ກອງປະຊຸມໃຫຍ່ສ້າງຕັ້ງສະມາຄົມມິດຕະພາບຫວຽດນາມ-ສີລັງກາ
ນາງ ຫງວຽນທິຮ່ວາງເວີນຮອງປະທານສະຫະພັນບັນດາ ອົງການມິດຕະພາບຫວຽດນາມ ມອບຂໍຕົກລົງສ້າງຕັ້ງສະມາຄົມມິດຕະພາບຫວຽດນາມ-ສີລັງກາ ໃຫ້ທ່ານຝ້າມວັນລິງ ຮອງຫົວໜ້າຄະນະໂຄ ສະນາສຶກສາສູນກາງພັກ
|
(vovworld)- ວັນທີ 26/9, ກອງປະຊຸມໃຫຍ່ສ້າງຕັ້ງສະມາຄົມມິດຕະພາບຫວຽດນາມ-ສີລັງກາອາຍຸການ 2014-2019 ໄດ້ຖືກໄຂຂຶ້ນຢູ່ຮ່າໂນ້ຍ. ກອງປະຊຸມໃຫຍ່ໄດ້ເລືອກຕັ້ງຄະນະບໍລິຫານງານ ຊຶ່ງປະກອບ ດ້ວຍສະມາຊິກ 23 ທ່ານ ຝ້າມວັນລິງ ຮອງຫົວໜ້າຄະນະໂຄສະນາສຶກສາສູນກາງພັກ ໄດ້ຮັບ ເລືອກຕັ້ງເປັນປະທານສະມາຄົມມິດຕະພາບຫວຽດນາມ-ສີລັງກາອາຍຸການ 2014-2019. ກ່າວຄຳເຫັນຊົມເຊີຍກອງປະຊຸມໃຫຍ່, ຮອງປະທານສະຫະພັນບັນດາອົງການມິດຕະພາບຫວຽດນາມ ນາງ ຫງວຽນທິຮ່ວາງເວີນ ຖືວ່າ ການສ້າງຕັ້ງສະມາຄົມມິດຕະພາບຫວຽດນາມ-ສີລັງກາແມ່ນບາດກ້າວຂະຫຍາຍຕົວໃໝ່ໃນການພົວພັນຮ່ວມມື ແລະ ແລກປ່ຽນລະຫວ່າງປະຊາຊົນ 2 ປະເທດ. ສະມາຄົມມິດຕະພາບຫວຽດນາມ-ສີລັງກາຈະເປັນຂົວເຊື່ອມຕໍ່ຊຸກຍູ້ບັນດາການເຄື່ອນໄຫວຮ່ວມມືໃນທຸກຂົງເຂດການເມືອງ, ເສດຖະກິດ, ວັດທະນະທຳ, ການຄ້າ..... ພ້ອມທັງປະກອບສ່ວນປະຕິບັດແຜນນະໂຍບາຍ, ນະໂຍບາຍການຕ່າງປະເທດປະຊາຊົນຂອງພັກ ແລະ ລັດຫວຽດນາມ .