(vovworld) – ໃນລະຫວ່າງວັນທີ 01 – 10/09 ຈະມາເຖິງຢູ່ຮ່າໂນ້ຍ, ຈະດຳເນີນການເຈລະຈາຂັ້ນຫົວໜ້າຄະນະເຈລະຈາສັນຍາຄູ່ຮ່ວມມືເສດຖະກິດຂ້າມປາຊີຟິກ (TPP). ເຂົ້າຮ່ວມການເຈລະຈາ, ນອກຈາກຄະນະຜູ້ແທນຫວຽດນາມ, ຈະມີຜູ້ຕາງໜ້າ 400 ຄົນທີ່ມາຈາກ 11 ປະເທດສະມາຊິກອີກດ້ວຍ ເຊິ່ງລວມມີ (ອົດສຕາລີ, ບຣຸໄນ, ການາດາ, ຈີເລ, ຍີ່ປຸ່ນ, ມາເລເຊຍ, ເມັກຊີໂກ, ນິວຊີແລນ, ເປຣູ, ສິກະໂປ, ອາເມລິກາ). ທີ່ການເຈລະຈາທີ່ຈະມາເຖິງ, ບັນດາຄະນະຜູ້ແທນຈະສຸມໃສ່ປຶກສາຫາລືບັນດາບັນຫາທີ່ຍັງຄົງຂ້າງກ່ຽວຂ້ອງເຖິງຂົງເຂດສຳພັດຕະຫຼາດສິນຄ້າ ແລະ ການບໍລິການ, ສິດຊັບສິນທາງປັນຍາ, ການລົງທຶນ, ສິ່ງແວດລ້ອມ… ການເຈລະຈາຄັ້ງນີ້, ຫວັງວ່າຈະບັນລຸໄດ້ບັນດາບາດກ້າວບຸກທະລຸເພື່ອສ້າງບາດກ້າວໃຫ້ສຳເລັດການເຈລະຈາ. ຄະນະຜູ້ແທນຫວຽດນາມ ກໍ່ພວມມານະພະຍາຍາມກະກຽມເພື່ອໃຫ້ການເຈລະຈາບັນລຸໄດ້ຜົນງານຕາມທິດນີ້.
TPP ໄດ້ຮັບການຕີລາຄາວ່າແມ່ນສັນຍາທີ່ມີຄຸນນະພາບສູງ ແລະ ຮອບດ້ານ.ຄຽງຂ້າງເລື່ອງແກ້ໄຂບັນດາບັນຫາທີ່ເປັນມູນເຊື້ອຄື ຫັນການການຄ້າ, ການບໍລິການ ແລະ ການລົງທຶນເປັນເສລີ, TPP ຍັງເຕື້ອງເຖິງບັນດາຂົງເຂດໃໝ່, ສຳຄັນຄື ສິດຊັບສິນທາງປັນຍາ, ນະໂຍບາຍແກ່ງແຍ່ງ, ລັດວິສາຫະກິດ, ການຊື້ປະກອບຂອງລັດຖະບານ, ແຮງງານ ແລະ ສິ່ງແວດລ້ອມ. ຕາມການສະຖິຕິ, 12 ປະເທດເຂົ້າຮ່ວມການເຈລະຈາ TPP ແມ່ນຕະຫຼາດໃຫຍ່, ກວມເກືອບ 40% GDP ແລະ ປະມານ 1/3 ການຄ້າທົ່ວໂລກ.