ຕອນເຊົ້າວັນທີ 9/1 ຢູ່ ຮ່າໂນ້ຍ, ຄະນະປະຈຳສະພາແຫ່ງຊາດ ໄດ້ຈັດຕັ້ງກອງປະຊຸມໂດຍກົງຜ່ານເຄືອຂ່າຍອິນເຕີນແນດ ສະມາຊິກສະພາແຫ່ງຊາດ (ສສຊ) ສະເພາະກິດ ເພື່ອກະກຽມໃຫ້ແກ່ກອງປະຊຸມສະໄໝສາມັນ ເທື່ອທີ 3 ສະພາແຫ່ງຊາດ ຫວຽດນາມ ຊຸດທີ 13. 63 ຄະນະ ສສຊ ໃນທົ່ວປະເທດໄດ້ເຂົ້າຮ່ວມ. ບັນດາ ສສຊ ໄດ້ປຶກສາຫາລືກ່ຽວກັບບັນຫາຈຳນວນຫນຶ່ງທີ່ຍັງມີຄຳເຫັນແຕກຕ່າງກັນຂອງຮ່າງກົດໝາຍກຳມະບານສະບັບປັບປຸງ. ເຫັນດີກັບຄວາມຈຳເປັນຕ້ອງດັດແກ້ກົດໝາຍກຳມະບານ ປີ 1990. ທ່ານ ຫງວຽນງອກເຟືອງ, ຮອງຫົວຫນ້າຄະນະ ສສຊ ແຂວງ ກວ໋າງບີ່ງ ໄດ້ສະເຫນີໃຫ້ແຜນຮ່າງກົດໝາຍ ຄວນເປີດກວ້າງຂອບເຂດດັດແກ້ທີ່ມີຕໍ່ຄົນງານ ຊຶ່ງແມ່ນຊາວຕ່າງປະເທດຢູ່ ຫວຽດນາມ.
“ໃນການພົວພັນ ລະຫວ່າງຄົນງານແມ່ນຊາວຫວຽດນາມ ແລະ ຄົນງານແມ່ນຊາວຕ່າງປະເທດ ໃນວິວັດທະນາການນຳໃຊ້ ໄດ້ເລີ່ມເກີດການຂັດແຍ່ງກັນ ຈຳເປັນຕ້ອງມີການດັດແກ້, ແຊກແຊງຂອງອົງການກຳມະບານ. ສິດ ແລະ ພັນທະຂອງຄົນງານແມ່ນສະເຫມີກັນ ສະນັ້ນ ກຳມະກອນແມ່ນຊາວຕ່າງປະເທດເມື່ອເຮັດວຽກຢູ່ຫວຽດນາມ ຕ້ອງໄດ້ຮັບການປົກປ້ອງຈາກອົງການກຳມະບານເມື່ອມີຄວາມຈຳເປັນ“
ບັນດາ ສສຊ ໄດ້ຢືນຢັນວ່າ ເພື່ອໃຫ້ກຳມະບານປະຕິບັດຫນ້າທີ່ນີ້ເປັນຢ່າງດີ ຄວນຄົ້ນຄ້ວາແກ້ໄຂການພົວພັນລະຫວ່າງຜູ້ນຳໃຊ້ຄົນງານ, ຄົນງານ ແລະ ກຳມະບານຢ່າງຄົບຊຸດ. ນີ້ກໍແມ່ນເງື່ອນໄຂຮັບປະກັນໃຫ້ກຳມະບານປະຕິບັດໄດ້ພາລະບົດບາດແມ່ນຕາງຫນ້າ, ເບິ່ງແຍງດູແລ, ປົກປ້ອງສິດຜົນປະໂຫຍດອັນຊອບທຳ, ຖືກຕ້ອງກັບກົດໝາຍຂອງຄົນງານ.