ກອງປະຊຸມສຳມະນາກ່ຽວກັບ ທະເລຕາເວັນອອກຢູ່ ກຳປູເຈຍ
(ພາບ: vietnamplus.vn)
(vovworld)- ໃນວັນທີ 19-20/9, ຢູ່ພະນົມເປັນ-ປະເທດກຳປູເຈຍ, ໄດ້ຈັດໃຫ້ມີ ກອງປະຊຸມສຳມະນາພາກພື້ນກ່ຽວກັບອາຊຽນ ແລະ ທະເລຕາເວັນອອກ: ຜົນງານ, ສິ່ງທ້າທາຍ ແລະ ການກຳນົດທິດໃນອະນາຄົດ. ບັນດານັກຮຽນຮູ້ ແລະ ຜູ້ຊ່ຽວຊານຂອງອາຊຽນ, ຈີນ ແລະ ປະເທດຕ່າງໆໃນພາກພື້ນເຂົ້າຮ່ວມກອງປະຊຸມສຳມະນາລ້ວນແຕ່ເນັ້ນໜັກເຖິງຄວາມສຳຄັນຂອງການຮັກສາສັນຕິພາບ ແລະ ສະຖຽນລະພາບຍາວນານຢູ່ທະເລຕາເວັນອອກ ຜ່ານການຊຸກຍູ້ການເຈລະຈາມຸ້ງໄປເຖິງຂໍ້ກຳນົດການປະພຶດລະຫວ່າງອາຊຽນ ແລະ ຈີນ. ບັນດານັກຮຽນຮູ້ໄດ້ຮັບຮູ້ຢ່າງກົງໄປກົງມາວ່າ, ການພິພາດກັນຢູ່ທະເລຕາເວັນອອກພວມວາງອອກບັນດາສິ່ງທ້າທາຍຕໍ່ການພົວພັນຄູ່ຮ່ວມມືຍຸດທະສາດອາຊຽນ-ຈີນ, ຊ້ອນແຝງບັນດາປັດໄຈກໍ່ຄວາມຂາດສະຖຽນລະພາບ ແລະ ນາບຂູ່ສັນຕິພາບໃນພາກພື້ນ. ດຣ ຫງຽນຮຸ່ງເຊີນ, ຮອງຫົວໜ້າສະຖາບັນທະເລຕາເວັນອອກ ສັງກັດກະຖາບັນການຕ່າງປະເທດຖືວ່າ: “ສິ່ງທີ່ມີຄວາມໝາຍ ແລະ ແທດຈິງທີ່ສຸດທີ່ພວກເຮົາສາມາດປະຕິບັດເພື່ອສະເຫຼີມສະຫຼອງ 10 ປີແຫ່ງການສ້າງຄູ່ຮ່ວມມືຍຸດທະສາດອາຊຽນ-ຈີນ ແມ່ນການບັນລຸໄດ້ຂໍ້ຕົກລົງກ່ຽວກັບທະເລຕາເວັນອອກ, ເຖິງວ່າຢູ່ລະດັບຄືແນວໃດກໍ່ຕາມ. ຂໍ້ຕົກລົງດັ່ງກ່າວແມ່ນເລື່ອງອາຊຽນ ແລະ ຈີນ ໄດ້ເຫັນດີເປັນເອກະສັນດຳເນີນການເຈລະຂາທາງການກ່ຽວກັບຂໍ້ກຳນົດການປະພຶດຢູ່ກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 46 ຢູ່ບຣູໄນ ຫວ່າງແລ້ວນີ້“