ກອງປະຊຸມຄັ້ງທີ 8 ປະກາດໃຊ້ຫຼາຍມາດຕະການເສດຖະກິດທີ່ແທດຈິງ
ທ່ານ ເລຂາທິການໃຫຍ່ ຫງວຽນຟູ່ຈ້ອງ ກ່າວຄຳເຫັນອັດກອງປະຊຸມ
(ພາບປະກອບຈາກ Trí Dũng – TTXVN)
(vovworld) – ກອງປະຊຸມຄັ້ງທີ 8, ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 11 ໄດ້ເຫັນດີເປັນເອກະສັນຫຼາຍບັນຫາສຳຄັນ, ໃນນັ້ນໄດ້ຊີ້ແຈ້ງບັນດາກຳນົດທິດພັດທະນາເສດຖະກິດ - ສັງຄົມແບບຍືນຍົງໃນໄລຍະຕໍ່ໄປ. ສາດສະດາຈານ, ດຣ ວິທະຍາສາດ ຫງວຽນກວາງທ໋າຍ, ເລຂາທິການໃຫຍ່ສະມາຄົມເສດຖະກິດ ຫວຽດນາມ, ເນັ້ນໜັກເປັນພິເສດເລື່ອງຄະນະບໍລິຫານງານສູນກາງພັກເຫັນດີເປັນເອກະສັນບັນດາກົນໄກ, ນະໂຍບາຍ, ເພື່ອແນໃສ່ປະຕິບັດການຜັນຂະຫຍາຍຢ່າງລະອຽດ, ຄົບຊຸດບັນດາໜ້າທີ່, ມາດຕະການທີ່ມີຕໍ່ຮູບແບບການເຕີບໂຕ, ໂຄງປະກອບພື້ນຖານເສດຖະກິດຄືນໃໝ່ ແລະ ປະຕິບັດ 3 ຂອດບຸກທະລຸຍຸດທະສາດ, ຖືນີ້ແມ່ນປັດໄຈຕັດສິນຊີ້ຂາດຂອງພາລະກິດຫັນເປັນປະເທດອຸດສາຫະກຳ, ທັນສະໄໝ. ສາດສະດາຈານ, ດຣ ວິທະຍາສາດ ຫງວຽນກວາງທ໋າຍ ເນັ້ນໜັກວ່າ:
“ນີ້ແມ່ນບັນດາບັນຫາຕ້ອງໄດ້ຮັບການປະຕິບັດຢ່າງລະອຽດ ແຕ່ບໍ່ສາມາດປະຕິບັດຢ່າງວ່ອງໄວ ແລະ ໃນທັນທີໄດ້ ຕ້ອງປະຕິບັດເທື່ອລະກ້າວເພື່ອມຸ່ງໄປເຖິງຮູບແບບທີ່ມີປະສິດທິຜົນກ່ວາ, ມີກຳລັງແກ່ງແຍ້ງກ່ວາ ແລະ ອາດຈະພັດທະນາແບບຍືນຍົງຢ່າງຍາວນານ. ຍິ່ງໄປກ່ວານັ້ນ, ພວກຂ້າພະເຈົ້າຄິດວ່າບົນພື້ນຖານຂອງມະຕິສູນກາງ ນັ້ນຕ້ອງເຮັດແນວໃດໃຫ້ທຸກຄົນລ້ວນແຕ່ຊາບຊຶມ ແລະ ເປັນເອກະສັນ, ຮ່ວມແຮງຮ່ວມໃຈ ມີການເຂົ້າຮ່ວມມຂອງທົ່ວປວງຊົນ ແລະ ບັນດາພາກສ່ວນເສດຖະກິດທັງຢູ່ພາຍໃນ ແລະ ຕ່າງປະເທດ ເພື່ອເຮັດໃຫ້ 3 ຂອດບຸກທະລຸນັ້ນນັບມື້ນັບມີປະສິດທິຜົນກ່ວາ.”
ເມື່ອສະແດງຄວາມເຊື່ອໝັ້ນເຂົ້າໝາກຜົນກອງປະຊຸມສູນກາງຄັ້ງທີ 8 ທີ່ຫາກໍ່ອັດລົງ, ດຣ ເກີ໋ນວັນລຶກ, ນັກຊ່ຽວຊານເສດຖະກິດທະນາຄານ, ທີ່ປຶກສາຂັ້ນສູງປະທານສະພາບໍລິຫານທະນາຄານລົງທຶນ ແລະ ພັດທະນາ ຫວຽດນາມ (BIDV), ຖືວ່າ: ເສດຖະກິດ ຫວຽດນາມ ພວມມີສັນຍາໜ້າປະເອີບໃຈ, ລະດັບເຕີບໂຕອາດຈະກັບຄືນຄືນໃໝ່ໃນປີ 2014.