.jpg)
ທ່ານ ຫງວຽນທ້ຽນເຍີນ ກ່າວຄຳເຫັນທີ່ກມານພົບປະ
|
(vovworld)- ຕອນເຊົ້າ ວັນທີ 9/11, ຢູ່ຮ່າໂນ້ຍ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ ສົມທົບກັບສະມາຄົມມິດຕະພາບພົວພັນຕ່າງປະເທດປະຊາຊົນຈີນ, ຈັດຕັ້ງການເຄື່ອນໄຫວພົບປະມິດຕະພາບ ຫວຽດນາມ-ຈີນ ດ້ວຍຫົວຂໍ້ “ຊຸກຍູ້ການຮ່ວມມືມິດຕະພາບ ແລະ ການພົວພັນແລກປ່ຽນ ປະຊາຊົນບັນດາແຂວງ, ນະຄອນ ຫວຽດ-ຈີນ”. ເຂົ້າຮ່ວມການພົບປະມີ ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ທ່ານ ຈ໋າງເຕີຈ່ຽງ ປະທານສະພາຜູ້ແທນປະຊາຊົນແຫ່ງຊາດຈີນ. ກ່າວຄວາມເຫັນນະທີ່ນີ້, ທ່ານ ຫງວຽນທ້ຽນເຍີນ ປະທານຄະນະກຳມະການແນວໂຮມປະເທດຊາດຫວຽດນາມ ເນັ້ນໜັກວ່າ: ເລື່ອງຮັກສາການພົວພັນ ຫວຽດ-ຈີນ ພັດທະນາຢ່າງໝັ້ນຄົງ, ປອດໄສ, ເພີ່ມທະວີການພົວພັນແລກປ່ຽນຮ່ວມມື ລະຫວ່າງ ສອງພັກ, ສອງລັດ ແລະ ປະຊາຊົນສອງປະເທດ ແມ່ນປັດໃຈສຳຄັນທີ່ສຸດ ໃຫ້ແກ່ສັນຕິພາບ, ສະຖຽນລະພາບ ແລະ ການພັດທະນາ ຂອງແຕ່ລະປະເທດ, ພາກພື້ນ ແລະ ໂລກ. ທ່ານ ຫງວຽນທ້ຽນເຍີນ ສະເໜີບັນດາຜູ້ແທນຂອງສອງຝ່າຍ ພ້ອມກັນລົງເລິກການແລກປ່ຽນ ເພື່ອແນໃສ່ປັບປຸງ ແລະ ເສີມຂະຫຍາຍ ນ້ຳໃຈມິດຕະພາບ ທີ່ເປັນມູນເຊື້ອອັນດີງາມ ລະຫວ່າງ ສອງປະເທດ; ປຶກສາຫາລືບັນດາມາດຕະການ ເພື່ອແນໃສ່ເປີດກວ້າງການພົວພັນແລກປ່ຽນ, ການຮ່ວມມື ໃນແຕ່ລະຂົງເຂດ, ເປັນຕົ້ນແມ່ນ ກ່ຽວກັບດ້ານເສດຖະກິດການຄ້າ, ການລົງທຶນ, ການທ່ອງທ່ຽວ, ກໍ່ຄືບັນດາຂົງເຂດທີ່ສອງຝ່າຍມີຄວາມສົນໃຈ:
ຫວຽດນາມ ຖືເປັນສຳຄັນທີ່ສຸດ ເລື່ອງພັດທະນາການພົວພັນຮ່ວມມືມິດຕະພາບ ກັບຈີນ, ຍາມໃດກໍ່ຖືນີ້ ເປັນການຄັດເລືອກຍຸດທະສາດ ແລະ ເປັນບຸລິມະສິດແຖວໜ້າ ໃນນະໂຍບາຍການຕ່າງປະເທດ ຂອງຫວຽດນາມ. ໃນສະພາບການສາກົນ ແລະ ພາກພື້ນ ມີການຜັນປ່ຽນສັບສົນຢ່າງບໍ່ຢຸດຢັ້ງປັດຈຸບັນ, ສອງພັກ, ສອງລັດພວກເຮົາ ລ້ວນແຕ່ພວມຍຶດໝັ້ນບົນເສັ້ນທາງກໍ່ສ້າງລັດທິສັງຄົມນິຍົມ ໂດຍພັກກອມມູນິດຊີ້ນຳ, ນຳພາ, ລ້ວນແຕ່ພວມ ຢູ່ໃນໄລຍະສຳຄັນ ຂອງພາລະກິດປ່ຽນແປງໃໝ່, ປະຕິຮູບ ແລະ ເປີດປະຕູ, ທີ່ມີຄວາມຕ້ອງການຮັກສາສະພາບແວດລ້ອມອ້ອມຂ້າງໃຫ້ມີສັນຕິພາບ, ສະຖຽນລະພາບ ແລະ ຄວາມສະດວກ ເພື່ອສ້າງສາ ແລະ ພັດທະນາປະເທດຊາດ.
ກ່າວຄວາມເຫັນທີ່ການພົບປະ, ທ່ານ ຈ໋າງເຕີຈຽງ ໄດ້ສະແດງຄວາມພາກພູມໃຈ ທີ່ໄດ້ເຂົ້າຮ່ວມການພົບປະມິດຕະພາບປະຊາຊົນຫວຽດນາມ-ຈີນ, ພ້ອມທັງສະແດງຄວາມເຊື່ອໝັ້ນວ່າ: ການພົບປະມິດຕະພາບຄັ້ງນີ້ ຈະປະກອບສ່ວນເພີ່ມທະວີຄວາມເຂົ້າອົກເຂົ້າໃຈ ລະຫວ່າງ ສອງຝ່າຍ, ຊຸກຍູ້ການພົວພັນພົບປະແລກປ່ຽນ, ການຮ່ວມມື ລະຫວ່າງ ບັນດາທ້ອງຖິ່ນສອງປະເທດກວ່າອີກ ຜ່ານນັ້ນ ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ຈີນ.