢີຂອງອາຊຽນ”.
ແລະກໍ່ທີ່ກອງປກະຊຸມ, ທ່ານ Kazuo Sunaga ເອກອັກຄະລັດຖະທູດ, ຫົວໜ້າຄະນະຜູ້ແທນ ຢີປຸ່ນ ປະຈຳ ອາຊຽນ ໄດ້ສະໜອງບັນດາຂໍ້ມູນ ກ່ຽວກັບຂອບຂະໜາດ, ເປົ້າໝາຍ ແລະ ບັນດາການເຄື່ອນໄຫວໃໝ່ທີ່ສຸດ ຂອງກອງທຶນ JAIF ຢູ່ຫວຽດນາມ. ຕາມ ທ່ານ Kazuo Sunaga ແລ້ວ, ເລື່ອງໃຫ້ຂໍ້ມູນຂ່າວຢ່າງຄົບຊຸດ ແກ່ບັນດາຄູ່ຮ່ວມມືແມ່ນສິ່ງສຳຄັນ ເພື່ອໃຫ້ຢີປຸ່ນ ສາມາດສືບຕໍ່ສະໜັບສະໜູນ ຫວຽດນາມ ແລະ ຊຸກຍູ້ການນຳໃຊ້ກອງທຶນ JAIF ໃຫ້ມີປະສິດທິຜົນກວ່າ.