ການແຫ່ຂະບວນປະທ້ວງຢູ່ຢູແກຼນກາຍເປັນການປະທະກັນນອງເລືອດ
ບັນດາມືປືນຢູ່ນອກປ້ອມຕຳຫຼວດທ້ອງຖີ່ນຢູ່ Slavyansk ເມື່ອວັນທີ 13/4.
(ພາບ: AFP/TTXVN)
(vovworld) - ວັນທີ 13/4, ບັນດາການແຫ່ຂະບວນປະທ້ວງຄັດຄ້ານອຳນາດການປົກຄອງຢູ່ທາງທິດຕາເວັນອອກ ຢູແກຼນ ໄດ້ກາຍເປັນການປະທະກັນນອງເລືອດ ເມື່ອກຳລັງພິເສດຂອງ ຢູແກຼນ ບຸກໂຈມຕີປ້ອມຕຳຫຼວດຢູ່ນະຄອນ Slavyansk ເຮັດໃຫ້ຫຼາຍຄົນເສຍຊີວິດ ແລະ ຮັບບາດເຈັບ. ທ່ານລັດຖະມົນຕີກະຊວງພາຍໃນ ຢູແກຼນ Arsen Avakov ຮັບຮູ້ວ່າບັນດາກຳລັງພິເສດ ຢູແກຼນ ໄດ້ຍົກຍ້າຍເຖິງນະຄອນທາງທິດຕາເວັນອອກ Slavyansk, ບ່ອນທີ່ຜູ້ແຫ່ຂະບວນປະທ້ວງ ຢຶດຄອງສຳນັກງານຂອງຕຳຫຼວດ ແລະ ຫ້ອງການອົງການປ້ອງກັນຄວາມສະຫງົບເຂດ, ເພື່ອຍຸບເລີກການແຫ່ຂະບວນປະທ້ວງຢູ່ທາງທິດຕາເວັນອອກສ່ຽງໃຕ້ ຢູແກຼນ. ທ່ານລັດຖະມົນຕີກະຊວງພາຍໃນ Arsen Avakov ຍອມຮັບວ່າ: ຝ່າຍ ຢູແກຼນ ມີນາຍທະຫານປ້ອງກັນຄວາມສະຫງົບຜູ້ໜຶ່ງເສຍຊີວິດ ແລະ 5 ຄົນຖືກຮັບບາດເຈັບ ແລະ ບໍ່ເວົ້າເຖິງຈຳນວນຜູ້ຖືກບາດເຈັບລົ້ມຕາຍຂອງຝ່າຍແຫ່ຂະບວນປະທ້ວງເທື່ອ. ໃນຂະນະນັ້ນ, ສຳນັກຂ່າວສານ Reuters ໄດ້ໃຫ້ຂ່າວວ່າຝ່າຍແຫ່ຂະບວນປະທ້ວງມີຜູ້ໜຶ່ງເສຍຊີວິດ ແລະ 2 ຄົນຮັບບາດເຈັບ.
ແລະກໍ່ໃນວັນດຽວກັນ, ທ່ານເລຂາທິການໃຫຍ່ ສປຊ Ban Ki Moon ຮຽກຮ້ອງໃຫ້ບັນດາຝ່າຍຢູ່ ຢູແກຼນ ລະງັບໃຈ ແລະ ດຳເນີນການໂອ້ລົມສົນທະນາເພື່ອແກ້ໄຂສະພາບການ.