ວັນທີ 27 ມິຖຸນາ, ຢູ່ຮ່າໂນ້ຍ, ສູນກາງສະມາຄົມນັກສຶກສາຫວຽດນາມ ໄດ້ສົມທົບກັບສະຖາບັນການເງິນ ຈັດຕັ້ງການເສັງຮອບຊິງຊະນະເລີດວິທະຍາສາດນັກສຶກສາທົ່ວປະເທດ “Olympic ວິທະຍາເສດຖະກິດ ແລະ ການໝູນໃຊ້” ຄັ້ງທີ 5 ປີ 2020.

        ຈຳນວນ 133 ຫົວຂໍ້, ມີ 80 ຫົວຂໍ້ໄດ້ລອດເຂົ້າຮອບຄັດເລືອກທຳອິດ. ຄະນະຈັດຕັ້ງໄດ້ມອບລາງວັນພິເສດໃຫ້ບົດລາຍງານ “Online ticket searches and abnormals stock returns: evidence from Vietnam” ຂອງນັກສຶກສາ ລິວຮົ່ງມິງເຟືອງ, ໂຕເຟືອງອຽນ, ນັກສຶກສາມະຫາວິທະຍາໄລການຄ້າຕ່າງປະເທດສາຂາ 2 ນະຄອນໂຮ່ຈີມິນ. ນອກນັ້ນ, ຄະນະຈັດຕັ້ງຍັງໄດ້ມອບລາງວັນທີໜຶ່ງ 4 ລາງວັນ, ລາງວັນທີສອງ 14 ລາງວັນ ແລະ ລາງວັນຊົມເຊີຍ 53 ລາງວັນ.