ກອງປະຊຸມສຳມະນາທິດສະດີລະຫວ່າງ ພັກກອມມູນິດຫວຽດນາມ ແລະ ພັກກອມມູນິດຝະລັ່ງ
Thuy Van ນັກຂ່າວ VOV ປະຈຳຝະລັ່ງ -
(ພາບ:xaluan.com)
(VOV)- ຄະນະຜູ້ແທນພັກກອມມູນິດຫວຽດນາມ ໂດຍທ່ານ Ta Ngoc Tan ກຳມະການສູນກາງພັກ, ຜູ້ອຳນວຍການສະຖາບັນການເມືອງ-ການປົກຄອງແຫ່ງຊາດໂຮ່ຈິມິນ, ຮອງປະທານສະພາທິດສະດີສູນກາງ ເປັນຫົວໜ້າຄະນະໄດ້ເຂົ້າຮ່ວມກອງປະຊຸມສຳມະນາທິດສະດີຄັ້ງປະຖົມມະເລີກລະຫວ່າງພັກກອມມູນິດຫວຽດນາມ ແລະ ພັກກອມມູນິດຝະລັ່ງ ດ້ວຍຫົວຂໍ້: “ວິກິດການການເງິນ-ເສດຖະກິດທົ່ວໂລກປະຈຸບັນ ແລະ ບັນດາບັນຫາສຳລັບປະເທດຕ່າງໆ“ ຊື່ງດຳເນີນຢູ່ປາຣີ ປະເທດຝະລັ່ງ. ທ່ານ Ta Ngoc Tan ໄດ້ຕີລາຄາສູງຄວາມສຳຄັນຂອງການເຂົ້າຮ່ວມກອງປະຊຸມສຳມະນາທິດສະດີຄັ້ງປະຖົມມະເລີກລະຫວ່າງພັກກອມມູນິດຫວຽດນາມ ແລະ ພັກກອມມູນິດຝະລັ່ງ. ທ່ານກ່າວວ່າ:
“ອາດເວົ້າໄດ້ວ່າ: ໃນເງື່ອນໄຂໂລກາພິວັດປະຈຸບັນ, ການກຳແໜ້ນບັນຫາບັນດາທົ່ວໂລກ, ໃນພາກພື້ນແມ່ນໜຶ່ງໃນບັນດາຄວາມຮຽກຮ້ອງຕ້ອງການ, ໜຶ່ງໃນບັນດາພື້ນຖານເພື່ອໃຫ້ແຕ່ລະພັກ, ແຕ່ລະປະເທດສາມາດວາງແຜນກຳນົດນະໂຍບາຍ, ແນວທາງພັດທະນາປະເທດຊາດຂອງຕົນເອງ. ບັນຫາທີ່ພວກເຮົາພວມປຶກສາຫາລືແມ່ນວິກິດການເສດຖະກິດທົ່ວໂລກໄດ້ກໍ່ຜົນສະທ້ອນເຖິງປະເທດຝະລັ່ງ ແລະ ຫວຽດນາມ. ອາດເວົ້າໄດ້ວ່າ, ນີ້ແມ່ນແຫຼ່ງເອກະສານ, ແຫຼ່ງສະຕິຄວາມຮັບຮູ້ໃໝ່ຕື່ມອີກເພື່ອໃຫ້ພວກເຮົາມີຄວາມຮັບຮູ້ບັນຫານີ້ ແລະ ບົນພື້ນຖານນັ້ນຈະຊ່ວຍພັກຂອງພວກເຮົາກຳນົດບັນດານະໂຍບາຍໃນການສ້າງສາ ແລະ ພັດທະນາປະເທດຊາດ“
Thuy Van ນັກຂ່າວ VOV ປະຈຳຝະລັ່ງ