(vovworld) - ຕອນເຊົ້າວັນທີ 9/8, ຢູ່ຮ່າໂນ້ຍ, ພະແນກວິທະຍາສາດ ແລະເຕັກໂນໂລຊີ, ກະຊວງອຸດສາຫະກຳ ໄດ້ຈັດກອງປະຊຸມສຳມະນາ “ດຳເນີນໂຄງການຍົກສູງສະມັດຕະພາບ, ຄຸນນະພາບຜະລິດຕະພັນ ແລະ ສິນຄ້າອຸດສາຫະກຳ”. ຈຸດໝາຍຂອງໂຄງການແມ່ນເພື່ອແນໃສ່ຍົກສູງສະມັດຕະພາບ ແລະ ຄຸນນະພາບຜະລິດຕະພັນ, ສິນຄ້າອຸດສາຫະກຳຕົ້ນຕໍ ບົນພື້ນຖານນຳໃຊ້ບັນດາມາດຕະການຄຸ້ມຄອງ, ວິທະຍາສາດ, ປ່ຽນໃໝ່ເຕັກໂນໂລຊີ, ແນໃສ່ສ້າງການຫັນປ່ຽນໂດຍພື້ນຖານ ຈາກສະມັດຕະພາບ, ຄຸນນະພາບຕໍ່າ, ມູນຄ່າເພີ່ມຕໍ່າ, ເຕັກໂນໂລຊີຕໍ່າ ເປັນສະມັດຕະພາບ, ຄຸນນະພາບ ແລະ ມູນຄ່າເພີ່ມສູງ, ເພີ່ມອັດຕາສ່ວນຜະລິດຕະພັນພາຍໃນ. ໄລຍະ 2010 – 2015, ຫວຽດນາມ ສູ້ຊົນກໍ່ສ້າງ 4.000 ມາດຕະຖານແຫ່ງຊາດໃໝ່, ໄລຍະ 2016 – 2020 ຈະກໍ່ສ້າງ 2.000 ມາດຕະຖານແຫ່ງຊາດໃໝ່.. ເພື່ອຮັບປະກັນມາດຕະຖານຫວຽດນາມຢ່າງສົມບຸນ ໃຫ້ແກ່ບັນດາພະລິດຕະພັນ, ສິນຄ້າຕົ້ນຕໍຂອງພື້ນຖານເສດຖະກິດ. ພ້ອມກັນນັ້ນ, ຈະກໍ່ສ້າງ ແລະ ປະຕິບັດບັນດາໂຄງການຍົກສູງສະມັດຕະພາບ, ຄຸນນະພາບຜະລິດຕະພັນ, ສິນຄ້າອຸດສາຫະກຳຕົ້ນຕໍຄື: ໂຄງການຍົກສູງສະມັດຕະພາບ ແລະ ຄຸນນະພາບເຄື່ອງຕໍ່າແຜ່ນຕັດຫຍິບ, ເກີບໜັງ, ຢາງ, ປາລາສະຕິກ, ເຫຼັກກ້າ, ເຄມີ… ທ່ານ Truong Duy Nghia, ປະທານສະມາຄົມວິທະຍາສາດເຕັກນິກຄວາມຮ້ອນຫວຽດນາມ ໃຫ້ຮູ້ວ່າ.
“ນັບແຕ່ນີ້ຮອດປີ 2020, ຫວຽດນາມ ຈະກາຍເປັນປະເທດອຸດສາຫະກຳໂດຍພື້ນຖານ, ດັ່ງນັ້ນ ການຜະລິດສິນຄ້າຕ້ອງຕາມທິດອຸດສາຫະກຳ, ຖ້າຫາກບໍ່ມີມາດຖານຢ່າງຄົບຖ້ວນແມ່ນບໍ່ສາມາດຄຸ້ມຄອງໄດ້. ເພາະສະນັ້ນ, ເລື່ອງຄະນະຊີ້ນຳໂຄງການຍົກອອກຈຸດໝາຍສ້າງບັນດາມາດຕະຖານຢ່າງວ່ອງໄວນັ້ນແມ່ນເໝາະສົມທີ່ສຸດ”.