ການນຳຫຼາຍປະເທດໄປຈີນເນື່ອງໃນໂອກາດສະເຫຼີມສະຫຼອງ70ປີແຫ່ງວັນສິ້ນສຸດສົງຄາມໂລກຄັ້ງທີ2
ການນຳຫຼາຍປະເທດໄປຈີນເນື່ອງໃນໂອກາດ
ສະເຫຼີມສະຫຼອງ 70 ປີແຫ່ງວັນສິ້ນສຸດສົງຄາມໂລກຄັ້ງທີ 2
(ພາບ: AFP/TTXVN)
(vovworld) – ວັນທີ 31/08, ທ່ານປະທານປະເທດຈີນ ສີຈີນຜິງ ໄດ້ມີບັນດາການພົບປະເຈລະຈາສະເພາະກັບການນຳຫຼາຍປະເທດ ເນື່ອງໃນໂອກາດການນຳບັນດາປະເທດນີ້ມາ ປັກກິງ ເພື່ອເຂົ້າຮ່ວມພິທີສະເຫຼີມສະຫຼອງ70ປີແຫ່ງວັນສິ້ນສຸດສົງຄາມໂລກຄັ້ງທີ 2.
ທີ່ການເຈລະຈາກັບທ່ານປະທານປະເທດລາວ ຈູມມາລີ ໄຊຍະສອນ, ທ່ານປະທານປະເທດ ສີຈີນຜິງ ຢືນຢັນວ່າ, ການພົວພັນລະຫວ່າງ 2 ປະເທດ ແລະ 2 ລັດ ຫາກໍກ້າວເຂົ້າສູ່ໄລຍະດີທີ່ສຸດໃນປະຫວັດສາດ. ທ່ານປະທານປະເທດ ສີຈີນຜິງ ຢືນຢັນວ່າ, ຈີນ ພ້ອມແລ້ວທີ່ຈະຮ່ວມມືກັບລາວ ເພື່ອແນໃສ່ຊຸກຍູ້ການພົວພັນຄູ່ຮ່ວມມືຮອບດ້ານ. ສ່ວນທ່ານປະທານປະເທດລາວ ຈູມມາລີ ໄຊຍະສອນ ໃຫ້ຮູ້ວ່າ ນະຄອນຫຼວງວຽງຈັນ ປາດຖະໜາຢາກຮັກສາບັນດາການພົບປະຄັ້ນສູງກັບປັກກິງ ເປັນປະຈຳ ແລະ ເພີ່ມທະວີການຮ່ວມມືໃນບັນດາບັນຫາພາກພື້ນ ແລະ ສາກົນ.
ທີ່ການເຈລະຈາກັບພະບາດສົມເດັດພະມະຫາກະສັດກຳປູເຈຍ Norodom Sihamoni, ທ່ານປະທານປະເທດ ສີຈີນຜິງ ຢືນຢັນວ່າ ປັກກິງພ້ອມແລ້ວທີ່ຈະຮັກສາບັນດາການພົບປະຂັ້ນສູງດ້ວຍຫຼາຍຮູບແບບແຕກຕ່າງກັນ, ກໍຄືຊຸກຍູ້ການພົວພັນຮ່ວມມືໃນບັນດາຂົງເຂດຕົນຕໍ່ກັບ ພະນົມເປັນ.
ນອກຈາກນັ້ນ, ທ່ານປະທານປະເທດ ສີຈີນຜິງ ຍັງມີການພົບປະເຈລະຈາກັບປະທານາທິບໍດີກາຣັກສຖານ ແລະ ປະທານາທິບໍດີເຊັກເບຍ ອີກດ້ວຍ.