ກອງປະຊຸມຄັ້ງທີ38ຄະນະປະຈຳສະພາແຫ່ງຊາດ
ກອງປະຊຸມຄັ້ງທີ 38 ຄະນະປະຈຳສະພາແຫ່ງຊາດ
(ພາບ: TTXVN)
(vovworld) – ຕອນບ່າຍວັນທີ 12/5, ຄະນະປະຈຳສະພາແຫ່ງຊາດໃຫ້ຄຳເຫັນ ກ່ຽວກັບບົດລາຍງານກວດກາກົດໝາຍວ່າດ້ວຍການລົງປະຊາມະຕິ ແລະ ພິຈາລະນາບົດລາຍງານຂອງລັດຖະບານ ກ່ຽວກັບຂໍ້ກຳນົດຢູ່ມາດຕາ 60 ຂອງກົດໝາຍວ່າດ້ວຍປະກັນສັງຄົມປີ 2014 ກ່ຽວກັບປະກັນສັງຄົມເທື່ອດຽວ. ເມື່ອໃຫ້ຄຳເຫັນໃສ່ຮ່າງກົດໝາຍວ່າດ້ວຍການລົງປະຊາມະຕິ ໂດຍທ່ານປະທານສະມາຄົມທະນາຍຄວາມ ຫວຽດນາມ ຫງວຽນວັນກ່ວຽນ ສະເໜີ, ສະມາຊິກສ່ວນຫຼາຍໃນຄະນະປະຈຳສະພາແຫ່ງຊາດເຫັນດີຕໍ່ຄວາມຈຳເປັນປະກາດໃຊ້ກົດໝາຍ, ສະແດງໃຫ້ເຫັນສິດປະຊາທິປະໄຕໂດຍກົງຂອງປະຊາຊົນ ແລະ ຜັນຂະຫຍາຍບັນດາຂໍ້ກຳນົດຂອງລັດຖະທຳມະນູນປີ 2013. ແຕ່ວ່າ, ຜ່ານການປຶກສາຫາລື, ຫຼາຍຄຳເຫັນຖືວ່າ ຄວນກຳນົດຈະແຈ້ງ ກ່ຽວກັບບັນຫາໃດແດ່ເມື່ອຍົກອອກມາລົງປະຊາມະຕິ, ກໍຄືສິດອຳນາດຂອງສະພາແຫ່ງຊາດໃນການລົງປະຊາມະຕິ.
ແລະກໍໃນວາລະປະຊຸມຕອນບ່າຍວັນດຽວກັນ, ລັດຖະບານໄດ້ລາຍງານຕໍ່ຄະນະປະຈຳສະພາແຫ່ງຊາດ ພິຈາລະນາ, ແກ້ໄຂໃຫ້ຜູ້ອອກແຮງງານເລືອກເຟັ້ນການຊົມໃຊ້ເງິນອຸດໜູນປະກັນສັງຄົມເທື່ອດຽວ, ຫຼື ສະສົມ
ເພື່ອຮັກສາໄລຍະເວລາທີ່ໄດ້ຈ່າຍເງິນປະກັນໄພ ເພື່ອແນໃສ່ສືບຕໍ່ເຂົ້າຮ່ວມປະກັນສັງຄົມ ແລະ ຮັບເບ້ຍບຳນານ. ເມື່ອໃຫ້ຄຳເຫັນ ກ່ຽວກັບບັນຫານີ້, ບັນດາສະມາຊິກຄະນະປະຈຳສະພາແຫ່ງຊາດ ຢືນຢັນວ່າ: ນີ້ແມ່ນແຜນ
ນະໂບບາຍ, ນະໂຍບາຍກົດໝາຍທີ່ຖືກຕ້ອງ, ແຕ່ວ່າຄວນໄຈ້ແຍກເຫດຜົນ ແລະ ປະຕິບັດສຳເລັດໂດຍໄວ ເພື່ອເໝາະສົມກັບຄວາມຕ້ອງການ ແລະ ຕົວຈິງຄືປະຈຸບັນ.