( vovworld ) - ໜັງສືພິມຈີນ ໄດ້ໃຫ້ຂ່າວທີ່ກ່ຽວຂ້ອງເຖິງການເຄື່ອນໄຫວຂອງກະຊວງ, ຂະແໜງການຈຳນວນໜື່ງຂອງຈີນ ຢູ່ເຂດທະເລຕາເວັນອອກ ແຕ່ຕົ້ນປີມາຮອດປະຈຸບັນຄື; ທ່ານລັດຖະມົນຕີກະຊວງຄົມມະນາຄົມຈີນ ໄປກວດກາກຳປັ່ນລາດຕາເວນທະເລຢູ່ໝູ່ເກາະ ເຈື່ອງຊາ, ຫົວໜ້າກົມກິລາຈີນ ມາຢ້ຽມຢາມເກາະຟູ໋ລົມ ຂື້ນກັບໝູ່ເກາະເຈື່ອງຊາ ເພື່ອສຳຫຼວດສະພາບການເຄື່ອນໄຫວກິລາກາຍະກຳ. ວັນທີ 23/2/2012, ຕອບສຳພາດຂອງນັກຂ່າວກ່ຽວກັບປະຕິກິລິຍາຂອງຫວຽດນາມ ຕໍ່ເລື່ອງທີ່ຍົກອອກມານັ້ນ, ໂຄສົກກະຊວງການຕ່າງປະເທດຫວຽດນາມ ເລືອງແທງຫງິ້ ຢືນຢັນວ່າ.
“ ຫວຽດນາມ ມີອະທິປະໄຕຕໍ່ໝູ່ເກາະ ຮວ່າງຊາ ແລະ ເຈື່ອງຊາ. ການເຄື່ອນໄຫວທັງໝົດຢູ່ໝູ່ເກາະສອງແຫ່ງນີ້ເຊິ່ງບໍ່ໄດ້ຮັບການເຫັນດີຂອງຫວຽດນາມ ແມ່ນການລະເມີດອະທິປະໄຕຂອງຫວຽດນາມ ຢ່າງຮ້າຍແຮງ, ເຮັດໃຫ້ສະພາບການຢູ່ທະເລຕາເວັນອອກມີຄວາມສັບສົມ ແລະ ເຄັ່ງຕຶງຂື້ນຕື່ມ, ມັນຝືນກັບຂໍ້ຕົກລົງບັນດາຫຼັກການແກ້ໄຂບັນຫາບົນທະເລເຊິ່ງໄດ້ຮັບການລົງນາມລະຫວ່າງສອງປະເທດ ແລະ ບໍ່ແທດເໝາະກັບຖະແຫຼງການກ່ຽວກັບການປະພຶດຕໍ່ຂອງຝ່າຍຕ່າງໆບົນທະເລຕາເວັນອອກ ( DOC ), ກໍຄືບັນດາຄຳໝັ້ນສັນຍາຮັກສາສະຖຽນລະພາບ, ສັນຕິພາບຢູ່ທະເລ”
ຫວຽດນາມ ຮຽກຮ້ອງໃຫ້ຝ່າຍຈີນ ຕ້ອງຢຸດບັນດາການກະທຳດັ່ງກ່າວ, ລົງລ້າງບັນດາໂຄງການທີ່ລະເມີດອະທິປະໄຕຂອງຫວຽດນາມ ແລະ ພ້ອມກັບບັນດາຝ່າຍທີ່ກ່ຽວຂ້ອງຮ່ວມມືກັນຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກ, ປະຕິບັດ DOC ຢ່າງເຂັ້ມງວດ.