ພາບປະກອບ
|
(vovworld) – ວັນທີ 6/6, ຢູ່ນະຄອນ ຍາຈາງ, ແຂວງ ແຄ໋ງຮ່ວາ, ກະຊວງສຶກສາ ແລະ ບຳລຸງສ້າງ ໄດ້ຈັດຕັ້ງງານໂຮມຊຸມນຸມຕອບສະໜອງວັນສິ່ງແວດລ້ອມໂລກ (ວັນທີ 5/6) ແລະ ສັບປະດາ ທະເລ, ໝູ່ເກາະ ຫວຽດນາມ ແລະ ວັນມະຫາສະໝຸດໂລກ. ທີ່ງານໂຮມຊຸມນຸມ, ຜູ້ຕາງໜ້າການນຳກະຊວງສຶກສາ ແລະ ບຳລຸງສ້າງສະເໜີໃຫ້ຖັນແຖວພະນັກງານຄຸ້ມຄອງ, ຄູສອນ ແລະ ນັກຮຽນ, ນັກສຶກສາເກືອບ 23 ລ້ານຄົນຕັ້ງໜ້າເຂົ້າຮ່ວມບັນດາການເຄື່ອນໄຫວປົກປັກຮັກສາສິ່ງແວດລ້ອມ. ແລະກໍ່ໃນວັນດຽວກັນ, ຢູ່ເທດສະບານເມືອງ ຢາເຫງັຍ, ແຂວງ ດັກນົງ, ກໍ່ຈັດຕັ້ງ ງານວາງສະແດງຮູບຖ່າຍ, ວັດຖຸພັນນັບຮ້ອຍຢ່າງກ່ຽວກັບການອະນຸລັກຮັກສາທຳມະຊາດ. ພ້ອມທັງປຸກລະດົມບັ້ນເຄື່ອນໄຫວໂຄສະນາ “ປົກປັກຮັກສາປ່າ, ສັດປ່າ ແລະ ສິ່ງແວດລ້ອມ”. ຄະນະກຳມະການປະຊາຊົນນະຄອນ ດ່ານັ້ງ ໄດ້ຈັດຕັ້ງງານໂຮມຊຸມນຸມ. ນະທີ່ນີ້, ອຳນາດການປົກຄອງນະຄອນ ດ່ານັ້ງ ຮຽກຮ້ອງໃຫ້ປະຊາຊົນທຸກຄົນຍົກສູງສະຕິປົກປັກຮັກສາຊັບພະຍາກອນ ແລະ ສິ່ງແວດລ້ອມທະເລ, ພໍ່ແມ່ປະຊາຊົນຊາວປະມົງຕິດພັນກັບທະເລ, ປະກອບສ່ວນປົກປັກຮັກສາອະທິປະໄຕທະເລ, ໝູ່ເກາະຂອງ ຫວຽດນາມ.
ເພື່ອຕອບສະໜອງວັນມະຫາສະໝຸດໂລກ ແລະ ສັບປະດາທະເລ ແລະ ໝູ່ເກາະ ຫວຽດນາມ, ວັນທີ 7/6, ເມືອງ ກາດຫາຍ, ນະຄອນ ຫາຍຟ່ອງ, ໄດ້ດຳເນີນງານໂຮມຊຸມນຸມເລີ່ມປະຕິບັດລາຍການ “ເພື່ອສິ່ງແວດລ້ອມຂຽວແຫ່ງຊາດ - 2015” ດ້ວຍຫົວຂໍ້ “ພັດທະນາການທ່ອງທ່ຽວຕິດພັນກັບການປົກປັກຮັກສາສິ່ງແວດລ້ອມ”.