(vovworld) - ທ່ານນາງ Jessica Woodall , ນັກໄຈ້ແຍກທີ່ຂຶ້ນກັບສູນນະໂຍບາຍເຄືອຂ່າຍອີນເຕີແນດສາກົນ, ສະຖາບັນນະໂຍບາຍຍຸດທະສາດອົດສຕາລີ ຖືວ່າ: ການຮ່ວມມືດ້ານຄວາມປອດໄພທາງເຄືອຂ່າຍອີນເຕີແນດສາມາດຊ່ວຍໃຫ້ອົດສຕາລີ ຍົກການພົວພັນກັບຫວຽດນາມ ໃຫ້ຂຶ້ນສູ່ລະດັບສູງໃໝ່. ຕາມທ່ານນາງ Woodall ແລ້ວ, ບັນດາບັນຫາຄວາມປອດໄພທາງເຄືອຂ່າຍອີນເຕີແນດ, ຈະສ້າງກາລະໂອກາດເພື່ອໃຫ້ອົດສຕາລີ ເພີ່ມທະວີການຮ່ວມມືກັບຫວຽດນາມ, ຄຽງຂ້າງການຮ່ວມສຳພັນໃນປະຈຸບັນ, ຕົ້ນຕໍແມ່ນ ກ່ຽວຂ້ອງເຖິງບັນຫາອາຊະຍາກຳຂ້າມຊາດ. ທ່ານນາງ Woodall ຢັ້ງຢືນວ່າ: ຫວຽດນາມ ແມ່ນປະເທດມີຄວາມສຳຄັນທາງດ້ານຍຸດທະສາດໃນພາກພື້ນ ແລະ ບັນດາບັນຫາຄວາມປອດໄພທີ່ບໍ່ເຄີຍມີມາກ່ອນແມ່ນໂອກາດທີ່ຫາຍາກ ເພື່ອໃຫ້ອົດສຕາລີ ຍົກລະດັບການພົວພັນຮ່ວມມືກັບຫວຽດນາມ ໃຫ້ຂຶ້ນສູ່ລະດັບສູງໃໝ່.