ການພົວພັນຍຸດທະສາດຫວຽດນາມ - ເວເນຢູເອລາ ຈະນັບມື້ນັບໝັ້ນຄົງ
(vovworld) - ຕອນຄຳ່ວັນທີ 7/7. ກ່າວຄວາມເຫັນໃນງານລ້ຽງສະເຫຼີມສະຫຼອງ 203 ປີ ແຫ່ງວັນເອກະລາດ ສ ໂບລີວາ ເວເນຢູເອລາ ແລະ 25 ປີ ແຫ່ງວັນສ້າງຕັ້ງການພົວພັນທາງການທູດຫວຽດນາມ - ເວເນຢູເອລາ , ເຊິ່ງດຳເນີນຢູ່ຮ່າໂນ້ຍນັ້ນ, ທ່ານເອກອັກຄະລັດຖະທູດ ເວເນຢູເອລາ ປະຈຳຫວຽດນາມ Jorge Rondon Uzcategui, ໄດ້ສະແດງຄວາມເຊື່ອໝັ້ນວ່າ, ສາຍພົວພັນຍຸດທະສາດລະຫວ່າງສອງປະເທດຈະນັບມື້ນັບເໜ້ນແຟ້ນກວ່າ:
“ຫວຽດນາມ ແລະ ເວເນຢູເອລາໄດ້ສ້າງການພົວພັນ ຢ່າງໝັ້ນຄົງ, ເພາະວ່າສອງປະເທດໄດ້ມີຫຼາຍຈຸດທີ່ຄ້າຍຄືກັນ ເພື່ອຮັກສາເສລີພາບ ກໍ່ຄືຊອກຫາເສັ້ນທາງດີທີ່ສຸດເພື່ອຄວາມຈະເລີນໝັ້ນຄົງຂອງປະຊາຊົນ. ຮ່ວມກັນຕໍ່ສູ້ເພື່ອໂລກແຫ່ງຍຸຕິທຳ, ສັນຕິພາບ ແລະ ກ້າວໜ້າ. ໃນໄລຍະພຽງສັ້ນໆເທົ່ານັ້ນ, ພວກເຮົາສາມາດບັນລຸໄດ້ຜົນງານຫຼາຍຢ່າງ ແລະ ສ້າງພື້ນຖານແຫ່ງການຮ່ວມມື ເພື່ອຜົນປະໂຫຍດລວມຜ່ານການຢ້ຽມຢາມຂັ້ນສູງລະຫວ່າງລັດຖະບານສອງປະເທດ “.
ສ່ວນທ່ານຮອງລັດຖະມົນຕີການຕ່າງປະເທດຫວຽດນາມ ຮ່າກິມງອກ ກໍ່ຝາກຄຳອວຍພອນເຖິງ ທ່ານເອກອັກຄະລັດຖະທູດ ເວເນຢູເອລາ, ພ້ອມທັງຍ້ອງຍໍບັນດາຜົນງານເຊິ່ງ ເວເນຢູເອລາ ບັນລຸໄດ້ໃນໄລຍະຜ່ານມາ, ອວຍພອນໃຫ້ປະຊາຊົນ ເວເນຢູເອລາ ໄດ້ຮັບຜົນສຳເລັດນັບມື້ນັບໃຫຍ່ຫຼວງກວ່າ ໃນພາລະກິດສ້າງສາ ແລະ ປົກປັກຮັກສາປະເທດຊາດ.