(vovworld) - ກອງປະຊຸມສຸດຍອດກ່ຽວກັບແຫຼ່ງນ້ຳ ພາກພື້ນອາຊີ - ປາຊີຝີກ ຄັ້ງທີ 2 (APWS - 2) ຖືກໄຂຂຶ້ນໃນວັນທີ 19/05, ຢູ່ນະຄອນ ຊຽງໃໝ່ ປະເທດໄທ. ຄະນະຜູ້ແທນຫວຽດນາມ ໂດຍທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ນຳໜ້າໄດ້ເຂົ້າຮ່ວມ. ດ້ວຍຫົວຂໍ້ທີ່ວ່າ “ຮັບປະກັນຄວາມປອດໄພແຫຼ່ງນ້ຳ ແລະ ສິ່ງທ້າທາຍຂອງໄພທຳມະຊາດກ່ຽວຂ້ອງເຖິງແຫຼ່ງນ້ຳ: ການນຳພາ ແລະ ຄຳໝັ້ນສັນຍາ”, ໃນ 2 ວັນດຳເນີນກອງປະຊຸມ, ບັນດາຜູ້ແທນປຶກສາຫາລື 7 ຫົວຂໍ້ຕົ້ນຕໍ່ເຊິ່ງລວມມີຄວາມປອດໄພດ້ານເສດຖະກິດ, ສະບຽງອາຫານ ແລະ ແຫຼ່ງນ້ຳ, ຄວາມໝັ້ນຄົງແຫຼ່ງນ້ຳເຂດຕົວເມືອງ; ຄວາມໝັ້ນຄົງສະພາບແວດລ້ອມແຫຼ່ງນ້ຳ... ກ່າວຄຳເຫັນທີ່ກອງປະຊຸມ, ຮອງນາຍົກລັດຖະມົນຕີ ທັງເປັນຫົວໜ້າຄະນະຊີ້ນຳແກ້ໄຂແຫຼ່ງນ້ຳ ແລະ ນ້ຳຖ້ວມຂອງໄທ ທ່ານ ລອບປະສົບ ສຸຣັດວາດີ ໃຫ້ຮູ້ວ່າ, ເປົ້າໝາຍຂອງກອງປະຊຸມຄັ້ງນີ້ແມ່ນເພື່ອແນໃສ່ຢັ້ງຢືນຄວາມຈຳເປັນຕ້ອງສະກັດກັ້ນໄພນ້ຳຖ້ວມ ແລະ ຄຸ້ມຄອງແຫຼ່ງນ້ຳ ຕໍ່ໜ້າຜົນສະທ້ອນຈາກສະພາບການປ່ຽນແປງຂອງດິນຟ້າອາກາດ. ຕາມທ່ານ ລອບປະສົບ ສຸຣັດວາດີ ແລ້ວ, ໂລກຕ້ອງມານະພະຍາຍາມສົມທົບກັນສ້າງບັນດາແຜນການຢ່າງລະອຽດ ເພື່ອແກ້ໄຂບັນດາບັນຫາທີ່ກ່ຽວຂ້ອງເຖິງນ້ຳໃນອະນາຄົດຢ່າງມີປະສິດທິຜົນ.