(vovworld) - ໃນລະຫວ່າງວັນທີ 16 – 17/1, ຢູ່ຄຸ້ມເມືອງເກົ່າ ຫຼວງພະບາງ, ກອງປະຊຸມຄະນະກຳມະການແມ່ຂອງ (ຫຼື MRC) ໄດ້ຈັດຕັ້ງກອງປະຊຸມປະຈຳປີຄັ້ງທີ 19 ດ້ວຍການເຂົ້າຮ່ວມຂອງ 4 ປະເທດສະມາຊິກເຊິ່ງລວມມີ: ຫວຽດນາມ, ກຳປູເຈຍ, ລາວ ແລະ ໄທ. ຄະນະຜູ້ແທນຫວຽດນາມ ໂດຍທ່ານ ຫງວຽນມິນກວາງ, ລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ນຳໜ້າ. ກອງປະຊຸມໄດ້ສຸມໃສ່ປຶກສາຫາລືກ່ຽວກັບງົບປະມານການເຄື່ອນໄຫວໃນປີ 2013 ຂອງຄະນະກຳມະການ, ຄວາມຄືບໜ້າໃນການປະຕິບັດຖະແຫຼງການຫົວຫີນ, ໄທ, ປະຕິບັດຂໍ້ຕົກລົງຂອງສະພາທີ່ວາລະປະຊຸມປີ 2011 ຢູ່ Siam Reap ປະເທດ ກຳປູເຈຍ, ກ່ຽວກັບເລື່ອງຈັດຕັ້ງແຜນຮ່າງຄົ້ນຄ້ວາ ຕີລາຄາລັກສະນະໝັ້ນຄົງໃນການພັດທະນາ ແລະ ຄຸ້ມຄອງແຫຼ່ງຊັບພະຍາກອນນ້ຳທີ່ມີຕໍ່ເຂດລຸ່ມແມ່ນ້ຳຂອງ, ນັບທັງກ່ຽວກັບໄຟຟ້ານ້ຳຕົກ. ກອງປະຊຸມ ໄດ້ຮັບຮອງເອົາແຜນຮ່າງ ຄົ້ນຄ້ວາ ແລະ ຝາກໃຫ້ລັດຖະບານ ຍີ່ປຸ່ນ ສະເໜີອຸປະຖຳເງິນເພື່ອປະຕິບັດແຜນຮ່າງ ແລະ ງົບປະມານການເຄື່ອນໄຫວໃນປີ 2013, ກຳນົດທິດທາງບັນດາບັນຫາສຳຄັນຄວນໄດ້ຮັບການຜັນຂະຫຍາຍໃນໄລຍະຈະມາເຖິງ. ຄຽງຄູ່ກັນນັ້ນ, ກອງປະຊຸມ ຍັງເຫັນດີເປັນເອກະພາບ ບັນດາຈຸດສຳຄັນຄື: ຮຽກຮ້ອງໃຫ້ຄະນະເລຂາ ຍູ້ໄວຄວາມຄືບໜ້າໃນການປະຕິບັດແຜນຮ່າງ, ສົ່ງເອກະສານໃຫ້ບັນດານັກອຸປະຖຳທີ່ມີຄວາມສາມາດບົ່ມຊ້ອນ ເພື່ອຮຽກຮ້ອງໜູນຊ່ວຍດ້ານການເງິນໃຫ້ແກ່ແຜນຮ່າງ, ສະເໜີໃຫ້ຄະນະເລຂາ ແມ່ນ້ຳຂອງ ປະຕິບັດການກວດກາລະບົບລະບຽບການ, ກົດລະບຽບ ບັນດາອົງການຈັດຕັ້ງໃນສະພາເພື່ອແນໃສ່ຊຸກຍູ້ການຮ່ວມມືພັດທະນາແຫຼ່ງຊັບພະຍາກອນຂອງແມ່ນ້ຳຂອງ ແບບຍືນຍົງ ແລະ ມີປະສິດທິຜົນ.