(vovworld) – ກອງປະຊຸມລັດຖະມົນຕີຂອງ 12 ປະເທດເຂົ້າຮ່ວມການເຈລະຈາສັນຍາຄູ່ຮ່ວມມືຂ້າມປາຊີຟິກ (TPP) ທີ່ໄດ້ຮັບການຈັດຕັ້ງຢູ່ ສິງກາໂປໃນວັນທີ 19 ແລະ 20/5 ບັນລຸໄດ້ບັນດາບາດກ້າວໃນການແກ້ໄຂບາງບັນຫາຫຍຸ້ງຍາກກ່ຽວຂ້ອງເຖິງພາສາອາກອນ ແລະ ການສຳພັດກັບຕະຫຼາດ, ແຕ່ບໍ່ທັນບັນລຸໄດ້ຂໍ້ຕົກລົງສຸດທ້າຍ. ທີ່ການປະຊຸມຂ່າວພາຍຫຼັງສິ້ນສຸດກອງປະຊຸມ, ທ່ານ Mustapa Mohamed, ລັດຖະມົນຕີກະຊວງການຄ້າ ມາເລເຊຍ ຖະແຫຼງວ່າ: ກອງປະຊຸມຄັ້ງນີ້ “ບັນລຸໄດ້ບາດກ້າວ, ແຕ່ບໍ່ທັນສົມເຫດສົມຜົນ”, ພ້ອມທັງໃຫ້ຮູ້ວ່າ: ບັນດາຝ່າຍຍັງຄົງສືບຕໍ່ປຶກສາຫາລືບັນດາບັນຫາກ່ຽວຂ້ອງເຖິງການສຳພັດຕະຫຼາດ. ທ່ານ Tim Groser, ລັດຖະມົນຕີການຕ່າງປະເທດ ນິວຢີແລນ ຕາງໜ້າໃຫ້ 12 ຄະນະເຂົ້າຮ່ວມການເຈລະຈາ TPP (ເຊິ່ງລວມມິ: ອົດສະຕາລີ, ບຣູໄນ, ການາດາ, ຈີເລ, ຍີ່ປຸ່ນ, ມາເລເຊຍ, ເມກຊີໂກ, ນິວຢີແລນ, ເປຣູ, ສິງກາໂປ, ອາເມລິກາ ແລະ ຫວຽດນາມ) ໃຫ້ຮູ້ວ່າ: ບັນດາຄະນະໄດ້ປຶກສາຫາລືເພື່ອຮັດແຄບຄວາມບໍ່ລົງລອຍກັນກ່ຽວກັບບາງຂົງເຂດທີ່ຍັງຄົງຂ້າງ. ທ່ານ Groser ໃຫ້ຮູ້ວ່າ: ກອງປະຊຸມລັດຖະມົນຕີຄັ້ງນີ້ຢັ້ງຢືນຄືນໃໝ່ຄວາມຈຳເປັນຕ້ອງສິ້ນສຸດບັນດາການເຈລະຈາ ແລະ ຕົກລົງວ່າ ໃນ 2 – 3 ອາທິດຈະມາເຖິງຕ້ອງສຸມໃສ່ແກ້ໄຂບັນດາບັນຫາ 2 ຝ່າຍທີ່ກ່ຽວຂ້ອງເຖິງການສຳພັດຕະຫຼາດ ແລະ ຫຼັກການ.
ໃນແຈ້ງການຮ່ວມຂອງກອງປະຊຸມລັດຖະມົນຕີ TPP ຊີ້ແຈ້ງວ່າ: “ບັນດາການເຈລະຈາໃນໄລຍະສຳຄັນທີ່ສຸດນີ້ຈະສືບຕໍ່ສະແດງຄຳໝັ້ນສັນຍາຢ່າງຍາວນານຂອງຕົນ ເພື່ອເຊັນຂໍ້ຕົກລົງທີ່ເຕັມໄປດ້ວຍຄວາມມັກໃຫຍ່ໄຜ່ສູງ, ຮອບດ້ານ ແລະ ມີມາດຖານສູງ”.