ທີ່ປຶກສາດ້ານການປ້ອງກັນຄວາມສະຫງົບອາເມລິກາ H.R McMaster (ພາບ: Getty Images)

ທີ່ປຶກສາດ້ານການປ້ອງກັນຄວາມສະຫງົບອາເມລິກາ H.R McMaster ໄດ້ຮຽກຮ້ອງໃຫ້ທຸກໆປະເທດ ຕັດທຸກການພົວພັນດ້ານການຄ້າ ແລະ ການທະຫານກັບສປປ.ເກົາຫຼີ. ທ່ານ McMaster ເນັ້ນໜັກວ່າ, ປະຊາຄົມສາກົນຄວນນຳໃຊ້ທຸກເຄື່ອງມືເພື່ອສ້າງຄວາມກົດດັ່ນຕໍ່ສປປ.ເກົາຫຼີ, ຮັບປະກັນວ່າ ພຽງຢາງ “ບໍ່ສາມາດນາບຂູ່ໂລກໄດ້ ດ້ວຍບັນດາອາວຸດທີ່ສາມາດທຳລາຍລ້າງສູງທີ່ສຸດໃນໂລກ”.

        ກ່ອນໜ້ານັ້ນ, ກ່າວຄຳເຫັນທີ່ກອງປະຊຸມກ່ຽວກັບຄວາມໝັ້ນຄົງ Munich, ທ່ານລັດຖະມົນຕີການຕ່າງປະເທດຍີ່ປຸ່ນ Taro Kono ຖືວ່າ, ຕ້ອງຮັກສາຄວາມກົດດັ່ນຕໍ່ສປປ.ເກົາຫຼີ ເພື່ອແນໃສ່ບັງຄັບໃຫ້ພຽງຢາງ ປະລະໂຄງການພັດທະນາລູກສອນໄຟ ແລະ ນິວເຄຼຍ. ທ່ານຮຽກຮ້ອງໃຫ້ປະຕິບັດບັນດາມາດຕະການລົງໂທດຂອງສະຫະປະຊາຊາດ ສຳລັບສປປ.ເກົາຫຼີ ຢ່າງເຂັ້ມງວດ.