ທ່ານ ​ເລ​ຮ່ວາງ​ກວນ, ປະທານ​ຄະນະ​ກຳມະການ​ປະຊາຊົນ​ນະຄອນ​ໂຮ່ຈິ​ມິນ ແລະ ບັນດາແຂກຕ່າງປະເທດ ພາບ:baomoi.com

(vovworld) - ​​ຕອນ​ຄຳ່​ວັນ​ທີ 30/1, ເນື່ອ​ງ​ໃນ​ໂອກາດ​ປີ​ໃຫມ່​​ມະ​ເສ​ງ 2013, ຄະນະ​ກຳມະການ​ປະຊາຊົນ ນະຄອນ​ໂຮ່ຈິ​ມິນ ​ໄດ້​ຈັດ​ຕັ້ງ​ການ​ພົບ​ປະ​ສັງ​ສັນ​ບັນດາ​ສະຖານ​ກົງ​ສູນ, ອົງການ​ຜູ້ຕາງຫນ້າ​ເສດຖະກິດ, ການ​ຄ້າ​, ວັດທະນະທຳ, ຫ້ອງການ​ບັນດາ​ອົງການ​ຈັດ​ຕັ້ງ​ສາກົນ, ສະຫະ​ສະມາຄົມ​ວິ​ສາ​ຫະກິດ​ຕ່າງປະ​ເທດ​ຢູ່ ນະຄອນ ​ໂຮ່ຈິ​ມິນ. ປີ 2012, ການ​ເຄື່ອນ​ໄຫວ​ພົວພັນກັບ​ຕ່າງປະ​ເທດ​ຂອງ​ນະຄອນ ​ໂຮ່ຈິ​ມິນ ດຳ​ເນີນ​ໄປ​ຢ່າງ​ຟົດ​ຟື້ນ, ນະຄອນ​ໂຮ່ຈິ​ມິນ​ໄດ້​ຕ້ອນຮັບ​ຄະນະ​ຜູ້​ແທນ​ສາກົນ 167 ຄະນະ, ກຳ​ປັ່ນ​ທະຫານ​ເຮືອ 5 ລຳ​ມາ​ຈາກ​ບັນດາ​ປະ​ເທດ. ທ່ານ ​ເລ​ຮ່ວາງ​ກວນ, ປະທານ​ຄະນະ​ກຳມະການ​ປະຊາຊົນ​ນະຄອນ​ໂຮ່ຈິ​ມິນ ​ໃຫ້​ຮູ້​ວ່າ:

        “ປີ 2013 ​ແມ່ນ​ປີ​ຫວຽດນາມມີ​ການ​ເຄື່ອນ​ໄຫວຫລາຍ​ຢ່າງ​ເພື່ອ​ສະ​ເຫລີ​ມສະຫລອງ​ວັນສ້າງ​ຕັ້ງ​ສາຍພົວພັນ​ທາງ​ການ​ທູດ ກັບ 23 ປະ​ເທດ​ໃນ​ໂລກ. ຂ້າພະ​ເຈົ້າ​ມີ​ຄວາມ​ເຊື່ອ​ໝັ້ນ​ຢ່າງ​ເລິກ​ເຊິ່ງວ່າ: ພ້ອມ​ກັບ​ຄວາມ​ຕັດສິນ​ໃຈ ​ແລະ ຄວາມ​ມານະ​ພະຍາຍາມ​ຂອງ​ອຳນາດ​ການ​ປົກຄອງ, ການ​ຫນູນ​ຊ່ວຍ ​ແລະ ການ​ຮ່ວມ​ມື​ຂອງ​ບັນດາ​ເພື່ອ​ນມິດ ຈະ​ປະກອບສ່ວນ​ຫນູນ​ຊ່ວຍ​ນະຄອນ​ໂຮ່ຈິ​ມິນ​ໃນ​ການ​ປັບປຸງ ​ແລະ ສ້າງສາ​ຍພົວພັນ​ອັນ​ດີງາມ​ລະຫວ່າງ​ບັນດາ​ປະ​ເທດ ​ເພື່ອ​ສັນຕິພາບ, ມິດຕະພາບ, ກາ​ນຮ່ວມ​ມື ​ແລະ ພັດທະນາ, ປະຕິບັດ​ບັນດາ​ຄາດໝາຍທີ່ວາງ​ອອກ​ຢ່າງ​ມີ​ໄຊ, ສືບ​ຕໍ່​ເສີມ​ຂະຫຍາຍ​ບົດບາດ​​ເປັນ​​ເຂດ​ໃຈກາງກ່ຽວກັບ​ຫລາຍ​ດ້ານ​ຂອງ​ທັງ​ປະ​ເທດ ​ແລະ ພາກ​ພື້ນ.”