(vovworld) – ໃນບັນດາການເຄື່ອນໄຫວຕອບສະໜອງການຊ່ວງເຮືອໃບອ້ອມໂລກ Clipper 2015 – 2016, ຕອນຄ່ຳວັນທີ 05/02, ຢູ່ແມ່ນ້ຳ ຮ່ານ, ນະຄອນດ່ານັ້ງ, ໄດ້ຈັດພິທີເດີນເຮືອໃບ 12 ລຳ, ນີ້ແມ່ນໂອກາດເພື່ອໃຫ້ປະຊາຊົນ ແລະ ນັກທ່ອງທ່ຽວເຫັນປະຈັກຕາການເດີນເຮືອພິເສດຂອງກອງເຮືອໃບທີ່ເຂົ້າຮ່ວມການຊ່ວງເຮືອ. ເພື່ອນ ຫງວຽນຟຸ໋ກວິ້ງ, ຢູ່ນະຄອນດ່ານັ້ງ ໃຫ້ຮູ້ວ່າ.
“ນີ້ແມ່ນຄັ້ງທຳອິດທີ່ດ່ານັ້ງ ໄດ້ຕ້ອນຮັບກອງເຮືອໃບຄືແນວນີ້, ແມ່ນສິ່ງໃໝ່ ແລະ ແປກປະຫຼາດສຳລັບນະຄອນ ແລະ ແມ່ນໂອກາດເພື່ອດຶງດູດປະຊາຊົນ, ນັກທ່ອງທ່ຽວມາຢ້ຽມຊົມ. ຂ້າພະເຈົ້າຫວັງວ່າ, ດ່ານັ້ງ ຈະມີການເຄື່ອນໄຫວໃໝ່ອ່ຽມຄືແນວນີ້ຫຼາຍກວ່າອີກ.”
ການຊ່ວງເຮືອໃບລວມມີ 12 ທິມ ທີ່ມາຈາກ 44 ປະເທດ. ພິເສດ, ປີນີ້, ການແຂ່ງຂັນໄດ້ມີການເຂົ້າຮ່ວມຂອງເຮືອໃບທີ່ມີຊື່ວ່າ ດ່ານັ້ງ - ຫວຽດນາມ.