ກອງປະຊຸມສຳມະນາ"ສະມາຊິກສະພາແຫ່ງຊາດກັບນະໂຍບາຍ,
ກົດໝາຍກ່ຽວກັບປະຊາກອນແລະພັດທະນາ"
|
(vovworld) – ກອງປະຊຸມສຳມະນາໂດຍກຳມາທິການບັນດາບັນຫາສາກົນຂອງ ສະພາແຫ່ງຊາດ, ກອງທຶນປະຊາກອນ ສປຊ (UNFPA) ຈັດຕັ້ງໃນຕອນບ່າຍວັນທີ 4/6, ຮ່າໂນ້ຍ.
ກ່າວຄຳເຫັນໄຂກອງປະຊຸມສຳມະນາ, ຫົວໜ້າກຳມາທິການບັນດາບັນຫາສັງຄົມຂອງ ສະພາແຫ່ງຊາດ, ທ່ານນາງ ເຈືອງທິມາຍ, ຊີ້ແຈ້ງວ່າ: ກອງປະຊຸມສຳມະນາເພື່ອແນໃສ່ແລກປ່ຽນ, ແບ່ງປັນບົດຮຽນຢູ່ພາຍໃນ ແລະ ຕ່າງປະເທດກ່ຽວກັບບັນດາບັນຫາປະຊາກອນຫາກໍ່ພົ້ນເດັ່ນ ແລະ ຄວາມຕ້ອງການປັບປຸງນະໂຍບາຍ, ກົດໝາຍກ່ຽວກັປະຊາກອນພັດທະນາໃນສະພາບການໃໝ່, ສົມທົບໂຄງການຈຸດໝາຍແຫ່ງຊາດກ່ຽວກັບປະຊາກອນ - ແຜນຜັງຄອບຄົວກັບບັນດາໂຄງການຈຸດໝາຍແຫ່ງຊາດພັດທະນາເສດຖະກິດ - ສັງຄົມ.
ບັນດາຜູ້ແທນແລກປ່ຽນ, ປຶກສາຫາລືບັນດາໝາກຜົນແຫ່ງການຄົ້ນຄ້ວາມໍ່ໆມານີ້ກ່ຽວກັບບັນດາບັນຫາປະຊາກອນທີ່ຫາກໍ່ເກີດຂຶ້ນ, ເຊິ່ງລວມມີລະດັບການເກີດ ແລະ ປະຊາກອນອາຍຸສູງ. ຜ່ານນັ້ນຊ່ວຍໃຫ້ບັນດາສະມາຊິກສະພາແຫ່ງຊາດ ອັບເດັດຂໍ້ມູນຂ່າວເພື່ອສ້າງ ແລະ ຕິດຕາມກວດກາບັນດານະໂຍບາຍປະຊາກອນໃນຊຸມປີຈະມາເຖິງ, ກຳນົດບັນດານະໂຍບາຍຈຳເປັນເພື່ອຕອບສະໜອງ ແລະ ຮັບມືກັບບັນດາການປ່ຽນແປງໂດຍບັນດາການຜັນແປໂດຍປະຊາກອນກໍ່ຂຶ້ນ.